 |
| |
| التميز خلال 24 ساعة | |||
 العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا | بقلم :  | قريبا | |
 الإهداءات | |
| |||||||||||
| |||||||||||
| |||||||||||
 « آخـــر الـــمــواضيـع » |
 |
| | LinkBack | أدوات الموضوع | انواع عرض الموضوع |
11-03-10, 05:50 PM
| #41 (permalink) | |
|
مشرف عـآم
 |  بااااااااك مع بارتات يديده ((غدا)) ام ناصر تمسح ادموعها....واتقول: ام ناصر: واي شيوخة....تعلمت عليج انتي وديمة...شهرين وانتي عندي.... شيخة متأثرة: يما بس عاد....وين بروح؟؟ ان شاء الله كل يوم انا عندج....لاتضيقين خلقج...... شيخة اليوم بتطلع من بيت اهلها ...وبتروح اتييب ولدها وترجع بيت ريلها....بعد ماظلت عندهم جريب الشهرين.... يدق موبايل شيخة.... شيخة : هذا جراح.....هلا حبيبي.... جراح: هلا شيخة.....انا برة.... شيخة: يالله انا خالصة ....الحين الخدم يطلعون اغراضي...وانا بسلم على امي وطالعة..... جراااح: لاتلطعيني بره...اوكي.... سلمت شيخة على امها وعلى ناصر.....واطلعت....كانت لابسة بنطرون بيج...مع قميص ابيض وفوقه نفس الصديري فيه الوان فسفورية ومن داخل فيه نفس الصوف....مع لفة بيجية من حناين...وجنطة miu miu بنيه....جراح قاعد يطالعها من اول ماطلعت من البيت لين دشت السيارة.... شيخة: اشفيك؟؟؟؟ جراااح: موجنه قميصج اقصير اشوي...؟؟ شيخة: ليش اقصير ...بعد لي نص الفخذ...!!!! جراااح: لا ...خل يطووول اشوي....ماحب الترصرص والتعنفص..... شيخة معصبة: عيل انا الي احب...!!! جرااح: خلاص قولي ان شاء الله وبس..... شيخة: خلاص ...خلاص...ان شــــــــــــاء الله ولايسير خاطرك الا طيب....بعد اشتبي.... جرااح: ايه هذي شيوختي..... قرب جراح وشيخة من المستشفى....جات اتقول شيخة: شيخة: جراح حبيبي مستانسة على خااايفة..... جرااح: مستانسة عرفين ليش....بس خااايفة من شنو.....؟؟؟؟؟ شيخة اتأشر بايدها: مادري مرتبكة....راح اكون مسؤوله عن بني آدم....حياته وكله مرتبطة فيني.... جراااح: شعووور عاادي...لانج اول مرة اتجربينه... وصلوا المستشفى...وقعوا على اوراق خروج براااك....شيخة شايلته بيدها اشوي اشوي..... شيخة: اغطي ويها....اخاف برد عليه؟؟ جراااح: لا عااادي...موزود برد..... شيخة:بس بالنسبة حق ياهل..... جراااح: لا ...لاتوسوسين....ماكو الا العافية.... ادخلوا السيارة....وقاعدة اتبوسه شيخة واطالعه اهي وجرااح ويبتسمون..... تتكلم شيخة وعيونها اهي وجراح عالياهل: حبيبي قول من يشبه.؟؟؟؟ جراح:امممممم...مادري انا ماعرف اشبه.... ارفعت راسها وطالعته....وقالت... شيخة: يشبهك..... جراح يبتسم: يجووز!!!! شيخة اتمد الياهل حق جرااح: هاااك ....شيله.... جراااح: لأ ..لأ ...انا اخاف اشيل يهال اصغار...وبروحه هذا نتفة بزيادة..... شيخة اتحطه بحضنه: ميخالف تتعلم....هاااك... جراح يطالع الياهل ويبتسم ويرفع راسه على شيخة..... جرااح: اتحبينه؟؟؟!!! شيخة اطالع جراااح...وايد تأثرت....جان اتقرب منه واتبوسه على خده اليمين....واتقول.... شيخه:..... احبه اكثر شي لانه منك....... ((شقة جرااح)) جنى: واي شيخة ...حدي متشفقة اشوف ولدج.... شيخة وولدها بحضنها: وااي لاتشوفينه جنوي...حده نتووووف وصغيروووون ...حتى اخاف اشيله وابدله... جنى: الله يخليه لج ويرزقج اخوا وخوات له.... شيخة: امين.... اتيي ديمة تبي اتبوس براك..... شيخة: ديومة حبيبتي ....اشوي اشوي....عشان اخوج صغيرووون وايد...بسرعة يتعور.... ديمه: متى يلعب معاي.... شيخة: لمن يكبر اشوي.... جنى عالخط: ياااحلوها...اتزوغ.... شيخة: اتينن والله...حبيبتي.... جنى : منو اتحبين اكثر اهي ويلا براك...سؤال محرج؟؟؟ شيخة تجاوب بسرعة : اثنينهم....والله اثنينهم....حبيبتي ...الام الي تربي مو الي اتييب...كاهي امها قطتها.... جنى: ايه الله جنوي....تعجبيني.... شيخة: يالله يالله ...شدي حيلج ...من اول شهر حملي..... جنى: وااااااي ان شاء الله....سكتي ناطره يوم الدخله.... شيخة ميته ضحك: آآآ يا شقول...صج ماتستحين...مشفوحه....هيههيهيهيهيهي... جنى: شنو بعد احبه..... شيخة: مامداج...شهرين.... جنى: والله حبينا بعض من اول يوم..... شيخة: الله يهنيكم...... جنى: تعالي وين جراح ماله حس؟؟؟ شيخة: راااح اييب اغراض من الجمعية ناقصتنا ...حق برووك... تسكت اشوي واتكمل: شيخة: لا وتخيلي ....قافل باب غرفتنا النوم...وانا ماعندي مفتاح....ناطرته لين ايي عشان اغير اهدومي.... جنى: ها شلونه جراااح...ليلحين تماام.... شيخة: الحمدالله ...الله يتمم عليه...ادعيلي... واتكمل شيخة: شيخة: وااااااي جنوي....احس اني عايشة بحلم موبعلم..... جنى: اشلووون...؟ شيخة: جرااااح ...تغير ....تغير بسرعة....صار واحد ثاني.... جنى: الحمدالله.....ماشفتي ويها يوم كنت تولدين...معتفس ...ورااايح رااااد....انا بغيت اقوله بس انثبر ...داار راسي....هيهيهيههيهي شيخة: بعد قلبي...لان خاف علي...عباله بموووت... جنى: ويه ...فاله ماقبلناه....بسم الله عليج.... شيخة: مو اهوا عباله جذي...الي تولد يمكن اتموووت....وقال خفت اخسرج حيييييل..... جنى: قالج احبج....؟؟؟؟ شيخة: لحد الحيييييين ....لأ.....بس يامعودة مابي يقول احبج...راضية...خل يظل جذي على طووول ولايقول احبج.... جنى:الله يصب حبج بقلبه ويصب حبه بقلبج.... شيخه: خلاص حبه مصبوب بقلبي صب.....واااي اموووت عليه.... دخل جراح الشقة....وشايل معاه اغراض وااايد.....وينادي ماليني.... جرااح: ماليني ....تعالي اخذي الاغراض..... ويطلع شي من الاجياااس.....ويقول.... جراح: ديوم....تعالي ...يايبلج بيضة كندر..... ديما: افتحلي اياها.... جراح: وبعد ....شوفي هذي شنو..؟؟؟ ديما: الله هدية.... جراح: تدرين منو يابها....؟؟ ديما: ايه انتا.... جراح: لأ ...هذي هدية من بروووك اخوج....يالله روحي بوسيه وقوليله شكرا...... راحت ديمة باسته اشوي اشوي ...وقالته مشكووور.....اما شيخة الدنيا مو سايعتها من الفرحة...وحيل استانست من حركة جراااح.... شيخة: جاح عمري...ليش قافل باب الغرفة...ابي ابدل.... جراح: اووووووووه ...نسيت ابطله لج.....يالله مو مشكله.... شيخة: حطيت افراش برووووك داخل؟ جراح: ايه حطيته..... فتح جراح باب الغرفة....وادخلت شيخة.... شيخة: الـــــــــــــــلــــــــــــــــــه.... جراح يطالعها ويبتسم: اعجبتج.....؟ جراح مغير الغرفة كلها.....من صبغ واكسسوارت واثاث....صابغ الطوفة بيجي غامج....والكفر لونه ابيض...وحاط ثلاث لوحات يم بعض... اطارهم خشب بني غامج فوق التاج مال الفراش....فارش ثرو على طرف الفراش كأنه حياكة ...الغالب عليه درجان البني والبيج....والاثاث كله بني غامج....وابجورتين اكبار غطاهم ابيض وقاعدتهم خشب...وحاط عالكوميدينه الي يمة صورة شيخة...والكوميدينه الي يم شيخة صورته...وحاط طاوله امدورة صغيرة ...عليها مزهرية زجاج شفافة طويله...داخلها جوري ابيض....وبينها قنفات اصغار لونهم بيج..... شيخة: جراااح.... جرااح يطالعها ويبتسم : هلا.... شيخة: مشكوور واايد....مشكور حبيبي..... جرااح: العفو...تستاهلين اكثر..... كانت شيخة ماسكة براك بيدها...قامت وحطته بفراشه..... جراح: مو أله ينام عندنا براااك اليوم....ولهاااان عليج...وراح يصك علينا...خليه ينام عند ماليني وديوم.... شيخة: من صجك..مالك امل...توني ماشبعت منه....وحرام اصغير...اخاف يشرق او شي...لا ل ..ماأمن..... جرااح: ايه صح كلامج..... جرااح : ليش ليلحين لابسة احجابج ...يالله غيري اهدومج...بدلي... شيخة تبتسم: ان شاء الله...... البست قميص حلو...وناعم....لونه اسود...وقصير....وكانت قاصة شعرها قصة سعاد حسني....<<<<هبة 2006... وحاطة أي لاينر اسود ...خاطته خط...وحمره حمره....وحطت لها بالكحل حبه خاله على خدها اليمين....اطلعت من الحمام ....كان شكلها واااااو..ويلا جرراح منسدح عالفراش...قاعد يطالعها...جان توقف جدامه ..وتلعب بشعرها.... شيخة تغمزله: هاشرايك بالقصة... جراااح كان منسدح يوم شافها ...رفع نفسه اشوي.... جرااح تنح: لأ دماااااااااار...شكلج موطبيعي بالقصير.... شيخة تضحك....ويلا اتشوف دشداشة جراااح طايحة بالارض.... جراااح: شيخة عفية قبل لاتنسدحين بالفراش....دشداشتي الي على القنفة هذي...قطيها مع الغسيل ...عشان اتغسلها ماليني باجر.... شيخة: انشـــــــــــــالله..... راحت شيخة خذت الدشداشة بتقطها بالغسيل... جراح يكمل كلامة : ايه بس تشيكي عالمخابي يمكن فيها شي.... قاعده اتشيك شيخة... شيخة: أيــــــه ...لقـــــــيـتـ........ جان تسكت شيخة....لقد علبة اصغيرة من مجوهرات الفارس....افتحتها...ويلا خاتم متروس الماس....ومع العلبه كرت اصغير ...افتحته....ومكتوب فيه: ((تستاهلين اكثر يام براّك)) جان ترفع عينها وتطالع جراااح....جان اتدمع اعيونها....وتروح تركض اتلمة واهو بالفراش..... شيخة واهي تبجي: مشكوووووور حبيبي...مشكور...ليش كلفت على عمرك...انت عندي عن هدايا الدنيا كلها...انا مابي شي غيرك... جراح يمسح ادموعها ويطالعها ويحط عينه بعينها: الالماسة تستاهل الماسه مثلها.... جان يلمها حيييييييييييييل وهو مغمض عينه....... | |
  عندما تتشابه الأرقامـ    |
|
11-03-10, 05:52 PM
| #42 (permalink) | |
|
مشرف عـآم
| بعد اسبوع ((يوم الجمعة)) في الصباح: شيخة بالصاله اتطالع تلفزيون...مع ديمة وبراك نايم يم شيخة عالقنفة.... شيخة: ماليني...سوي غترة بابا جراح...اليوم يروح مسيد..... جرااح توا قاعد من النوم.....طلع من الغرفة وقاعد يتثاوب..... جراااح: صباح الخير.... شيخة تبتسم ابويها: صباح الخير عالنوير..... قعد عالقنفة.....جان يبوس براااك..... جراااح: ديووووم....تعالي بوسيني..... ديمة حاقرتة ومندمجة مع الباباي.... جراااح: ديومي...ديومي... ديمه: هااااااا.... جرااح: بابا مانقول هااااا...انقول نعم.....تعالي بوسيني.. وتركض ديوم واتطب حيييل على جراااح.... جراااح: اشوي اشوي بابا...لاتصيرين دفشة.... ديمة: اليوم راح انروح بيت بابا فيصل...صح؟ جرااح وماله خلق: اييييييه.... ديمة: الله ...ابي العب مع رتوج ودينا وعزوز وفصول<<<اعيال عمتها وعمامها جراح:اممممم.....اتسبحتي.... شيخة: كاني الحين بسبحها...... جرااح: سويتوا غترتي ودشداشتي اوتي.... شيخة: أي ...قاعدة تضربهم..... جراااح:ايه بس لاتعورهم....<<<ينكت... شيخة تضحك: هيهيهيههيهي...ياملقك... شيخة اسكتت وقاعدة اطالع جراااح.... جراااح: اشفيج ...جنه بقلبج شي؟ شيخة ابلعت ريجها : ايه والله بقلبي شي...... جرااح مخترع: شنو....اشفيج؟ شيخة: جراااح....اني ودي ابطل معاك هالموضوع بس ماني عارفة اشلون ابدي.... جرااح: بسرعة خبصتي قلبي.... شيخة: لا لاتخاف ...ماكو شي ...مو لهدرجة.... جراااح تنرفز: بتتكلمين ويلا اشلون.... شيخة: ان شاء الله.... ان شاءالله....جراح...ليمتى جذي علاقتك بأهلك؟؟؟؟ جراااح بنرفزة: اهووو ....عبالي عندج سالفة والله.... جان يقوم ويروح الدار..... شالت شيخة براك...والحقته....وحطت براك عالفراش.....ويلا جراح قاعد على طرف الفراش.... جرااح معصب: ليش يبتيه...بدخن..... شيخة: عيل زين اني يبته ....عشان ماتدخن..... جراااح ساكت...راحت شيخة واقعدت يمه... شيخة: جرااح شوفني.... ..جان اتحط ايدها على خده وتلف ويهه صوبها.... ويطلعها ...وتكمل.... شيخة: جراااح....احنا الحين عندنا بنت وولد...وان شاء الله باجر الله بيرزقنا بعد بعيال....هل تبي اعيالك مايعملونك معاملة زينة.... جراااح بلامبالاة: لاطبعا...... شيخة: ولا احد يحب هالشي...و مافي ام ويلا ابو يهون عليه ضناه....صح يقاطعها جراااح: ايلا امي وابوي....اهون عليهم.... شيخة: لا مستحيييل....انت تتخيل هالاشياء... يقاطعها: انتي ماتدرين...ماتدرين عن شي..... شيخة: ادري انا عااارفة ...عاارفة كل شي.... جراااح: عااارفة شنو.....قولي الي عارفته...عادي شيخة: انا ادري ان سبب زعلهم منك ...بسبب زواجك الاولي...ماكانوا راضيين علي تبي تاخذها..... جراااح انصدم اشلون اعرفت...لف ويها الصوب الثاني: اولا انا احب امي وابوي واخواني... و علاقتي زينه بامي وابوي...اذا دخلت حبيت راسهم..احاول اكلمهم ...بس اهم الي مايعطوني وي...وزواجي الاولي ماكان سبب....طاع الحين انا امطلق ذيج من زمان ومتزوجج انتي...... شيخة: انزين قولي شنو اهي الاسباب..... جرااااح واعيونه كلها حزن: اهم من كنت انا اصغير يفرقون بيني وبين اخواني...وخصوصا اخواني الصبيان....دايما كنت انا الي انزف...اذا صار أي شي يتهموني...اذا اخواني تهاوشوا...قالوا اكيد بسبب جرااح....من انا اصغير كله يعاقبوني....كنت منبوذ بالعايله....صج اني كنت شيطان....وموذي....بس اهم زادوا كل شي فيني....حتى عصبيتي الزايدة منهم....كانوا حيييل يفرقون ...بكل شي...بكل شي....بالفلوس ...بالدراسة ...بالسيارات...يعني مثلا كل اخواني....جامعيين...الي ادخلو جامعة الكويت....والي ماعندهم معدل ...ابوي دزهم بره....اما انا لأ....يوم تخرجت من الثانوية...ماكان عندي معدل...وقلت حق ابوي دزني برة....مارضى...مع ان مشعل كان اهناك ...واهو الي دازة....واضطريت اني ادخل الجيش...عمرهم ماحسسوني بالحنان...بالذات انا ....كلهم تدللوا بالبيت...الا انا...حتى كنت اشك اني ولدهم.... شيخة اهني اشصاار فيها....خنقتها عبراتها....اول مرة اتشوف جراااح منكسر...اول مرة اتحس ان جرااح ودة يبجي.....اول مرة اتحس ان مظلووووووم....قامت لمته حييييل........... شيخة: ميخالف...ميخالف.... اسكتت....وكملت....بس انت احتسب الاجر....وحاول... جراااح: ان شاء الله...بحاول...علشانج ...علشانج بس..... | |
| عندما تتشابه الأرقامـ |
|
11-03-10, 05:53 PM
| #43 (permalink) | |
|
مشرف عـآم
| ((بيت ابو محمد)) ام محمد: وااااااي وازينه ..تغير عن لما كان بالمستشفى...والله صال ليــّال <<<<اتلاعبه وتبوسه نورة لامها: يما عطيني اياه خل اشوفه.... عطت ام محمد بروك حق نورة..... نورة : ويه ياحلوة والله ويها اسميحة.... سلّم قلبه هالبروووك...والله ان ياخذ القلب... شيخة اطالعهم وهم يلاعبونه ومستانسه: الله يسلمكم..... لطيفة : عيل شيخة من يشابه...؟ شيخة بانفعال: كله جراااح...كله جرااااح...ماتشوفينه جميل<<<تضحك نورة على ضحك: القرد بعين امه غزال...... ام محمد نقزة على جراح: ياحبيبتي ياشيخة ...مو مهم الجمال ..المهم الاطباع والاخلاق...!!!! جرااح بعيد اشوي... بس قاعد يسمع ... ما علق ولافتح السانة بكلمة.... دلال: ايه الحمد الله والشكر ....في ناااس غارهم شكلهم ..عبالهم املكو الدنيا....مايدرون ان محد يواطنهم.... لطيفة اتكلم دلال اشوي اشوي.... لطيفة: استحي على ويهج...بس عاااد... دلال : كيفي....قلعته...خل اولي.... شيخة حست بالاحراج الي حس فيه جراح...وخصوصا هالكلام جدام الكل...الابو والاخوان وحريمهم<<<<بحكم ان حريم الاخوان صارلهم اسنين وعارفين فضايح جراح.... شيخة: ايه والله ...صاجين اهم شي الاخلاق....الله يصلح وليدي...ويخليه نفس ابوه جراح...ماشاء الله عليه ...ريـّال ابمعنى الكلمة...وحنون...وقلبه اكبير.... شيخة بينتلهم بطريقة ذربة ...ان كل النغزات هذي ماتنطبق على جراااح...وان العكس صحيح.... جراح قاعد يسمع كلام شيخة ..ويبتسم من غير مايطالعها..... كلهم طالعوها بنظرات كلها تعجب وعلامات استفهام..... دلال مستغربة اتحاجي لطيفة: هاوو...مصجها هذي ويلا تتغشمر.... لطيفة: اشدراج يمكن تغير..... دلال اتأشر بايدها : ويييه ...ولي اعافيج.... بعد اشوي طاح الغداا....وتيمعت العايلة على طاولة الطعام ....كان فيها مالذ وطاب..من اعيوش وصواني وانواع السلطات...طبعا كل جنه تتفنن بالطبق الي اتييبه معاها....غير الاكل الي يسويه طباخ ام محمد....فعلا وليمة لذيذه.... ام محمد قاعدة تاكل: منال...والله خوش طبق هذا الي انتي مسويته...<<<جنتها مرت عبدالعزيز منال مستانسة: عليج بالعافية خالتي....عاد مايبيله شي.... ام محمد: عيل اخذ منج الطريقة ...خل اعلم الطباخ يسويها.... جان تنقز شيخة وعلى قشمره...تضحك: لا عاااد انا احتريت....خالتي ذوقي هذا الطبق الي انا يايبته.... ام محمد: ايه ماشاء الله خوش طبق....اشلون طريقته... شيخة تضحك: الصراحة مادري ...خدامة اهلي امسويته....عاااد انا صريحة.... دلال اتحط ايدها على خصرها وتضحك: الحين خابة نفسج...وخالتي ذوقي الطبق ...واخر شي خدامت بيتكم امسويته ....ماعندج سالفة... جان يضحكوون كلهم..... فجأه ويلا جرااح يقص بالاكل...ويكح حيييل .... شيخة اختبصت واطقه على ظهره حيل : حلو حلو حبيبي...عطووووني ماي ابسرعة..... شربت شيخة جرااح الماي...والحمد الله راحت القصة...وحاطه ايدها على قلبها..... جرااح: وااي ...شفت الموووت.... شيخة: بسم الله عليك...يعل يومي قبل يومك... جرااح: بسم الله عليج.... كل الموجودين طاقتهم البوهه...مو مصدقين الكلام الي يسمعونه....وطبعا ..لاتعليق...... عقب الغدا حطوو الحلو والشاي والقهوة....واقعدوا الحريم ابصوب والرياييل ابصوب....بس ابنفس الصاله.... جراح قعد مع اخووانه محمد وعبالعزيز ومشعل وخالد وابوه....وقاعدين يسولفون...عن السياسة و العقار والبورصة والشركة وغيره....وطبعا جرااح ساكت ولا كلمة....اصلا ولا كأن موجود...بس قاعد يسمعهم... يتله شيخة يايبتله حلو....وقهوة شيخة:جرااح حبيبي...يبتلك حلو وقهوة.... جرااح: مشكورة ....بس حطيلي القهوة باستكانه...هذي ماتسوي شي.... شيخة: من عيوني...... وجرااح قاعد ياكل الحلو...ويسمع.... خالد: باجر متى الملجة؟؟ محمد: عالخمس ان شاء الله.... ابو محمد : تعالو امبجر....قبل اهل المعرس...ويا محمد ...لاتنسى اتذكر خوالك..... محمد: ابشر يبا..... جراااح مايدري شقاعد يتكلمون عنه...... جراااح: شالسالفة ...ملجة منو؟؟؟؟ مشعل متوهق : شنو ماتدري...ملجة لطيفة!!!! جراااح جنه احد معطيه اطراق....انصدم....وعصب حييييييييييل.... جراااح: انتو من صجكم ويلا تتغشمرون؟؟؟؟ مشعل: هدي ...هدي اشوي... جرااح يدز ايد مشعل: يامعود ...شا هدي....انتو مستوعبين الي يصير..... باجر ملجة اختي وانا مادري... ابو محمد: خلاص كاااك دريت....لاتسويها سالفة... جراااح وقف: الا بسويها سالفة ونص....شنو ...يعني لو انا مو سامعكم الحين...جان خلاص ماتقولونلي.... عبدالعزيز: تعوذ من ابليس...ولاترفع صوتك على ابوك ...مايجوز...روح اتيدد...انت معصب الحين.... جرااح يطالعه ويصرخ:رررح زين... ويعني ايجوووز الي اهللك يسوونه فيني....هذي مو قطع ارحام...اختي و مادري عن ملجتها....!!!!! محمد يوقف بويه جراااح: يبا انت اتفشل....من يبيك....طير زين... جرااح بيروحله ويمسكه مشعل وعبدالعزيز ويقعدونه.... جرااح ااشر بايده: انت خصيصا ...صك حلجك...ماتحمل منك ولا نص كلمة..... ام محمد: خلاص لا تكبر الموضوع ...ماصار الا الخير....باجر تعال وانتهت السالفة... جرااح خق وابوه: عيل انا تنتهي السالفة....على احد ثاني من اعيالكم اتقوم القيامة... جراح يطلع ويصفق الباب..... شيخة شايلة برااك مخترعة: يالله عيل مع السلامة..... وتنادي الخدامة وديمة وتطلع...... خالد: اقول الصج...جرااح هالمرة معاه حق.... محمد: خل اولي زين.... مشعل: ايه والله ...اشلون نسينا انقوله.... ابومحمد حق ام محمد: ليش ماقلتيله...مالنا خلق السانه وتصرقعه....!!! ام محمد: اشدراني انا...لهيت بعد شسوي....اخوانه المفروض ايقولوله....ماشاء الله اربعه..... محمد: انا مو عاده اخوي...ولا اواطنه بعيشت الله...ولا همني ...يا ويلا مايا....بلعنة الي تلعنه.... محمد اخو جرااح العود....هذا يكره جراااح وجرااح بعد مايواطنه ولايشتهيه...من كانو اصغار نجرة وطق....ولا احد منهم يتحمل من الثاني كلمة...ولا يكلمون بعض ابد...ولاحتى سلام.... ((السيارة)) جراح: واتقوليلي حسن علاقتك بهلك....الحمدالله كل شي صار جدامج.... شيخة ماعندها شي اتقوله..... جراح: الحمد الله سمعتي التنقز....وشفتي بعيونج ....بعد خلاص.. لاتقوليلي شي مرة ثانية....انا كاف خيري شري...ملي شغل فيهم.... شيخة تمسح على ظهره: عشان انت امعصب اتقول هالحجي.... جراح ايدز ايدها: وخري عني .... حدها واصله عندي.... جرااح حيل مظلوم بهالموقف.... مسكين.... طبعه وعصبيته مايت من فرااغ....وحتى زواجه الاولي كان نتيجة نقص الحنان ....عشان جذي حب اول انسانه عرفها بحياته....وتنازل عن اشياء واايد....كل هذا لانه هالانسانه عطته الحب....او كانت تدعي الحب..... ((بعد اقل من شهر )) شيخة: جراح عمري....اليوم اشعندك.... جرااح بيطلع من باب الشقة....يلتفت عليها... جراح: برووح عند مشاري ...تدرين حايس بعرسه وماعنده احد غيري...بنتفق على الصالات ...ونتفق مع بوفيه ...انشوف منو بسوي البطاقات.... شيخة:عاد اليمعة كلشي مسكر.... جراح: لا بس بنخطط وانحدد التواريخ... شيخة: زين اتسوي....عاد هالله هالله بالشي الزين...اهو ماراح ياخذ أي وحدة...بياخذ جنوي... جراح يضحك: عاااد من زينها ...ويا لدغتها.... شيخة: لا والله.....عاد من زين رفيجك هالاصلع.... جراح يضحك: حبيبتي اهو مو اصلع...اهو يقرع.....لا تقنعيني ...اهو احلى من رفيجتج... شيخة امعصبة: من حلات ويها...يقطع الخميرة من البيت!!!! جرااح ميت ضحك: والله لا اقوله انج اتقولين جذي..... شيخة تركض عند جرااح : حلفتك بالله ماتقوله....وراسي .... جرااح يضحك : بدامج مو قد الكلمة لاتقولينها......انزين ليش تسأليني اذا عندي شغل او لأ ...اشتبين.....؟؟ شيخة: لا مابي شي....بس قلت اليوم اليمعة....وودي اطلع وياك.... جراح: عالعشاء ويلا سينما..... شيخة: لا عالعشاء...انا عزمتك بعد اشتبي..... جراح:شالمناسبة!!! شيخة: لازم مناسبة....!!!!! بس جذي ودي اعزمك.... جراح: خوووش...الحين الساعة 5 ...عالثمان خليج جاهزة...ادق عليج وطلعي ...اوكي الساعة ثمان: شيخة تجهزت...والبست بالطو اف وايت شمواه....مع بنطرون بيجي غامج....حطت اسكارف املون من كينزو على ارقبتها ...عشان تكسر اشوي....والبست لفة بيجيه عليها خط استراس ذهبي ...مع جنطة كبيرة من lv بنية....وحطت ميكآب خفيف...... يرن موبايلها..... شيخة: هلا.... جراح: انا تحت..... شيخة: كاني نازله..... انزلت شيخة ...وكان جرااح قاعد ايطالعها من اول ماطلعت لين ادخلت السيارة....واول مادخلت ...على طووول... جرااح: شويخ ...جنج متنانه..... شيخة اطالعه: لا والله.... جراح يبتسم: قاعد اشوفج وانتي يايه...حسيتج ماتنه..... شيخة امعصبة: لا يعني مو عاجبتك....؟؟ جرااح: امبلا ....بس ردي نفس اول ....انا احب الضعف.... جان تاكله شيخة بلسانها: والله عاد توني والدة... انتو يالرياييل كلكم جذي ....تبونا انييب بهالعيال...وماتبونه نمتن...وكله على سنقة عشرة.... جرااح يضحك: انزين ليش عصبتي...قاعد اتغشمر.... شيخة: احلف .... جراح : والله.... شيخة: عبالي..... جرااح يبتسم: يالله وين ابتعزميني؟؟؟ شيخة: انا حاجزة ماكي البحر.... جرااح: اللـــــــــــــــه....عاد صج صج مشتهي ماكي.... شيخة: قلبي على قلبك عيل..... جرااح: اكيييييييييييييييد..... راحو ماكي ....طبعا كان زحمة كالعادة....اقعدوا يم الدريشة....عطاهم الويترس المنيو...... جرااح حق شيخة: تبين منيو....انا عارف طلبي مابيه.... شيخة: هم انا عارفة طلبي ...مابيه..... اطلبوا سلطة الافوكادو ...وشيخة اطلبت نجمياكي و عيسى ماكي....اما جراح طلب اديمامي و كريمي لابستر.... يابو الطلبات....وكلوا....على اضاءة الشموع....وخلصوااا.... شيخة مدت ايدها حق وحطتها فوق ايد جرااح عالطاولة وبصوت حنون: كل عاام وانت بخير.. جان اطلع من جنطتها هدية وعطته اياااه.... ابتتسم جرااح.....وبطلها ...ويلا يلقى ساعة حلوة من فرساتشي وكرت...مكتوب فيه (( تروح اسنين وتيجي اسنين ...وانا وياك احلى اثنين)) شيخة: نسيت ....اليوم عيد زواجنا جراااح يرفع حاجبه: لا تخافين ماتغلبيني.... جان يطلع من مخباته ظرف....ويعطيها اياه...ويقول جرااح : كل عام وانتي الحب....... بطلت شيخة الظرف...تشيك ابـ500...وكرت مكتوب فيه (( عسى الله لايحرمني منج)) شيخة: حبيبي ....توقعتك ناسي.... جراح:تستاهلين اكثر....انا خفت اييب شي ..ومايعجبج ذوقي.... شيخة: حبيبي...ورده منك تسوى هدايا العالم كلها....... ادفعوا الحساب....واطلعو من المطعم.....تمشوا على شارع الخليج.....وقاعدين يسولفون ويضحكووون.... جراااح: عاااد انا امزهبلج اغنية اهداء مني لج....ومنج لي.... شيخة مستغربة: اشلون يعني....اهداء منك لي ...واهداء مني لك بنفس الوقت؟؟؟ جرااح: انا اقولج اشلون ...انتي اتغنيلي مقطع وانا اغنيلج مقطع.... شغل جراح الاغنية...ويلا اغنية ((فضل شاكر و يار))... شيخة ميته ضحك:....جراااح شكللك ينيت...امبيه صوتي مو حلو.... جراح يصك الاغنية: اوووه عن البياخة لاتخربين الجو...عاد اشدعوا انا صوتي الي مسكت.يالله عاد عشان عيد زواجنا..بعيدها وراح اتغنين.... عادها جراح الاغنية.... شيخة تبتسم واتمدله ايدها: خدني معك ...بالجو الحلو....خليني معك ....اسرح ياحلو.... جراح يمسك ايدها: جمالك جمال ...جمال جمال مش عادي...كلامك كلام...كلامك كلام مش عادي...شوبدي دلال على صوت الدلال غفيني...شو بدك غرام ...ليل الغرام هنيني,,,, شيخة: خيالك خيال...خيالك خيال مش عادي...وجايني بزمان وجايني بزمان مش عادي... توعدني بأمان .. توعدني بامان تلاقيني مكان ….تننسى الزمان و نغني... جرااح: مشي معي ساحرني الحنان هالقلب اسمعي عم ينده هلا..<<<<يحط ايدها على قلبه.... شيخة ميته ضحك...وحتى جرااح ميت ضحك..... شيخة : امبيييييه ....لأ موصج....جنه ميانين...خبلت فيني حبيبي.... جرااح يسكت اشوي ويلتفت عليها..... جرااح: الله لا يحرمني منج..... شيخة: ولا يحرمني منك ياااارب....... اوصلو الشقة.... جراااح: صخة.... شيخة: ايه انا مودية اليهال بيتنا......هاليليه بس لي ولك...مابي ازعاج.... جرااح: يالشيطانه.... فتح جراااح باب الغرفة....ويلا الابجورة امبطله...و يشوف ورد جوري منثور على الفراش على شكل قلب الحب..... التفت على شيخة ....لمها ....صك الباب...... | |
| عندما تتشابه الأرقامـ |
|
11-03-10, 05:54 PM
| #44 (permalink) | |
|
مشرف عـآم
| لساعة ثلاث بليل...... شيخة اتقوم من النوم اتصارخ..... شيخة: بــــسم الله الرحمن الرحيم....بـــٍم الله الرحمن الرحيم..... جراح قايم من النوم مخترع.... جراح : بسم الله عليج..اشفيج..!!! شيخة حاااطة ايدها على قلبها: اوذ بالله من الشيطان الرجيم...اعوذ بالله من الشيطان الرجيم...... جراح ايلمها : لا تخافين...انتي حلمانه..... شيخة تبجي حيييل: لا موحلم....كابووووس....كابوووووس... جرااح :خل اييبلج ماي.... قام بيروح اييبلها ماااي من المطبخ ... شيخة مخترعة تمسك ايده : لا ...لا تخليني ....لاتخليني.....مابي ماي ...مابي شي...بس ابيك.... وظل لامها مدة طوييييييييييله....لين هدت ....وراح معاها اشربت ماي...وغسلت ويها....ارجعوا اقعدوا بالفراش.... جراح: اشفيج ....شنو حلمتي فيه.....؟؟؟ شيخة اتبولع بريجها وتتذكر: حلمت ان ادخلت ابيتنا حيه كبيرة...عريضة...ولونها اسود....وعندها اسنان....اول مرة اشوف حية عندها اسنان ...وعندها انياب اكبار حاده....وكانت اطلع صوت يخرع....واول مادخلت طالعتني انا واليهال....بعدين يا واحد ...وحاول ان يساعدنا قام يطقها يطقها...ماكو فايدة...جان اتقوم اتعض حيل صوب ارقبته...حيل ...جنها اتمص دمه...بعدين قعدت من الحلم مخترعة..... جراااح: مااااكو الا العافية....لانج قاعدة اتفكرين باليهال....وانزين ليش خااايفة...ماسوت الحية حق اعيالج شي<<<يقولها وهو يبتسم..... شيخة اطالعه: جراااح........انت الريال الي بالحلم......... جرااح: شيخووو متى بتداومين ؟؟؟ شيخة قاعدة تقرا الجريدة...تجاوبه... شيخة: انا ولدت شهر 9 ...و ماخذه امومة...اممممممممم ...اداوم على شهر 3.. ..ليش؟ جراااح: اتصدقين ...يبيله سفره.... شيخة مانطرته يكمل: ايه ايه ...يبيله....بس وين؟ جراح: شوفي ...مو مال اروبا ...لان الحين الجو عندهم برد موووت....تبين شرق اسيا؟ شيخة تفكر:أممممممم..وغيره... جرااح: اقترحي..... شيخة: ايه لقيتها ...استرايا!!!!..الحين عندهم دفا...اهم عكسنا.... جراااح: لا يبا....نبي ديرة اقريبة...انا قلت سفرة عالسريع.....بوعشر ايام...تدرين ماقدر آخذ اجازة طويله بهالوقت.... شيخة: خلاص ....اشرايك بهونك كونج...يمدحونها...يقولون جنها لندن....لا وفيها دزني لاند.... جراااح: ايه صح وايد ناس يمدحونها.....اشرايج...نقعد اسبوع بهونك كونج وانروح بانكوك 3 ايام....اذا تبين السوق يعني؟؟؟؟ شيخة: ييت عالوتر الحساس....ايه ابيه سووووق حدي..... جراح: خوووش....باجر انا ومشاري انروح السفريات ...واضبطها عدل.... شيخة: تعال وين بسافرون مشاري...نسيت اسأل جنوي....؟ جراح: جنه يقول المالديف...واستراليا!!!! شيخة: الله ونااااااااسة..... جراح:مابقا على عرسهم شي...اهم شهر 3 صح؟؟؟ شيخة: ايه شهر وشي ...احنا الحين نص 1 ...واهم اول 3..... تسكت شيخة...تبتسم واتكمل.... شيخة: ياحليلها جنوي....بتصير عروس.......تعال.... اشلون مشاري ...مستانس....!!!! جرااح: ايه والله ...مشتط ابو الشباب.... شيخة: ياحليلهم...الله يوفقهم.... شيخة لاحظت من فترة ان جرااح كله حاط ايدة على خاصرته... شيخة: جراح لاحظتك...كله ضاغط على خاصرتك...اشفيك؟ جراح :لا موبخاصرتي ...فوق اشوي... مادري اشفيني...صارلي مده...احس بالم ..من فترة لي ثانية.... شيخة مخترعة: يعني ليش تسكت عن عمرك...تبي يصير فيك شي..روح افحص...بعد سبحان الله.... جرااح: لاتقعدين اتفاولين على....ان شاء الله مفيني ايلا العافية... شيخة: بسم الله عليك الف مرة...انا مو قاعدة افاول عليك حبيبي... ابيك اتشيك بس.... جرااح: ان شاء الله ...يصير خير.... يضيع الصقلة.... جرااح: انزين شنو طابخة ماليني اليوم عالغدا؟؟ شيخة: مجبوس دياي.... جراح: بس ...بالاسبوع 3 مرات مجبوس دياي...غيروا.. شيخة: شنسوي ...ديمة ماتحب غير مجبوس الدياي....خلاص مرة ثانية اسويلك طبق بروحك.... جرااح: ايه ..موزين كل يوم اعيوش....حق الكرش..... شيخة: ايه والله....بعد شنسوي.... يرن موبايل جرااح.... جراح مستغرب:هذا مشعل اخوي داق!!!!! شيخة:انزين رد عليه... جراح: الووو..... مشعل: هلا جراح...اشلونك...طيب؟؟ جراح: هلا والله ...بخير.... حس مشعل ان جراح مستغرب....كمل مشعل:مستغرب اني داق...صح... جراح: تبي الصج...ايه مشعل:بغيت ابلغك ان امي تعبانة....سادحينها بالمستشفى.... جرااح يوقف ومخترع: اشفيهاااااااا؟؟؟ شيخة اخترعت وحطت ايدها على قلبها..... مشعل: لا لاتخاف الحين احسن...بس امس بليل طاحت....فيها جلطة خفيفة...بس الحمد الله الحين ما فيها شي.... جرااح: اهي وين الحين...باي مستشفى....؟؟؟ مشعل : الاميري.... جرااح: الحييين برووح.... مشعل: خووش عيل.... اول ماسكر الموبايل ويلا شيخة تسأله على طول : منــــــــــــــــو بالمستشفى؟ جرااح: امي .... شيخة : اشــــــــفـــــــيـــــــــهاااااااااااااااااااا؟ جرااح: جلطة خفيفة...بس الحين احسن...... قام راح الغرفة...جان تلحقه شيخة.....شنو بتروح الحين.... جرااح قاعد يلبس دشداشته : اكيد يعني... شيخة: انا بعد بيي..... جرااح: بسرعة بدلي ...انطرج بالسيارة..... بدلت شيخة عالسريع.....وانزلت....ادخلت السيارة.......ومشووا..... طول الطريج...جرااح متوتر.....ويدخن...زقارة ورة الثانية.... شيخة معصبة: جراااح بس...خلاص...خنقتني.... جان تفتح دريشتها....وتخمط الزقارة من ايد جراااح وتحذفها..... جراااح معصب: انتي اشفيج ينيتي؟!!!! شيخة: بس خااااف الله بنفسك....شنو هذا....في احد يدخن جذي....ارحم حاللك...موزين.... جراااح: مالج شغل...انزين....بروحا مالي خلق شيخة: لا لي شغل....بتذبحك هالزقاير..... جراااح: مابيج اتعيدين هالحركة مرة ثانية....فاهمة... شيخة بانفعال: لا مو فاهمة....تراك مورخيص عندي..اذا انت مو خايف على عمرك....ترا انا خايفة عليك...ومومستعدة اخسرك.... جراااح: ترا ادري انج اتقطين علب الزقاير من وراي...ترا احس اذا ناقصين ...بس اطوف ابمزاجي...بس والله ...كاني حلفت ...اذا تدخلتي بهالموضوع ياويلج.... شيخة ساكته ماردت عليه.....فجأة جان تنفجر من البجي..... شيخة واهي تبجي وبصوت عالي: انا خاايفة عليك منها...لاني متعقدة من التدخين....ابوي الله يرحمه مااات بسبت الزقاير.....ماابي يصير فيك نفس الشي...مااابي ...والله اني خاايفة عليك...ومو قصدي اتحكم فيك..... اكسرت خااطر جراااح: انزين خلاص لاتبجين....اوعدج اني اخفف تدخين.... شيخة ليلحين تبجي: لا ...انا ما بيك اتخفف التدخين....ابيك تقطعه نهائيا.... جراح بهدوء: اوعدج اني اخفف لين اقطع ان شاء الله...بس مابي اشوفج تبجين...هالدموع غالية علي.... شيخة: احلف انك بتحاول.... جراااح: والله راح احاول..... يسكت اشوي ...ويعطيها كلينكس ويقول: يالله عااد مسحي ادموعج...وصلنا المستشفى....الحين اقولون انا امبجيج.... ادخلوا المستشفى...واصعدوا الدور السابع...وحدة القلب.....وادخلو الغرفة.... شيخة وجراح: السلام عليكم.... الموجودين بالغرفة نورة....ومحمد....سلمت شيخة على نورة وباستها....وسلمت على محمد بالكلام....جراح سلم على نورة بالكلام...ومحمد ولا كأن موجود...لا اهو سلم عليه ولا محمد سلم على جراااح... شيخة رايحة صوب خالتها واتحب راسها: هلا خالتي حبيبتي...خطاج السوو... ام محمد: هلا شيوخة...خطاج اللاش بعد قلبي.... جرااح يحب راس امه: الحمد الله على سلامتج يما.... الام : الله يسلمك.... جراح:شلون صار فيج جلطة...فجأة؟؟ الام: امر الله بعد..... جراح: اذا طلعتي اوديج المستشفى العسكري....سوي فحوصات شاملة....وخل اتشيكون على كلشي...هناك اطبتهم احسن من اهني.... محمد يطالع نورة و يحرك ايده باستهزاء...جنه يقول اشيبي هذا ... الام: لا ويه ...مانبي علاجهم....محمد بعد قلبي ...الله لايحرمني منه بوديني بره...لا مستشفى عسكري ولاغيرة....<<<حرام جراح اندقر..... سكت جرااح..ولاكلمة.... محمد وقف وراح باس راس امه: يالله يما ...انا رايح...تبين شي.... ام محمد: لا يما ...حافظك الله.... محمد: يالله عيل .... مع السلامة..... ام محمد يوم طلع محمد: جراح يوم دخلت ليش ماسلمت على اخوك العود..؟؟؟ جراح بنرفزة: يما خلاص ...انتي الحين تعبانة...مو لازم اتبطلين هالمواضيع... الام: مايصير يمة ايصير قلبك اسود..... جراح اهني ين...بس مسك نفسه: انتو ليش كله ظالميني...!!! الحين انا الي قلبي اسود...عيل ولدج هذاك شنو...شايف نفسه عالطل...وقلبه اسود ولاحد ايواطنه..... الام : لا بسم على محمد ولدي...يعني انتا الحين الي محبووب.....!!!! جرااح يطالع شيخة...وشيخة منزله ويها بالارض.... نورة: جرااح!! ...يما!!...خلاص مو زين عليج...... جرااح: ايه محمد ولدج...بس انا ولد السيلانية.... نورة: جراح ....بس.... جراح قام وحب راس امه وحدة معصب: عالعموم يسلم راسج...بس بذكرج...ترا عندج ولد اسمه جرااح... لف ويهه علة شيخة: مشيناااا..... اصعدوااا السيارة.....وجراح حده مقمووت وضايق خلقه..... شيخة: اشفيك.....لاتضيق خلقك.... جراح: مافيني شي.... يسكت جرااح ويكمل:مادري ليش يعاملوني جذي....؟؟ شيخة : جرااح..ميخالف ...هذي امك...جنتك ونارك....تحمل...وحاول...والله اهي اتحبك...لان مافي ام ماتحب ضناها....بس يمكن شايلة عليك....لانك امقصر...لا تروح لهم ولا تسأل...صارلك فوق الشهر وشي ماطبيت بيت اهللك....اشلون تبيها اتكلمك يعني...؟؟ جرااح:شيخة لاتفهميني غلط...انا احب امي ...احبها وايد...بس خلاص طاااب خاطري منهم...خلاص..... * * * * * * * * * * مابقا شي على عرس مشاري وجنى....راح جراح مع مشاري المحل الي يسوي بطاقات العرس....عشان يختارون شكل البطاقة.... مشاري: جرااحو شوف هذي البطاقة .....شكلها حلوووو... جرااح: يلعن ذوقك مشيري....اتييب المرض ....شنو بنفسجية...وين قاعدين!!! مشاري يطالعها: مادري حسيتها حلوة....انزين يالله نقلي شي سنع ...بدال لاتطنز...حنشوف ذوقك ...يابو الذوق<<<يتطنز.... جراح يطلع مجموعة من البطاقات.... جراح: شوف هذي حلوة....لونها كحلي ومكتوبة بالسلفر...والبطاقة اتطلعها من على جنب..... مشاري : ايه حلوة.... مشاري يكلم صاحب المحل: خلاص لو سمحت ابي هذي... جراح يقاطعة: انزين انطر ...خنشوف يمكن نلقا احلى.... مشاري : لا يبا ...خلاص زينه....شنو احنا حريم نقعد انتنقا !!!!....هذه ماشي حالها..... مشاري قاعد يتفق عالسعر والعدد وقت التسليم...ويلا يرن موبايل جراح....رقم غريب..... جراح: الووو .....: الو...جراح اشلونك؟؟؟ جراح سكت ثواني : شــــــــــــيخـــــــــــــــــة!!!!!!!!!!!!!!!!! ! قام جراح وطلع بره المحل على مايخلص مشاري...... شيخة (ام ديمه) : ايه شيخة....شلونك.... جرااح: هلا...هلا والله.... شيخة: سمعت ياك ولد...مبروك..... جرراح:مشكووورة.....خير؟؟ شيخة: خير بويهك..... جرااح: لا بس....مستغرب.... شيخة: داقة اسأل عنك...وعن ديما.... جراااح: الــــــــــــــــلـــــــــــــه...توج تتذكرين ان عندج بنت...والله فيج الخير<<<<<يطنز.... يكمل: احنا الحمد الله بخير....خلصتي؟؟؟ شيخة: اشفيك....مالك خلقي؟؟ جرااح: هوووب هووب...ماسمعت....شنو مالك خلقي؟؟ انتي منو عشان يكون لي خلقج....؟؟!!! شيخة: ليش تتكلم بهالطريقة؟؟؟ جرااح: شوفي يابنت الناس ...انا ريال متزوج....واحب زوجتي... اتقاطعه :ابيك..وهم انت تبيني... انت اتحبني...اخر مرة شفتك بنينو ...شفت نظراتك...اتقول انك ليلحين اتحبني..... جرااح متنرفز: هالحجي من سنه....يمكن كنت احبج....بس الحين خلاص....انتي ولا شي عندي.. شيخة: بس جرااح انا ليلحين احبك..... جراح: الله ...الله....وينج يوم كنت اترجاج لا نتطلق...ورحتي سويتي خلع ....وينج يوم اترجاج 3 اسنين عشان نرجع حق بعض...وينج قبل لا اتزوج بأيام ..يوم ييتلج وقتلج ...شيخة ترا بتزوج....فكري...بس قلتيلي انج ماتبيني....ولا اتحبيني...مع اني كنت شاريج....وكنت ابيج...وحاولت وحاولت واااايد...رغم اعيوبج الي مالها اول ولا تالي...ياياتلي الحين...عقب ماستقريت وحبيت مرتي ...اتقوليلي احبك....هذي وين اصرفها..... شيخة متنرفزة: انت اصلا اتموووت علي ...تعبدني عبادة....حتى خذيت وحدة نفس اسمي من كثر ماتحبني..... جرااح: كنت...ركزي على كلمة ((كنت)) احبج....واحبج حييل حييل بعد...بس الحين الحمد الله ...الله نزع حبج من قلبي وعطاه حق مرتي وحبيبتي ..... سكت اشوي: جراح: ولو سمحتي ...مابي اشوف رقمج بتلفوني....مابي مشاكل اتقاطعه: ليش خاايف منها.... جراح: لا ...خايف على مشاعرها...ماتسوين تضيق خلقها عليج....يالله ذلفي.. صكه ابويها ويلا مشاري طالع من المحل .... جرااح:ها خلصت؟؟ مشاري ايه... اركبوا السيارة ....... مشاري: وينك...منو اتكلم مساع....؟؟ جرااح متنرفز : تخيل ...منو؟؟؟ مشاري: منو ؟؟؟؟؟<<<مخترع جرااح: شيوووخ ...مرتي الاولية.... مشاري: اتحلف!!!!.... أي شي صح...اشتبي هالزباله...!!!!<<<مشاري مايواطنها من يومه جرااح: تلقاها لفت لفت ...مالقت احد...وردتلي... مشااري: وخر عنها يامعود...هذي مشكلجية...تذكر يوم اتروووح بيت اهلك وتلعلع واتصرخ على امك وخواتك...لاتروووح عند ام برااك واتطلع لها سالفة.... جراح: اتخسي الا هي...والله انحرها....مو ناقص الا هالاشكال..... مشاري يطالع جراح مستغرب..... جراح: اشفيك اتخز!!!! مشاري: ماني مصدق انك اتقول عنها جذي...جراح الي ماكان يرضى عليها بكلمة...وكنا انتطاقق ونتهاوش على هالموضوع ليل نهار...... جراح: الحمد الله....الله عوضني باحسن منها....حياتي مع ام براك غير...مستقرة..مافي مشاكل...سنعة...فرق فرق عن شيخووو النسرة.... مشاري على ضحك: والله مالك امان ...بسرعة تقلب..... جرااح يضحك:طييييير زين....... مشاري: عيزت وانا اقول واتحجى...من اول...بس عمك اصمخ....ماكنت اترد على.... جراااح: ايه والله....كان الله عاميني.... ويرن موبايل جرااح..... جراااح: ابييييييييييييييييييييييييه اشتبي هذي!!!!!!!!!!!!! مشاري: عطني ...عطني خل امسح فيها القاع..... جرااح: لا يبا ختولي زين.....ماني راد عليها.... *************************** شيخة (ام ديمة) مع صديقتها...... صديقتها: شنو مايرد؟؟؟؟ شيخة: لأ ....بس ماكون بنت امي و ابوي اذا ماعفست حياته...... | |
| عندما تتشابه الأرقامـ |
|
11-03-10, 05:56 PM
| #45 (permalink) | |
|
مشرف عـآم
| جراح توه داخل الشقة....... شيخة: هلا والله ....عاااد توني من دقيقة داقة...ويلا جهزك مغلق..... جراااح متوهق...هاا ...لا...يمكن طايحة الشبكة..... جراح قبل لايدخل البيت ابدقايق صك موبايلة.....لان خايف ان هذيج ادق عليه...واهو مايبي شيخة اتحس بشي..... قعد جراح بالصاله ...ويفرفر هالقنوات.....ولا كلمة.... شيخة: اشفيك...مو على بعضك..... جرااح متنرفز: اشفيني يعني....مافيني شي ...قاعد اطالع تلفزيون.... شيخة: واااي...يكرهك اذا نفست....كيفك كيفك... جرااح ساكت ايطالع التلفزيون...قناة ديسكفري..... شيخة: رحت السفريات؟؟....قلت بتروح اليوم !!!! جرااح يحط ايدة ابمخباته: ايه ذكرتيني.....هاج التذاكر.... شيخة مستانسة: وااااااي مابقى شي ....على نص 2....وناااااسة باقي اسبوعين..... جرااح: امممممممممم..... شيخة: انزين قولي اشلون الخطة....؟؟ جرااح: مثل ماقتلج من قبل ....اول شي هونكونج 7 ايام وبعدين تايلند 3 ايام........ شيخة: حلووو....خلاص عشان بضبط امووري.... قامت شيخة ولمته وباسته على خده .... شيخة: مشكووور يااغلى زوج بهالدنيا...... جراااح يبتسم : العفو...عيوني لج..... راحت شيخة غرفتها اتشيك على بروك....بطل جراح تلفونه.....ويلا مليون مس كوول ...ومسجات اشكثر....طبعا من شيخة (ام ديمة)....مسجات حب وغرام... مسح كل المسجات ..وفي بعضها من غير مايقراها.....دقيقة واتدق..... جرااح يرد عليها: قسمن بالله العظيم....والله امسح فيج الارض....انتي اشتبين بالضبط....!!! شيخة (ام ديمة): انت ليش جذي اتعاملني...حراام عليك...انا احبك وماقدر اعيش من غيرك.... جرااح بصوت واطي: مشكلتج...هذي مشكلج...اكتشافج هذي بليه ماي وشربيه... (ام ديمة) تبي اتقوم مشاعرة : جرااح ...اشدعوااا...نسيت ايامنا...نسيت حبنا.....نسيت تضحياتنا.... جراح: قصدج حبي وتضحياتي....وانت جازيتيني انج رفستيني...وقطيتي بنتي علي....صح.... (ام ديمة) بطنازة: اشدعواا ...كل هذا علشان شيخة...عااد ايقولون انها عاادية..موذاك الجمال ..وانا احلى.... يسكت اشوي :اتخسين....شفتي ظفر ريلها الصغير..انتي كلج على بعضج ماتسوينه...و مابي اتوسخين اسمها بلسانج الزفر ..فاهمة.. وشوفي يابنت الناس ....قد اعذر من انذر....اتعرفيني مينون ...والله ثم والله....اوديج وره الشمس.... واهو قاعد يتكلم جان تدخل شيخة....جان يصكه ابويها على طول...... شيخة مستغربة: منو قاعد اتكلم.... جرااح: هــ..هذا واحد من الربع..... شيخة: انزين اشفيك صكيته يوم ييت انا؟؟؟ جرااح: خلصت مكالمتي معاه....اشفيج تسأليني جذي.... شيخة: لا سلامتك....بس استغربت طريقتك...... تسكت واتكمل ....انزين شوف ...اشرايك ناخذ هذي الجنطة حق السفرة ...ويلا هذي.... جرااح مو معاها: كيفج...الي تبينها اخذيهااا.... راايح صوب الباب بيطلع..... شيخة: وين رايح توك ياي.....؟ جراح: برووح اصلي العشا بالمسيد..... شيخة: زين اتسوي حبيبي.....حافظك الله..... طلع جرااح وصك الباب..... ********************************* صلى جرااح بالمسيد....ومسك المصحف....وقعد يقراا قرآن ....متضااايق حيييل من الي صار...وقلبه مقموت...وخايف ان يصير شي.....ولما خلص من القرآن.....رفع ايدة يدعي..... جراح: يالله يااارب...ياكريم....ياحي ياقيوم.....يااارب انك تبعد عني هالمره...يارب تجعل بيني وبينها سداا...يارب تبعدها عن حياااتي....يارب تبعدها عن مرتي واعيالي...يارب انها ماتسببلي مشاكل...يااارب...طلبتك يارحم الراحمين..... ******************************** بعد تقريبا اكثر من ساعة....يدخل جرااح الشقة.... شيخة: جراااح وينك...قلت بتروح المسيد ...طوّلت وايد.....؟؟ جرااح:ايه قعدت اشوي..... شيخة: عااد دقيت عليك مغلق....عبالي طلعت رحت مكان.....لان جنوي بتييلي الحين....بيقطها مشاري عندي.... جرااح: زين عيل ...خل اقول حق مشاري ينزل...خل يتعشون عندنا...... شيخة متحمسة: ايه خوش اقترااح ....قوله.... بطل جراااح تلفونه...ثانية جان يدق.....ويلا شيخة (ام ديمة)..... ويقول ابقلبه: اللهم صبرج يااارووح..... جان احطه بزي ... شيخة : منو ....ليش مارديت.....؟ جرااح: واحد من الربع مالي خلقه.... شيخة:هذا الي امساع داق...؟ جرااح :ايه.... جرااح يدق على مشاري..... مشاري: هلا هلا هلا هلا..... جرااح يبتسم: اشدعوااا ...امساع شايفك.... يكمل : انزين اقول....لمن اتقط المرة انزل .....تعشوا عندنا.... مشاري: لا فشلة ... جرااح: اقول...ويهك ويهك...مولايق عليك.....انزل انزل ... مشاري: خووش.... جراح: انطرك...اوكي طق مشاري وجنى باب الشقة.....بطل جرااح وديما الباب....وشيخة تنطرهم بالصاله..... جنى اتبوس شيخة.... شيخة: هلا بعروستنا... جنى تبتسم..... شيخة حق مشاري: اشلون معاريسنا...ان شاء الله مستانسين<<<<جنى ومشاري املجواا من اسبوع...... مشاري يبتسم: تمااام.... جراح ينادي شيخة بالمطبخ....... جراح: مين وين نطلب عشا..... شيخة : تبون لبناني...بيتزا...مشاوي....مادري عنكم.... جرااح: اشرايج....مشاوي.... شيخة: خلاص اوكي.....اطلب على ذوقك.... جرااح: خلاص ...صااار.... طلب جراااح....راح الصاله ..قعد يم مشاري.... جرااح: عاااد امساع كنت بدق عليك...بعدين قلت لأ فشلة ...يمكن تبي تطلع مع المرة.... مشاري: عااد انا الي كنت بدق عليك...واقولك انا بقط المرة عندكم...امش خنتمشى....شفت اشلون قلبي على قلبك.... جراح:آآآآخ يامشيري....ماتدري اشكثر متضايق.... مشاري: ليش....لا يكون علشان ذيج السالفة؟؟؟ جرااح: أي هي؟؟ مشاري: سالفة شيوخ الزباله..... جراااح: اشششششش ...اشوي اشوي ....لايسمعون..... يكمل جراح: اذبحتني ...كلدقيقة داقة....ودازة مليون مسج.....الحين انا امسكر تلفوني....مالي خلقها يلعن شكلها..... مشاري: اتدري لو انا منك ...اودي رقمها الشرطة....او تعال فواز و جسوم ربعنا ملازمين بالداخلية...خل يصوطرونها اشوي...عشان اتحرم ادق.... جراااح: لا يبا من صجك...هذي ام بنتي...باجر بنتي اهي الي تتأثر بسمعة امها...لو راده عليها برووحها...جان من زمان لاعن ابو اسلافها...بس هالبنت حرام مالها ذنب .... مشاري: ايه والله ....نسيت ان ديووم بنتها...كله عبالي بنت شيخة...خخخخ... ....خلها اتولي...شنو بتسوي يعني....الي ماطوله بايدها ختواصله بريلها.....بعد هذا الي ناقص شيووخ الخمام..... جرااح يهز راسه ويضحك على كلام مشاري..... جرااح : امش امش مشيري...خنلعب الدوري الياباني.... مشاري: حااجز ايطاليا من الحين كيفك..... جراااح : اوكي.... مشاري يدخل غرفة ديما.... جرااح: مو هالغرفة ...هذي الغرفة ...غرفة براااكو.... شيخة: مادري اشفيه جرااح اليوم....تخيلي دخلت عليه امساع...تقريبا من ساعتين..وكان قاعد يتكلم بموبايله...ويوم دخلت عليه ...جان يصكه...وجنه صكه بويهه....ومساع هم دق تلفونه ...ومارد على الي داق...وقالي هذا نفسه الي مساع... جنى: اشقصدج يعني....ايكلم...؟؟ شيخة: لا طبعااا....بس مادري ...مادري...تصرفه كاان غريب اشوي... جنى: وييه شيوووخ ...ماعندج سالفة....لاتحطين ابالج شي....جراااح ايموت عليج.... شيخة اتقاطعها مستانسة: اشدراااج ايموت على!!؟؟ جنى: كل شي ايقولي ان يمووت عليج...مشاري..تصرفاته ..السوالف الي اتقولينها...اعيونه... شيخة: واااااااي فديت اعيونه..... اتكمل شيخة: انزين قوليلي ....هاا اشصار... جنى : اشصااار...؟؟؟ شيخة: جنووي ...لاتستعبطين....ماصار شي بينكم .... جنى تضحك: امبلا باسني....وناااااااااااااااسه... شيخة اطقها صوب افخوذها وتضحك : ياحمارة ياقليله الادب .... جنى: اشتبين ريلي..... شيخة: اووووه ...اووووه ..قمنا انقول ريلي.... جنى: ايه مو بس انتي الحين عندج ريل...حتى انا <<<<وتمد لها السانها.... شيخة تضحك.... شيخة اتكمل: تعالي ...سعووود ماحاول ادق...؟؟ جنى طخت اشوي: لا ..بس دزلي مسج....وقالي ..الله يوفقج بدنيتج....وماراح احب احد كثرج..... شيخة: فقيييييييييييييييير.... جنى: ايه والله كسر خاطري....بس شسوي شيووخ...انا نطرت واااايد وااايد ...وماتنزلت عنه بسهوله....بس خلاص ماقدر انطر اكثر ...انا بنت واهو صبي مايضره...لا وفوق هذا تشاكته ايكلم....بس الحمد الله عوضني ابمشاري..... شيخة: رااح تنسينه صدقيني...كا انا ...كنت امووت على ضاري...بس الحين والله جراااح عندي بالدنيا كلها ...امووت عليه....لان صج قدر ينسيني ضاري....ومشاري بعد حنوون حيييل على قولة جرااح....وحييل وفي .... جنى: ادري امبين....بلعكس انا حبيته... جرااح ومشاري يدخلون الصاله.... جراااح: مسخرة ...انت مسخرة....لا وماخذ ايطاليا... مشاري: والله انك فزت بالتشير...بالحظ....الحظ وقف معاك..... جرااح يضحك: رقع رقع.... جرااح يطالع شيخة: ترا وصل العشا....زهبوا الطاولة والصحون..... شيخة اطالع جنى: امشي خل انزهب الطاولة..... تعشواااوخلصوو.... مشاري: اكرمكم الله... جراح وشيخة: بالعافية.... حطت شيخة الشاي والحب ...وصبت حق كل واحد باستكانه..... شيخة: مشاري ...جم قفشة شكر ....؟ مشاري : ثلاث اربع .....كيفج جنى : مو زين ...واايد.... مشاري :انا احبه شيره..... شيخة : جنك رفيجك...مايحب الشاي الا امغرقة شكر.... جرااح : انا مابي شاي....يبيلي بندول وماي.... يتكلم وحاط ايدة صوب بطنه عاليمين...... شيخة اطالع مشاري: مشاري كلمة...قوله يروح الطبيب...صارله مدة على هالحال..مهو راضي يروووح..... مشاري: عيزت منه....شسوي.....اهو مايحب الطبيب....من يومه.... شيخة: منو يحب الطبيب...بس مالنا غنى عنه ....خل اتشيك بس..... جراااح: ماحب الطبيب ولا اواطنه...واخاف ارووح يطلع فيني شي.... شيخة : بسم الله عليك....مافيك الله العافية...ان شاء الله شغلة بسيطة....بس لازم اترووح.... اطالع مشاري واتكمل: عفية مشاري يره معاك...وده المستشفى العسكري....على ادنات يوم.... مشاري: ايه بتّله على يوم.... مو بكيفه.... جرااح: يالله يبيلي ماي وبندولتين تكفين...... ***************************** بعد 7 ايام...... رن موبايل شيخة.... شيخة: هلا جنى..... جنى: هااااااااااااي....اشلونج..... شيخة: تمام.... جنى: بسرعة بسرعة انا قاعدة بالصالون .....توه دق على مشاري ويقول خل يدق عليه جراااح ضروري.... شيخة: ليش مادق على موبايله؟؟؟ جنى: جنه قالي مغلق.....اهو يمج ؟؟؟ شيخة: ايه بالدااار..... جنى :خلاص قوليله.....انا ادق عليج بعدين ...اوكي..... شيخة: اوكي باي..... راحت شيخة حق جرااح الغرفة....وشافته منسدح عالفراش.....جان تنسدح يمه..... شيخة: اشفيك...اشقاعد اتفكر فيه.....؟ جرااح: ولا شي...جذيه ... شيخة: مادري اشفيك هالايام...مو معاي...كله سرحان...كله بوادي ثاني.... جراااح: مافيني شي....يمكن عشان ملل وروتين.... شيخة: يالله ...كلها اسبوع وانسافر.... اتكمل شيخة: ايه دقت جنى واتقول ان مشاري يبيك اتدق عليه..... تسكت واتكمل: ليش جهازك مغلق..... جراااح: بس مالي خلق احد يدق....لمن اكون بلبيت ماحب اكلم احد .... شيخة: الله من متى!!!!!.....اول حتى وانت نايم امبطل موبايلك.... جراااح:ايه عاادي...غيرت ....فيها شي..... شيخة اهني ماتدري ليش نغزها قلبها.....وحست ان في شي بالموضوع... شيخة: انزين دق على مشاري ...ناطرك..... جراااح: اوكييك....كاني انا الحين بطلع وادق عليه.... غير جراااح اهدومه...وطلع من الشقة وبطل موبايله....دق على مشاري... جرااح: هلا مشاري.... مشاري: جريح وينك..مت وانا ادق كله مغلق..... جرااح: ايه تعال...انت غبي ...اثول..... مشاري: افا ليش....؟ جرااح: انت تدري اني اصك تلفوني بالبيت عشان شيوووخ ماتدق....اتقوم اطرش مرتك حق شيخة...واتقولها جهازة كله مغلق....يعني ماتفهم.... مشاري: ايه صح...نسيت هالسالفة...سوري مان...ماكان قصدي..... جرااح: عاادي ...بس دير بالك مرة ثانية.... مشاري: يبا ليش ماتغير رقمك...؟؟ جرااح: لا من صجك....كل من يعرف هالرقم....هذا اول خط طلعته....ماقدر اغيره.... مشاري: انزين ليش ماتقول حق شيخة وتفتك....صدقني بتقدر.... جرااح:ادري بتقدر...بس انا مابي اشغلها وعور قلبها بهالسالفة.....وكلها اسبوع ومسافرين....خل اتدق لي باجر...مسيرها بتمل..... مشاري: مادري..انت ابخص.... جراح: وينك الحين..... مشاري: بالحلاق.....وانت.... جراح: انا بروح كوفي بين...الي ابكيفان...تعال... مشاري: ليش اشعندك..... جراح: عندي ريبورت طالبينه الدوام...وتدري البيت صيحة...قلت اهني هدوء واشرب قهوة واشتغل..... مشاري: خلاص ...اخلص وامرك.... جرااح: خوووش ..ناطرك.... راح جراح كوفي بين ....طلب جراح لاتيه....وقعد يشتغل على الريبورت.....دق موبايله..... جرااح يطالع الرقم: اووووووووووه....مانخلص يعني.... يحط الخط بزي....ويدق موبايلة ...مرة ومرتين وثلاث....وكل ساع يحطه بزي.... اطرشله مسج.....يفتح جراح المسج..... ((رد علي بس بكلمك بخصوص ديما...)) جراح تنرفز حيييل من المسج.....جان ايدق عليها..... جرااح: اشتبين... شيخة(ام ديمة): ابي اكلمك ابموضوع ديما..... جرااح: ايه ...انزين...اشتبين اتقولين..... شيخة تبجي او تسوي روحها تبجي: يعني تدري ...هذي بنتي...وانا ودي اشوفها...لازم اتخصص يوم بالاسبوع اتزورني..... جرااح: اشسالفتج انتي....ماظن انج مهتمة لها...قطيتها يوم اهي ياهل عمرها سنتين...والحين تبينها واتموتين فيها....؟؟ شيخة: هذي ضناي ...مهمن كان...الام اتحن..... تسكت واتكمل: انزين انا عندي اقتراااح...اذا سويتلي اياه اوعدك...انك ماراح تسمع صوتي ....ولا راح ادق مرة ثانية..... جرااح ماله خلق: ايه....شنو عااد اقتراحج....؟ شيخة: ابي اشوفك.... جرااح: اقول اقول...طسي عن ويهي.... اتقاطعه شيخة: انطر ...بس راح نتفق على ديمة...انت الصراحة بالتلفون اتوترني وماقدر اتكلم على راحتي....اخاف اتصكه باي وقت.... واوعدك وعد اني اذا شفتك بعد خلااااااااااص ماراح اتشوف رقمي ابموبايللك ابد... جرااح: ماتدقين ابد ابد....؟؟ شيخة: والله العظيم مادق ابد ابد..... جرااح يبي يفتك منها: الحين عيل..... شيخة: لا لا ...الحين ماقدر....باجر العصر..... جرااح: خوش...وين؟؟؟؟ شيخة: باجر نتفق ..... جرااح: بس لادقين اليوم...تسمعين..والله ترا مايي باجر..... شيخة: خلاص حبيبي ...ماراح ادق ...اموااااه جرااح يصك التلفون..... ********************************** باجر عالساعة خمس وشي...... جرااح: الووو...وينج خلصيني.... شيخة (ام ديمة) : تعالي مواقف حديقة الشعب..... جراااح: ترا شوفي ...ماراح اطول معاج...قولي الي عندج...وذلفي....تفهمين!!!! شيخة: اوكي اوكي..... راح قبلها ...وقعد ينطر يمكن ثلث ساعة......جراح بقلبه ....: هل الي انا قاعد اسويه صح.....آآآخ ....يارب اطوف الموضوع على خير....يارب.... دقت شيخة: الو...شنو سيارتك...؟ جراح: رينج سوده.... شيخة: ايه كااك ...لقيتك....انا بصفط يمك..... اصفطت يمه اكس فايف بيضا...وانزلت شيخة....طبعا لابسة بنطروون جينز ضيييج..مع بدي ابيض جابنيز...والشعر اشقر...كانت واايد وااايد حلوة...جميلة حيل....ادخلت...حاطة ميكآب خفيف وحمرة حمرااا غامجه .....ادخلت السيارة... شيخة: هاااي.... جرااح مالتفت عليها..... جرااح: بسرعة ...قولي الي عندج..... شيخة: الناس يسلمون بالاول..... جراح: شيخة...خلصي...ترا انا ياي مغصوب....وابي الفكة منج اليوم قبل باجر.... يالله قولي اشتبين.... شيخة: جرااح حبيبي... يقاطعها : لا تقولين حبيبي...فاهمة.... شيخة: اوكي اوكي.... جراح: عندج ربع سااعة بس... شيخة تتلصق فيه....واهو ايوخر.... جرااح: انتي اشفيج...مينونه.....لاتلصقين.... يدز ايدها ويكمل: شكلج ماعنج سالفة....شوفي اذا ماعندج شي اتقولينه ذلفي نزلي سيارتج.... شيخة بدلع: انزين خلاص شوفني آخر مرة ..... جرااح لف ويه عليها....جان اتبوسه على شفايفه....... جراااح استخف ....مسح الخمرة بايده ...بس تلطخت على شفايفة وبره اشوي.... جرااح: طلعي برة سيارتي...يالله ذلفي...ياحيوانه ياحقيرة...انتي اصلا ماعندج سالفة.... فجأة ويلا يتبطل باب جراح........جراح يلف ويهه ...... جراح منصدم...جراح يتمنى الارض تنشق وتبلعه....جراح مايدري شنو يقول..... الي فتح الباب .....(((((((((((((((شيخة))))))))))))))))))) شيخة(ام براك) وادموعها اتصب: انا ما صدقت لمن قالولي...ماصدقت...قلت لازم اشوف بعيني...انت حقير ونذل....انا اكرهك.... جان تركض عند سيارتها..... جراح : شيخة...شيخة.... والله مالي شغل بالسالفة...واقسم بالله العظيم ان مالي شغل.....شيخة حركت شيخة سيارتها...... راح جرااح سيارته...مرتبك...مومصدق الي صاار....فتح الباب الي قاعدة فيه شيخة..... جان يمسكها من شعرها....وهي اتصرخ حييل....واييب راسها جدام او وراه حيل..ويقولها ... جراح: كله منج....انتي السبب.....انتي ..... ويرهاااا حيييل من شعرها ويحذفها على الارض... جراااح: اكيد انتي وره هالسالفة...انا مادري اشلون صدقت وحدة حيه نفسج...تف عليج ياحيوانه يالوسخة.... صعد سيارته...ويرجع قري....ويدوس.... قبل نص ساعة....شيخة كانت اهي وخواتها يتغدون اووتر لامون بالمرينا.....وضحك وسوالف.....يرن موبايل شيخة....رقم غريب... شيخة: الو..... .....: الو ...شيخة!!! شيخة: ايه نعم شيخة....منو معاي..... .....: معاج فاعلة خير....الصراحة ياشيخة انتي والنعم فيج....انا داااقة عشان اقولج....تراج ماتدرين شن قاعد يصير حواليج.... شيخة: اشتقصدين...ماني فاهمة شي.....؟؟ .....: ريلج جراااح....يخونج......!!!!!!!!!!!!!!!!!!! شيخة: لو سمحتي....اذا انتي دااقة عشان تهدمين بيتي...اقولج انتي فشلتي....ولو سمحتي لاتدقين عل هالرقم مرة ثانية.. اتقاطعها: صدقيني يونج....لا ومع مرته الاولية....واذا مو مصدقة...روحي مواقف حديقة الشعب الحيييييييييييييين....لانه اهو مواعدها اهناك...... اتصك الخط.... شيخة:الووووو ....الوووووو حصة منصدكة: اشفيج اشصاير....منو الي داااق؟؟؟ طيبة: شيخة خبصتي قلبي ....اشصاير ....؟؟؟؟ شيخة: ولا شي..... تاخذ جنطتها....وتوقف... شيخة: انا ماشية.... طيبة: ماقلتيلنا اشصاير..... شيخة: بعديييييين....بعدييييين....خل اتأكد بس...... جراح يحاول يكلم شيخة.....يدق عليها ...ماترد....كسر تلفونها....وهم ماترد.....جان اتصك جهازها.....ين جراااح....جان يدق على مشاري على طووول..... مشاري: الوووو جرااح امعصب على متوتر: مشاري وينك الحين....!!؟ مشاري: اشفيــــــــــــــــك!!!!! جرااح: آآآآآآآه آآآآآآآآآآآآآآآآآه بموت والله بموت..... مشاري: اشصاير...قولي..... جرااح: وينك....لازم اشوفك الحين..... مشاري : بالخالدية..... جرااح: يايك الحين..... ويدوس جراح...لين وصل الخالدية....ويطق هرن حق مشاري عشان يطلعله..... يدخل مشاري ...ويلقى جرااح حاط راسه وايده عالسكان..... مشاري: جرااح اشفيك.....خرعتني.... جراح: آآآآآآه يامشيري ....انا ابمصيبة ...ابمصيبة كبيرة.... مشاري : شنو...قول ابسرعة ...وقفت قلبي..... جرااح: امساع كنت امواعد شيوخ مرتي الاولية.... مشاري يقاطعه: شنو!!!!!!!!!!! جراح: خليني اكمل....مو انت شفت اشلون يننتني باتصالاتها....جان اتقولي اوعدك اني مادق ابد...اذا شفت وتفاهمت وياك....واتكون هالمرة الاولى والاخيرة... مشاري: وصدقتها!!!!! جراح: آآآآ ياقلبي صدقتها....صدقت هالحية هذي....مادري اشلون اقتنعت...تخيل اباستني...انا ماسكت سفلت فيها تسفل....بس المصيبة مو هني يامشاري..... يسكت : المصيبة شيخة مرتي شافتني..افتحت باب سيارتي...شافتني معاها...وافهمت غلط..... مشاري امعصب ويصرخ: ليش ماشاورتني....ليش ماقتلي....خلاص طاااح الفاس بالراس....الحين اشلون تقنعهااا.....انت دقيت عليها..... جرااح: ايه ...دقيت.....اول شي رن رن ...بعدين مغلق..... يمسح جراح على ويها.... جرااح: قولي شسوي ....شسوي....اشلون اطلع منها..... مشاااري: ماني مصدق اشلون قصت عليك....صج غلطة الشاطر بعشرة..... يسكت مساري: مااكو الا اتقولها كلشي....انت اصلا مو قاعد اتجذب.... فجأة يحرك جراااح سيارته..... مشاري: وين رايح....؟؟ جراح: السرة.....اكيد اهي ابيت اهلها..... وصل جرااح السرة....ويشوف سيارتها صافط عند البيت...... جراااح: خللك بالسيارة....انا نازل..... طق جراج جرس البيت....اطلعت الخدامة..... جرااح: وين ماما شيخة.... الخدامة: ماما شيخة فوق....ز جرااح: منو في داخل ....؟؟ الخدامة:ماما فوزية..... جرااح: قوليلي حق ماما فوزية...بابا جراح بره؟؟؟ دخل جراح البيت.....ام ناصر: هلا والله...هلا بوليدي... جراح: هلا خالتي....اشلونج.... ام ناصر: انا بخير.... جراااح: عمتي وين شيخة....ابي اكلمها.... ام ناصر : مادري اشفيها..من يت واهي تصيح....ومهي راضية تتكلم.... جرااح: عمتي تكفين....صار بيني وبينها سوء تفاهم...واهي فاهمة الموضوع غلط....تقدرين اتنادينها لي.... ام ناصر : ان شاء الله....انطرني.... واصعدت ام ناصر....وطقت الباب على شيخة.... شيخة وهي تبجي : منو...؟؟ ام ناصر: انا يما بطلي.... شيخة: يما والي عافيج والله مالي خلق احد..... ام ناصر: انزين شيووخة....ترا جرااح تحت...يبي يكلمج.... شيخة: مابيه ....قوليله ماتبيك....لا تبي اتكلمك.....خلاص يما لاتحاولين....ماراح ابطل الباب ولاراح انزل...... تنزلت ام ناصر.... ام ناصر: والله ياوليدي حاولت فيها ماهي راضية....انزين قولولي شالسالفة....يمكن اقدر اساعدكم..... جرااح: بعدين عمتي ...بعدين.... يكمل..: انزين عمتي ابي اصعد فوق ....بكلمها ...يمكن تهدى.... ام ناصر : ايه البيت بيتك يماا...اذا صعدت فوق ثاني غرفة على يمينك..... صعد جرااح...طق الباب... شيخة تبجي: يما خلاص...مابي انزل ...قوليله ماتبيك... جرااح اشوي اشوي: شيخة بطلي...انا جرااح....خليني افهمج الموضوع...والله انج فاهمة غلط.....والله العظيم ماسويت شي....والله هذي مكيدة....يبون ايطيحون بينا..... شيخة من ورا الباب: جرااح..وفر كلامك...انا كل شي شفته بعيوني....اصلا انا كان حاس قلبي...من سالفت انك اتصك التلفون اذا دخلت البيت...بس الحمدالله ....ربي اكشفك....انتو الرياييل كلكم جذي ...مالكم امان....او نعطيكم ماي اعيونا ...مايبين بعينكم...... جرااح: حبيبتي....بطلي خل نتفاهم....الله يخليج....خليني ادافع عن نفسي...خليني اقول الي عندي...وبعدين سوي الي تبين.... شيخة: مابينا تفاهم....عقب الي شفته...مابيك...ارجع لها خل تنفعك..... جراااح:انا رايح الحين.... بخليج هاليومين....لين تهدين....بس بعدين لازم اكلمج ....لازم..... بــــــــرب | |
| عندما تتشابه الأرقامـ
التعديل الأخير تم بواسطة KeeP-$iLeNT ; 11-03-10 الساعة 09:29 PM |
|
13-03-10, 04:33 AM
| #48 (permalink) | |
|
مشرف عـآم
| جراح دخل السيارة....ولا نطق بكلمة.... مشاري: هااا اشصار....؟؟ جراح: ولاشي..... مشاري: يعني كلمتها ويلا لأ؟؟؟؟ جراح: لأ ...ماهي راضية تسمعني..... يسكت اشوي ويكمل: جراح: انا بخليها تهدااا هاليومين...وبعدين برجع اكلمها...... مشاري: انا اقول جذي بعد...خل اتفكر عدل...وتهداا...وبعدين اهيا بنفسها بتيي اتكلمك.... رجع جراح شقته....واول مابطل باب الشقة....ويلا ديمة مع ماليني قاعدين عند الباب..... ديما اتلم ريل ابوها: يبا وينك ...وين رحت ...انا بروحي..... جراح ماله خلق: ليش ماينام ديمة....؟؟ ماليني: اهي مايبي ينام ....يقول ابي ماما وابي بابا.... جراح: ديمة حبيبتي روحي نامي الحين..... ديما: وين أمي....؟وين بروووكي؟ جراح: باااجر راح اتيي...... ديما : وين راحت ؟ليش ماخذتني؟ جراح: ديما حبيبتي....انا تعبان بابا الحين....انتي نامي الحين...وباجر ماما شيخة راح اتيي....اوكي....يالله بوسيني.... ديما اتبوسه: اوكي....قوود نايت جراح: قووود نايت.... يدخل جراح غرفته....يوم دخلها حس بقمته.....تذكر شيخة ...واشلون بينام اليوم من غيرها.....كل زاوية بهالغرفة اذكره فيها.....ريحتها...صورها....عطورها ..... بطل الكبت عشان يغير ملابسة....جان يشوف ملابس شيخة.....مسك بيجامتها....قاعدة يطالعه....جان يشم ريحتها حيييييييييييييل ويبوسها.....انزلت ادموووع جرااااح....انزلت .....وقعد يبجي....على بجامة شيخة......كأن يقول...شيخة مابي اخسرج...كأن يقوووول...شيخة اموت فيج....كأن يقول...الله يخليج لاتخليني.....قعد بالارض على ركبته.....واهو يبجي.... شيخة بغرفتها....منسدحة عالفراش....وامطله الابجورة.....وقاعد اتفكر بكل الي يصااار....واتقول بقلبها..... ((ودي اصدقك جراااح....ودي....بس اشلون ....اشلون اجذب عيني.....شفتك بعيني....شفتك بعيني.....ياليتني ماشفتك....ياليتني مادريت.....ياليت ماصدقت المرة ورحت....راضية اكون مغفلة ....راضية انك اتخوني من غير لا ادري....لاني ما اقدر اسامح....لاني انا وفية...ومارضى بالخيانة.....جراااح انا تحملتك بعيوبك وكانت عسل على قلبي....تحملتك لين الله هداك....عمري ماتذمرت....عمري ماشكيت....ويوم تغيرت نسيت كل شي...وعطيتك اكثر واكثر واكثر.....كنت مستعدة افديك بعمري....كنت انت كلشي بحياتي.....ليش سويت جذي...ليش..؟؟؟ ليش حبيبي ؟؟؟ليش...؟؟؟ شنو فيني انا....ليش الكل يخوني.....؟؟ هل العيب فيني...؟؟ ويلا فيهم؟؟؟ لأ اكيد فيهم.....آآآآآآآآآآآآآآآآآآه ياجراح....آآآآآآآآه.....والله احبك ....ودي اصدقك.....قلبي امصدقك ...بس عيني وعقلي مو مصدقين.....)) يابت بوكها من جنطتها....افتحته ....طلعت صورة جراااح.....امسكتها بايدها.....وقعدت اطالعها واهي تبجي واهي منسدحة وتنزل ادموعها من طرف عينها على خدها....واتقول :احبك ....احبك....احبك.... حطت الصورة على صدرها ......ونامت ********************************************* ((عقب يومين)) جنى وطيبة وحصة بغرفة شيخة......متيمعين عليها.....ويواسونها...... طيبة: جنى اشقالج مشاري؟؟؟؟ جنى: قالي ان جراااح مظلووووم ومالا شغل بالسالفة؟؟؟ حصة: ايه يمكن صج شيوووخ ...لاتظلمينه..... شيخة: الله.....مظلوووم بعد.....والي انا شفته بعيوني؟؟؟؟ جنى: شيخة يقول مشاري ان مرته امسوية هالخطة عشان اتفرق بينكم....عقب مافلست من جراااح..... شيخة اتقاطعها : اوكي ....انا متأكدة من ان مرته اهي الي امطرشة صديقتها ادق على....ودريت الحين انها تبي اتفرق بيني وبين جراااح....بس هذا كله مايغير شي بالموضوع!!! اهو خايني....اهو يكلمها...اهو مواعدهااا.....يعني اهي مايرته غصب وقالتلها تعال.....وبعدين انا شفت الحمراااا ملطخة بحلجه....يعني بايسها..... جنى : لا ...يقول مشاري اهي الي يرتها عشان واهي الي باسته....اهو ماله شغل... شيخة: امبيييييييييييه ...لأ ....انا مومقصة!!!! انا طيبة بس موغبية عشان اصدق هالكلام....لاتيننوني.....!!! تسكت شيخة ...واتوجه الكلام حق جنى: جنوي يعني مشاري رفيج جرااح حييل...اكيد بيغطي عليه ...ويرقع له....وماراح ايقول الصج لو شنو....يعني فرضا ...لاسمح الله ...يالي مشاري وقالي جنى كانت اتحب وااحد....تتوقعين شنو راح اجاوبه!!!! راح اقول ايه كانت اتعرف واحد واتحبه.... واخرله الاكو والماكو....ويلا راح اغطي عليج وارفعج السما ...!!!! اسكتت جنى وماعرفت شتقول..... طيبة : انزين عطيه فرصة...كلميه...خل يدافع عن نفسه...شوفيه شيقول؟؟؟ شيخة: يعني شنو بيقول....نفس الحجي االي قالته جنى.... حصة: يعني شنو تبين الحين ....تبين تتطلقين؟؟؟ شيخة تنزل ادموعها: لا مابي اطلق...وبنفس الوقت مابي ارجع....مادري شسوي...احس بموووت....سجاجين بقلبي اتقطعني....اموووت عليه ...احبه....بس ماني قادرة...صورته وياها ليلحين ابالي...جني اشوفه الحين جدامي.....آآآآآآآآآه....ان شاء الله ماتحسون بلي احسه...بس بنات ...لاتنسون ...انا انطعنت مرتين بنفس المكان....ترا والله موهينه السالفة علي....موهينه...ياليت تفهموني...انا مو قاسية...انا ماكو اطيب من قلبي....بس من كثر ماحب جراااح...احس ماقدر اسامحه....ماقدر.....آآآآآآآآآآه...انا مقرودة ...انا مالي حظ بشي...مالي حظ.... طيبة اتلمها حييل واهي تدمع: بس خلاص قطعتي قلبي ...لاتبجين...الله يخليج.... حصة وجنى تنزل ادموعهم...... حصة: بس شيوووخ ...لازم اتفكرين ابراك.... جنى: وشيوخ ...لاتستعيليين....لاتقولين حق جراااح شي...وبعدين تتحسفين عليه...فكري....الله يخليج فكري..... شيخة: الله كريم ان شاء الله......الله كريم.... طبعا محد يدري عن الموضوع غير حصة وطيبة وجنى ومشاري.....شيخة قالت حق خواتها لايعلمون ناصر ولا امها....ماتبي جرااح يطيح من عينهم....مسكينه ...اتحبه .... بعد 3 ايام ....... جراح مع مشاري بشقته... جراااح: تدري شنو امكسر مياديفي زووود..... مشاري: شنو؟؟؟ جرااح: ديمة...ديمة بنتي...ماتاكل ...تتفزز بليل...وكل ساع تسألني عن شيخة...مادري شقولها....جنها حاسة....لان شيخة عقب ماشافتني يت اهني خذت ولدها...اتقول ماليني انها كانت قاعدة تبجي...ديما خافت يوم شافتها.....ويوم اطلعت ديما قامت اتناديها تبي ترووح معاها.... مشاري: ودها بيت اهل شيخة....وانت حاااول اتكلم شيخة مرة ثانية.... جرااح: عيزت ...مليت وانا ادق....كله جهازها مغلق....وادق على بيتهم...اقول يمن اتشيله...بس اترد الخدامة وامها....وينادونها...بس مو راضية....والله قمت استحي ادق......ومسكينة عمتي ...ماتدري شالسالفة .... مشاري: ايه قالتلي جنى انها شيخة ماتبي اتعلم لا امها ولا ناصر....عشان مايخذوون فكرة سيئة عنك..... جررراح: آآآآآآه ....شفت اشلون ...انا هذا الي حارقني...هذا الي اموتني...ان شيخة اتحبني ...اتحبني وايد...وانا كسرت لها قلبها....بس ياليت اتعرف اني مظلوم...ومالي شغل بالسالفة..... مشاري: دزيتلها مسج..... جراااح: قصدك مسجااااااااااات...ولا مليون مسج....ماكو فايدة..... يسكت اشوي.... جراح: ماكو الا اروح بيتهم على غفلة....يمكن القاها نازله بالصاله...او اتفق مع امها ....ماكو الا جذي.... مشاري: ايه ...صح لازم تتفاهمون..... جراح : لاتقول حق جنى ...اخااف اتعلمهااا... مشاري: لايبا...من صجك...الحريم ماينحط بحلجهم فوله...كل شي يطلعونه...ماراح اقولها أي شي...الا الي انت اتقولي اياه.... جرااح: مشيري...شنو تتوقع...؟؟؟ مشاري: مادري جراااح....ان شاء الله خير...يمكن اتطول السالفة...بس اتوقع انكم ترجعون حق بعض..... جرااح: يااارب...الله يسمع منك..... مشاري : ايه نسيت اقولك هالشي...جنى اتقول ان شيخة قالتلهم...انها ماتبي الطلاق...مادري شنو قصدها....؟ جراح يهوّن على عمره : يمكن قصدها انها تبي تنسى السالفة وتردلي...!!! مشاري: ايه صح...لو ماتبيك ...جان قالت طلقني..... جرااح: بس عاااد جم يبيلها على ماتنسى....اخاف فوق السنه...... مشاري : اشدعوااا اجريج....تفائل بالخير..... جرااح: ولا مو متفائل خير كلش....شكلها السالفة معقدة...... ديما تطلع من غرفتها.......اتروح عند مشاري..... ديما : ودني عند امي شيخة وعند اخوي ....ابوي مايوديني....!!! مشاري يطالع جرااح.....جراح يتنهد : آآآآآآآآآآآآه ياقلبي بس..... ((بيت ام ناصر)) شيخة توها نازلة من غرفتها.....شافتها ميري ... ميري: ماما شيكا ...مايبي غداا؟؟؟ شيخة: لا ميري ...مشكورره.... ميري: هراااام ماما ...انتي 3 يوم مايكل شي..... شيخة: خلاص اذا انا يبي ياكل ...اقولج.... تسمت واتكمل : وين بروووكي..... ميري: عند ماما...صاله....<<<<يعني بالصاله.... ادخلت شيخة الصاله .... شيخة: السلام ..... ام ناصر: وعليكم السلام....هلا شيوخة...زين نزلتي...ايه يما لاتحكرين نفسج بالداار...... شيخة: امممم....انزين اشلون بروووك كله.... اتشيله شيخة وتقعد اتبوسه....وتلعبه..... ام ناصر: ايه كله....وامس نام عدل..... تسكت ام ناصر واتكمل: انزين يما شيوخة...يعني لين متى بتقعدين جذي؟؟؟ انزين قوليلي السالفة ...يمكن اقدر اساعدج.... شيخة: يما ماكو شي...بس متهاوشة مع جرااح.... ام ناصر : عاااد على شنو.....اكيد شي جايد....انتي ماتزعلين الا عالجايد...بنتي اعرفج زين.... شيخة: يما الله يخليج...لا تكلميني عن هالموضوع ...ترا اصعد دااري....انا نازله عشان اغير وانسى...لاتذكريني.... ام ناصر: على راحتج...انا ابي اساعدج....وترا جراااح عيز يدق... شيخة: اشيبي...؟ ام ناصر: يبي يكلمج..... شيخة ساكته..... ام ناصر : انزين بس كلميه...تفاهموااا....مايصير جذي ...عندكم ولد.... شيخة قامت بتصعد....جان اتقعدها ام ناصر.... ام ناصر : خلاص قعدي....ماراح اتكلم.... اشوي ويدخل ناصر...... ناصر : السلام عليكم...... شيخة وام ناصر: وعليكم السلام...... ام ناصر: ها لقيت المواااد الي تبيها.؟؟؟ ناصر: يعني تقريبا....بس طحت على دكتور لعيييييييييين...الله يعيني عليه...ادعيلي يما..... ام ناصر: انت ماينخاف عليك...شاطر ومؤدب ...بعد اشيبي.... ناصر: ايه بس اهو ايحط عالواحد.... ام ناصر: يما مالك شغل من ربعك...تلقاهم كساله ويعذربون بالدكاترة...يايما الواحد يحكم على الاشخاص ليمن يعاشرهم ويعرفهم عدل...لاتسمع هذا وذاك...عشان لاتفكر واتحاتي.... ناصر: والله يايما على هالكلام تستاهلين بوووسة.... ويطب عليها ويبوسها على خدها يمين وشمال..... الام ميته ضحك وتوخره: بس ....قلت بوسة ...مادري متى تكبر.... شيخة اطالعه ومالها خلق واتقول: وااااي ...لزقة...مو جذي الواحد يبوس.... ناصر: اشفيها المحترة.... شيخة: ليش احتر ....اقدر ابوس امي الحين ...شنو يعني.... ناصر: ايييه تعالي نسيت اقولج....جراح دق على..... شيخة : اشيبي..؟ ناصر: قعد يكلمني ...يقولي كلم شيخة....اقنعها خترد.....يقول ان بنته ماتاكل ولا تشرب...ولاتنام...بس تبيج..... اخنقت شيخة العبرة يوم ياب طاري ديما..... شيخة: واااي معورة قلبي...مالها ذنب...... ناصر: انزين قوليلنا السالفة...نبي نفهم الموضوع..... شيخة: ماقدر ...موضوع خاااص..... ناصر: شنو طااايحة عليه؟؟؟؟ شيخة معصبة: طبعا لأ...... ام ناصر : نصووور شالحجي ...عيب يماا....مالك حق اتقول جذي.... ناصر: شنو قلت؟؟؟ قاعد اسألها بس...اهي اتقول موضوع خاص وموضوع خاااص...واهو بعد نفس الحجي....يعني اشلون انساعدهم واحنا ماندري اشصاير.... شيخة: اشقالك بعد...؟ ناصر: قالي انه لازم اشوفها...يبي يكلمج....انزين خلاص كلميه....؟؟ ايه ويقول انكم المفروض اتسافرون عقب 4 ايام....وقالي اقنعج انج اتردين وتسافريمن معاه وتغيرون جووو.... شيخة: حده متفرغ.....مابي اشوفه....ولا ابي احاجيه..... خذت شيخة ولدها واصعدت فوق...... ناصر حق امه: يما شكلها السالفة قوية...... ام ناصر: الله يستر ابستره....الله يستر.... ناصر : الحين شاقول حق جرااح؟؟؟ ام ناصر: قوله...خل ينطر هاليومين...جووود اتطخ اشوي....ليلحين السالفة بحرورتها...... ((غدا ..... بيت بو محمد)) قاعد ابو محمد....وعبالعزيز...ونورة ...وام محمد...ودلال.....وديمة قاعدة عالزوليه تلعب بالعابها.... ام محمد مستغربة: شالسالفة....جرااح صارله 4 ايام ..كل يتغدا عندنا وينام اشوي ...ويخلي ديمة اهني لين بليل....وياخذها.... نورة: وين شيخة؟؟؟؟ ام محمد: مادري....سألته عنها...قال زينه.... دلال : تلقين امسوي مصيبة من مصايبه.... ام محمد: ويييه ....فالج ماقبلناه.... نورة: الحين انعرف السالفة..... اتنادي ديما: ديومة ...ديومة حبيبتي تعالي..... تركض ديمه حق عمته.... تمسك نورة خصلة من شعر ديمة: الله...شعرج حلو..منو سواه...ومنو حطلج هالشباصة؟؟؟ ديما: ماليني سوته.... نورة: ايه ماليني....ليش ماسوته ماما شيخة....؟ ديما : ماما شيخة وبروكي مو بالبيت...صارلها واااايد مايت...من زمااان مايت.... نورة قاعدة اطالع امها ودلال .... دلال : ماقتلكم امسوي بلوى....ماصدقتوني....هذا مينون ...قاضي...شنو تتوقعون منه..... نورة تسأل ديمه: ليش اطلعت من البيت؟؟؟ عبد العزيز موعاجبة الي يصير: يانورة...ترا عيب جذي....هذي اسرار....لا تقعدين تستجوبين البنت...مايجوز هالشي..... نورة: انا بس بعرف ..اشصاير...وانساعدهم اذا في شي.... تسكت واطالع ديما: ايه ماقلتيلي ليش ماما شيخة اطلعت؟؟؟؟ ديما : مادري..... نورة :امج وابوج كانوا متخانقين؟؟؟ عبدالعزيز: نوووووووورة...عيب.... ديما: لأ....اهما يحبون بعض....يمكن اهي مسافرة...مادري نورة: خلاص حبيبتي روحي لعبي.... اتطالع امها واتكمل: يما لازم اتكلمين جراااح....تسألينه شالسالفة..... ابو محمد: هذا ولدج امصرقع...تلقين طاقها ...او سابها....عادي توقعي أي شي منه.... دلال : ايه ...قطيعة تقطعه..... ام محمد: دلوول ....بس عااد...هذا اخوج...لاتدعين عليه.... دلال اتطالع بعيونها فوق وتعوي حلجها...يعني الكلام موعاجبها...... اشوي ويدخل جراح عشان بياخذ ديمة.... جرااح: السلام عليكم..... كلهم ردوا ماعدا دلال وقامت راحت غرفتها....... جرااح: يما ديمة تعشت...؟ ام محمد : ايه تعشت.... جرااح: شنو؟؟ ام محمد: كانو طالبين بيتزا ....وكلت معاهم..... نورة: جرااح...شخبار شيخة ...من زمان عنها..... جراح ارتبك : زينه ...الحمد الله..... نورة: ديمة اتقول انها مو بالبيت..... جراااح خز نورة خزة..... نورة: واااي يما ...لاتطالعني جذي ..... جراااح: امحققه معا ديمه ...صح..... نورة: انــ...انا...بس سألتهـ..... جراح: خلاص بدامج سألتيها ليش تسأليني؟؟؟ شغل الخباثة هذا ماحبه... ام محمد: انزين خلاص وسع صدرك.....اشصاير..... جراح سكت ...ومو قاعد يطالعهم ...قاعد يطالع جدام: مو صاير ...سوء تفاهم..... عبدالعزيز: يعني انت متخانق معاها....؟ جراح: لأ....بس صار موقف واهي افهمته غلط..... نورة: انزين شنو قولنا...يمكن نقدر انساعدكم.....عااد كلشي ولا شيخة...اذهبة.... جرااح: ماراح اقول ولاشي...ولا لي خلق اتكلم بالسالفة..... جان يطالع امه..... جرااح: تعالي برة اشوي بكلمج..... طلع جراااح بره الصاله ويت امه...... جرااح: الله يخليج ...ابيج اتدقين على بيتهم الحين وتطلبين شيخة ...واتكلمينها....واتقولينلها خترد البيت علشانج.... ام محمد: لا والله ...ماني قايلتلها جذي...ليش احرج البنت....انا مادري انت شمهبب....قولي السالفة....وانا اشوف...... جرااح: انزين بس كلميها....قوليلها أي شي...اي شي.....ترا قاعد ادق.... ام محمد: انطر ...انطر شاقولـــ.... جراح يحط السماعة على اذون امه.... ام محمد: هلا والله ام ناصر...اشلونج...عساج بخير.... ام ناصر: هلا وغلا بام محمد...انا طيبة ..طاب حالج...انتو اشلونكم...واشلون العيال وابو محمد ...ان شاء الله طيبين,,, ام محمد: ابد...كلنا طيبين الله يسلمج....من زمان عنكم....ولهانين عليكم...حتى غنومة من زمان مو مكلمتها.....تدرين الدنيا تلاهي...والوقت مافي بركه..الله المستعان.... ام ناصر: ايه والله صاجة.... ام محمد: ام ناصر...اقــ اقول....والله ماني عارفة شقول.... اتقاطعها : على سالفت شيخة وجراح....؟ ام محمد: ايه والله....توني دريت....شالسالفة؟؟؟ ام ناصر : والله علمي علمج...محد راضي يتكلم.....واهي صاكة دارها ماتكلم احد.... ام محمد: انا ادري ان ولدي الغلطااان ...متأكدة ...ويلا بنيتكم مايطلع منها الا كل خير...عقل وثقل ...وسنع ومنع.... جراااح يخز امه ويقولها بصوت واطي : يمااا ...لاتخورينا...... ام ناصر: الله يسلمج....والله من طيبج يا ام محمد....وشيخة بعد تمدح فيكم وااايد.... ام محمد: انزين ام ناصر...اذا شيووخة يمج خل اكلمها...... ام ناصر: ايه ان شاء الله ولايهمج....دقيقة واناديها..... ام محمد اتحط ايدها عالسماعة واتكلم جرااح..... ام محمد: جرااح: شاقول حق البنت الحين...الله يفشلك...كله امسود ويهي... جرااح: كلميها...قوليلها خترد..... شيخة تمسك السماعة : شيخة: الووو.... ام محمد: هلا والله...هلا بشيوخة...اشلونج يماا...شخبارج....شلون بروك...؟ شيخة: هلا خالتي ...هلا فيج....الحمد الله بخير...كلنا بخير... ام محمد: يايما مادري شاقولج...انا مادري شنو السالفة بالضبط....بس يليت اتفركين زين...وتردين لبيتج ولريلج ...والله هالديما اتعور القلب...لا من امها ..الي قطتها وماتدري عنها....والله انها اتحبج وماعندها غير (امي شيخة وامي شيخة) ....وهم ولدج مايصير يربى من غير ابوه....صح ويلا انا غلطانه.... شيخة: ايه خالتي....الله كريم ان شاء الله....عطوني مهلة ...وان شاء الله مايصير الا الخير..... ام محمد : امين امين..... جراح ااشر حق امه...عشان تعطيه التلفون...... جرااح: الووو.... شيخة: ........................ جراح: شيخة الله يخليج لاتصكينه...... شيخه ساكته...... جراح: حتى اذا ماتبين تتكلميني ...بس سمعيني وانا اتكلم..... شيخة: يعني شالحركاات...امخاي خالتي اتكلمني....!!!! ....يعني شنو ...تبي تحرجني.... جرااح: لأ...مابي احرجج...ابي اوصلج...ابي اكلمج.... شيخة: وانا مابي اكلمك....وخلاص متى ماانا حسيت نفسي اشوى...راح اكلمك....يالله مع السلامة.... جراح:شــ... شيـــخـــ...... سكرت السماعة شيخة...جان يحذف جرااح موبايلة عالطوفة....لين تفلش..... ام محمد: اشوي اشوي....كسرت التلفون.....انت شموديك ابداهية غير هالعصبية.... جرااح: يما ...ترا مالي...خلق..... ام محمد: بس اتسوي سواتك..واتيي اطلع حرتك...يما لي فات الفوت ماينفع الصوت.... جراااح: قسمن بالله يايما...اني هالمرة مو غلطااان ...والله مظلوم...ووالله.... ام محمد: ودي اصدق...بس ماقدر راح جراح صوب موبايلة...خذا التشب (كرت التلفون) ونادى ماليني وديما واطلعوااا.... ابو محمد: والله ابتلشنا بهالولد...هذا اعقوبه من الله.....استغر الله العظيم.... ام محمد: من صغرته ...كل طااايح بالمشاكل....الله يهديه..... نورة: عااد صج...اهو بالاونه الاخيرة تغير...والله نوعا ما تغير.... ام محمد: ايه صاااجة...الله يصلحه..... (( عقب 5 ايام)) ((بيت ام ناصر)) حصة: شيخة احنا تحت...نزلي.... شيخة: يالله ...اشوي ونازله...... افتحت شيخة موبايلها.....ويلا يوصلها مسجااات وايد من جرااح ...اقعدت تقراها.... ( شيخة والله انتي فاهمة الموضوع غلط...عطيني فرصة ادافع عن نفسي)) ((شيخة حبيبتي...والله انج عندي عن بنااات الدنيا كلها...ماشوف احد غيرج)) ((شيوختي...لا تصيرين قاسية علي...من لي بالدنيا غيرج)) ((والله ولهت عليج وايد...والله احبج...ماقدر على فراقج...)) شيخة دمعت عينها يوم قرت المسجاات ...وامسحت باجي المسجااات كلها...ماتبي قلبها ايعورها ازيادة...وسكرت الخط مرة ثانية...... غيرت اهدومها والبست بيجامه من بيجامتها القديمة...... وانزلت تحت....وادخلت الصاله..... شيخة: السلام حصة وطيبة وامهم: وعليكم السلام.... ام ناصر: تو مانورت الصاله والله..... شيخة تبتسم.... شيخة : وين بروكي.... ام ناصر: برة مع الخدامة واليهال ...خل يطالع اليهال وهم يلعبون ...خل يستانس.... شيخة: اخاااف برد عليه.... ام ناصر: لا تخافين...قمقمناه...لبسناه لي قبل..... طيبة: اشلونج اليوم احسن.... شيخة: امممممم..... قاعدة اطالع شيخة جدامها ...ويلا باااقة ورد كبيرة....وحلوة ....محطوطة ابمزهرية دائرية..... شيخة: الله ...اشحلات الباقة...منو يايبها.....؟ حصة : روحي اقري الكرت...... قامت شيخة وافتحت الكرت..... (( الدنيا مالها طعم من غيرج يام براك)) حبيبج جراح.... انزلت دمعة شيخة على الكرت لين ساح الكلام..... امسحت ادموعها بسرعة....وشقت الكرت وقطته بالزباله...... خواتها وامها ساكتين...ماعندهم شي ايقولونه...... حصة بتغير الصقلة: تعالي اشلون جنوي وحوسة العرس....؟ شيخة: زينه مسكينة....من صالون لي صالون ....غير لوية التجهيز والعرس..... طيبة : من وين شرت بدلتها مالت العرس..؟؟ شيخة: من الاسطورة ...برج السحاب..... اتكمل شيخة: انتوا شريتو بدلات....؟ حصة: انا عندي ....مالت عرس حمااي...محد شافها علي.... طيبة: انا شريت من الفاتنة..... شيخة تسأل امها : وانتي يما.... ام ناصر: انا عندي اهدوم اشكثر....شوفي الكبت ..بينبط من كثر هالهدوم.... شيخة: انا شريت بعد من الفاتنة.....بدلة قصيرة.... طيبة متحمسة: حتى انا ....لايكون نفس بدلتي....اي لون انتي.... شيخة: ابيض واسود..... طيبة: لا ...انا صفره...... حصة : ايه حلو على لونج الاصفر.....يبيلج ميكآب ذهبي مع حمرة حمرااا.... طيبة: لا ....ماراح احط شدوو ولا تلطخ ...بس كحل داخل العين وماسكرا خفيفة وقلوس.... حصة معصبة: ترا هذا عرس اوكي.... طيبة: سووو وات....انا محب الميكآب....شوفي ممثلات هوليوود...ناعمين...ماكو زوود مكياج...ويهبلووون..... شيخة بوادي ثاني..... حصة: وانتي شيوخ...منو بيحطلج الميكآب..... شيخة:هـ... هلا محد ...انا بحطلي....انا بحط حق نفسي...وبسوي شعري بصالون موووس..... يرن موبايل شيخة......ويلا جنى داقة..... شيخة:الووووو.... جنى: هاااي ...اشلونج....؟ شيخة: ماشاء الله عمرج طويل...تونا قاعدين انحش فيج انا وحصة وطيبة.... جنى: صج شتقولون.؟؟؟؟ شيخة: عن عرسج وتجهيزج...وبدلاتنا الي راح نلبسها بعرسج....وجذي.... جنى: اهاااا....انزين تعالي ...اشلونج اليوم....؟ شيخة: الحمد الله...احسن ..... جنى: واااي شيخة...اتصدقين اني متعاطفة مع جراااح....احس صج انه ماله شغل.... شيخة: فر راسج مشاري...صح..... جنى: لا والله.....بس يكسر الخاطر.....وبعد يقول مشاري انه تعبان حيل.... شيخة: ايه تعبان اليوم وباجر راح ينسى...كلنا تعابى..... جنى: لا تعبان ...مرض يعني.... شيخة مخترعة....: اشفـــــــــــــيــــــــــــــه!!!!!!! جنى: مادري ..ايقول بطنه.....مادري صوب بطنه....مادري اشفيه بالضبط.... شيخة: ايه هذا من زماان...وماراح الطبيب...؟ جنى: لا ....مع ان مشاري ايحن عليه....بس مايبي....خايف ان يكون فيه شي.... شيخة: ويه بسم الله عليه ان شاء الله....لاتقولين جذي جنى: ياشاقول...بدامج اتحبينه هالكثر....خلاص...طوفيله هالمرة.... شيخة: ايه هالمرة والي بعدها والي بعدها....حبيبتي ان طوّفت هالمرة ...بيصير عنده الوضع عااادي..... جنى: مسكييين ....يقطع القلب ....لوتشوفينه ...كلساع يدق على مشاري...ويقوله خل اتكلم جنى شيخة...خل تقنعها....ويقول مشاري انه مو قاعد ياكل....وديمة بس تبجي تبيج.... شيخة: خلاص جنى ...اشفيج....تبين اتنكدين على يعني..... جنى: لا ...بس عشان ابينلج الصورة.....جراااح يحبج وشاريج....ومشاري قايلي ان مرته هذيج عقربة...مستعدة اتسوي ااي شي عشان توصل حق الي تبيه.... شيخة: مادري ...الله كريم....انا محتاجة وقت...وان شاء الله الزمن اينسيني.... جنى: يعني ممكن اتردينله؟ شيخة: هذا الحجي سابق لاوانه....كلشي بوقته حلو...... بعد 7 ايام...... شيخة وناصر وام ناصر قاعدين بالصاله......عالساع 6 .....وقاعدين ايطالعون التلفزيون ...وشيخة قاعدة اتلعب بروووك......وناصر ايدزز مسجات من موبايله..... فجأة ويلا يدخل جرااح.... جرااح: السلام عليكم..... شيخة انقلب ويها...انصدمت...واتقول بقلبها (هذا اشيايبه) راح باس راس عمته......وصافح ناصر.....شيخة اوقفت تبي تمشي جان يمسكها ناصر من زندها.... ناصر: قعدي ....تفاهمي مع ريلج.... شيخة: آآآ ...يعني متفقين علي....؟<<<<<معصبة ومترفزة ناصر:لا مومتفقين عليج....متفقين لج... انا ابي مصلحت الكل..... يطالع ناصر امه : يما ...انخليهم يتفاهمون.... ام ناصر : يالله حبيبي.... خذت ام ناصر براك...واطلعت وصكت الباب..... اقعدت شيخة وحدها مرتبكة...ولا حطت عينها بعين جراااح...... جرااح: شيخة اشونج؟ شيخة اتهز راسها: امممم ...تمام.... جراح يقرب منها: واخيرا صدتج....انتي اشسويتي فيني.....يننتيني.... شيخة: بس حركتك بااايخة....يعني مابي اشوفك ...غصب....!!! جرااح: شسوي ...لا انتي راضية اني اكلمج ...ولا راضية تشوفيني....لازم افهمج الموضوع...... شيخة: خلاص ...اتعيد وتزيد....مهما قلت ترا ماكو فايدة.....انا ماراح اجذب عيني واصدقك..... جرااح: شيخة والله العظيم ...وراس ديوم وبروووك....اني مالي شغل...كاني قاعد احلف براس اعيالي....ماراح اجذب....يعني شسوي عشان اتصدقيني.....!!! شيخة: حتى لو صج كلامك...انها مأذيتك...وانك تبي تنهي السالفة معاها....هذا مايبرر شي...المفروض ماترد عليها...المفروض اتقولي....ماكان المفروض اتواعدها.....حطني انا ابمكانك....حتى لو عندي دوافع...هل كنت بتسامحني.... جرااح: غير ...انتي مره ...وانا ريال..... شيخة معصبة: لا موغير....نفس الحرة الي اتحسها ...انا احسها...نفس القهر ....نفس الغيرة....نفس الشي بالضبط....لا تبرر حق نفسك... جراح: انا غلطت اني ماقتلج...بس والله ...والله ياشيخة...انا ماقتلج مو عشان خايف ويلا شي....انا ماقتلج...مابي تتضايقين ...وتفكرين بالسالفة ...وتشغلين نفسج فيها...ماكنت ابي اعور قلبج...والله شاهد....حرااام عليج ...تعبت وانا احلف....الله يخليج صدقيني.... يسكت ويقرب منها....ويلف ويها صوبه.... جراح: شوفي اعيوني...ترا والله اعيوني ماتجذب....شوفيها..... شيخة كانت اطالعه ...واتقول بقلبها (والله احبك...والله اموت فيك...بس ماراح اضعف...) شيخة: انت غلطت واتحمل غلطتك.... جراااح: شيخة ...انا طول هالاسبوع ...مابقى طريقة ماسويته...مابقى احد مادزيته...لاتذليني.... شيخة: دمعت اعيونها: انا ماذليتك...بس انا محتاجة وقت عشان انسى....خلني على راحتي..... جراح: اذا مو علشاني...ردي علشان ديمة....ترا اهي تعبانة....لا تاكل ولاتشرب...وتتفزز بالليل ...وكل يوم تسأل عنج.... شيخة: ييبها خل اتزورنا.... جراااح: لا ...اهي تبيج حواليها..اتنومينها وتوكلينها ...ودتديرين بالج عليها..... شيخة: لاتمسكني من الايد الي اتعورني.....احتاج وقت...مادري هالوقت بيكون طويل ويلا اقصير....بس احتاج وقت..... جرااح: ياعمري...ياحياتي...اليوم المفروض سفرتنا بليل...خل انروح ونستانس ...وننسى الي صااار...والله مظلوم ...والله ماشوف غيرج بهالدنيا.....لاتسوين فيني جذي.... شيخة: وانا ...منو يطب يجرحي....محد حااس فيني...والحرة الي انا فيها ...والنار الي بقلبي من يطفيها...... جرااح: شوفي شيخة....هالمرة راح اتكون الاخيرة الي ادق عليج فيها...وهم ماراح ايي بيتكم مرة ثاني....ولا راح اكلم احد يكلمج..مو عشان مليت ويلا استسلمت...لأ ...انا شاريج ولا راح ابيعج...بس مابي اضغط عليج.....واذا قررتي انج ترجعيلي بيوم ...قلبي وبيتي مفتوحين لج بأي وقت..... قام جرااح وباس راسها ... جرااح : يالله فامان الله....... | |
| عندما تتشابه الأرقامـ |
|
13-03-10, 04:34 AM
| #49 (permalink) | |
|
مشرف عـآم
| عد 3 اسابيع من السالفة((بيت اب محمد)) عالمغرب...جراح منسدح على قنفة الصالة ونايم.... ام محمد ونورة ولطيفة ودلال موجودين بالصالة .... لطيفة: يما اشفيه جراااح؟؟؟ ام محمد: اشفيه؟؟؟ لطيفة : مادري اشلون ...احسه فيه شي ...كله نايم ...ما ياكل ويها اصفر....مادري.. متغير؟؟؟ نورة: ايه حتى انا لاحظت....ماله خلق يتحجى....ساكت ...طاخ...اهو مريض فيه شي؟؟؟ ام محمد: لا بسم الله عليه ...مافيه شي...بس من الشر الي فيه.... لطيفة: لا عاد تبون الصج...بالفترة الاخيرة متغير ...متغير وايد....ايحاول يسولف ...ايحاول يندمج معانا ...بس احنا مانعطيه وي...ولا اخواني ولا ابوي....مسكين احس انه منبوذ.... دلال: قلعته ...اهو الي ياب هذا حق نفسه....اطباعه اتلوع الجبد... و ايده طويلة ..كله يمدها...وفوق هذا يابلنا وحدة من الشارع واتزوجها غصبن على امي وابوي...معنهم مو راضيين بس خذاها....عشان جذي تلقينه مو متوفق بدنيته.... نورة: بسج عااد دلول...واي حقووودة....صح جرااح في اعيوب الدنيا ...وسوّاا اشياء وايد ماكنا راضيين عنها..وحتن يوم خذا شيخة (ام براك) كنا خايفيين ان يهدها ويرد حق النسرة هذيج...بس صار عكس توقعاتنا ...وشيخة واايد حبته واهو حبها....يعني معناته ان جرااح فيه خصل زينه....وممكن يتغير للاحسن اكثر واكثر....ليش مانعطيه فرصة..... دلال : والله لا تطالعيني جني انا المجرمة....لا امي ولا ابوي ولا اخواني ايواطنونه...مو بس انا.... لطيفة: صج يما ...ماتواطنين جراااح....؟؟ ام محمد: لا والله ...هذا ولدي ...قطعه مني ....اشلون ماواطنه....صج اني شايله عليه ابقلبي اشوي ....بس احبه ولدي ...وضايق خلقي عليه ... نورة: وانا بعد ....صج ان عليه ملاحظات ...بس ماكرهه ...يظل اخوي ...دمي ....واخواني بلعكس يحبونه...بس محمد ودلول الي مايواطنونه..... دلال: وابوي بعد..... لطيفة: اتوقع ابوي نفس امي...شايلين عليه...على عناده ولانه يطول صوته عليهم...مو مايحبونه...حبيبتي ...عمر الظفر ك مايطلع من اللحم...هذا ضناهم...ولدهم...يمكن معزته اقل من الباجي ...بس ايحبه....!!!!! يدخل مشعل ..... مشعل: السلام عليكم..... كلهم : وعليكم السلام.... قعد مشعل يم القنفه الي فيها جراح..... مشعل: هذا اشفيه كل يوم نايم اهني...... اممحمد: مادري ...كل يوم اييب معاه جيس جمعية.. فيه بسكوت نايس وايقول حق الخدامة اتسويله جاي حليب...وياكل وينام....وماياكل شي لا بالغدا ولا بالعشا..كل يوم على هالحاله.... مشعل ايطالع ويه جراح: اهو مريض..؟؟ ام محمد: هاو اشفيكم...كلكم اتقولون عنه مريض...؟؟!! اهو مو مريض ...بس نفسيته تعبانه..... مشعل: خلاص ...كلموا مرته ختردله.... ويطالع الطاولة الي جدام جراح ...ومحطوط فيها كووب حليب وبسكوت ويم البسكوت فيه دواء.... يمسك مشعل الدواء بايدة.... مشعل قاعد يقرا اسم الدوا: ترامادول.....ها الدوا حق شنو..... نورة: خل ادق على ريلي اسأله <<<<ريلها طبيب ادق نورة على ريلها عشان تسأله...... مشعل: انزين اشلزن اينام بهالصيحة...؟؟ انتو سوالف ...واهناك يهال ...وتلفزيون.....اشلون نايم بعرف.... ام محمد: اهو نومه ثقيل..... مشعل: اهو ماكان جذي ....عمري ماشفته نايم بالصاله ....الا هالايام..... نورة صطته من ريلها: نورة: ايقول ريلي ...هذا نوع من مسكنات الالم القوية..... مشعل : انا اقول ...شكله تعبان ...فيه شي.... ام محمد: يايما يامشعل .....لا قعد من النوم كلمه ...اهو مايسمع من احد...يمكن يسمعك.... مشعل : ان شاء الله.... بعد ساعة.....قعد جرااح...وشعره معفس..فتح موبايله....وشاف منو داق عليه ومنو دازله مسجات..... لف ويه على امه ..ويالله يبطل عينه: يما وين ديمه...؟ ام محمد: ديمه تلعب مع اعيال نورة ومحمد بره...... ان محمد: تبي عشا؟ جرااح: لأ....... تسكت ام محمد اشوي..... ام محمد: اشصار على شيخة؟؟؟؟ جراح من غير لا يطالع امه : ولا شي..... ام محمد: يعني ماكلمتها...ماحاجيتها.... جراح متنرفز: خلاص ..لاحد يبطلي السالفة.... نورة: تبيني اكلمها؟؟؟<<<منكسر خاطرها عليه جراح: لأ..... مشعل : انزين تعال بره اشوي بكلمك..... جراح: اشتبي؟؟؟ مشعل: عيب ...شنو اشتبي ....تعال بكلمك بره اشوي.... قام مشعل وقام وراه جراح....راحو دار امهم..... مشعل: جرااح...انا ادري انك اتمر بظروف صعبة ...والله ايكون بعونك.... بس قولي اشفيك...يمكن اقدر اساعدك..... جراح: ترا توني قاعد من النوم ومالي خلق اتحجى.... قام جراح بيطلع...امسكه مشعل وقعده..... مشعل: جراح ...احنا رياييل واخوان....طلعلي الي بقلبك...قولي ...يمكن ترتاح ...يمكن اقدر اساعدك؟؟ جراح: شنو تبيني اقولك يعني....؟ مشعل: اشفيك....ليش متضايق...؟ عشان شيخة ويلا سالفة ثانية؟ جراح: اكيد ضايق خلقي عشان شيخة....بس خلاص شسوي...هذا حظي...طول عمري حظي عوي ...وين ماطقها عويه..... مشعل: انزين شنو سالفتكم...قولي ...يمكن اقدر اطلعك منها..... جراح: ماكو شي...سوء تفاهم.... مشعل: انزين ....موضوع ثاني.... يسكت اشوي ويكمل ويحط عينه بعين جراح: انت مريض...تعبان ...فيك شي؟؟ جراح : شلي خلاك اتقول جذي؟؟ مشعل: ويهك تعبان ..لونك اصفر ...ماتاكل ولاشي...وشفت عندك دوا...اعتقد انه مسكن...بس حق شنو؟ جراح: تعبان اشوي... مشعل: يننتني ...اشفيك يعني....؟ جراح: مادري...اييلي الم هالصوب.. ااشر صوب جنبه اليمين .... مشعل: هذي الجبد!!!!! يسكت اشوي..... مشعل: صويت فحوصات....؟ جراح: لأ....ولا راح اسوي..... مشعل: يعني انتا ماتخاف على عمرك...روح سوو فحوصات...عالاقل لو فيك شي ..اتلحق على نفسك من البداية..... جراح: ياعمي...مافيني شي... مشعل: جراح ...ترا عندك بنت ...مالها احد بالدنيا غيرك....فكر فيها...روح افحص وشوف اشفيك ...ويهك اصفر....ترا هذي جبد مو لعبه.... جراح: اشدراك ان بجبدي العواار ...يمكن ابطني.... مشعل : انت قاعد اتأشر هالصوب...وهذا مكان الجبد...بعد مايبيله ذكاء.... انت اصلا شكلك خايف....واتقص على عمرك... جرااح: خايف يطلع فيني شي.... مشعل: واااي نرفزتني جراااح....بدامك خاايف...ليش ماتروح الطبيب.... جرااح: ترا ماحب الحنة....خلاص برووح.... مشعل: بنتك...ترا برقبتك... ايقاطعه جراح: انزين خلاص.....موتني ودفنتني بالحيا... مشعل: انا اخرعك عشان اتروح..... جراح: خلاص ان شاء الله ...هاليومين بروح..... طبطب مشعل على جتفه.....جان ايقومون ويطلعون...... جراح ياخذ اسويجه وبوكه.... ويلتفت على امه : خل اتنام ديمة عندكم... ام محمد: حياها الله..... ركب جرااح سيارته...ولع زقارة......وطقها سلف......ودق على مشاري ..... مشاري: هاااااااااااااالاااااااااااااااااا................ . جراح: هلا مشاري..... مشاري: يبا بعيني بالسوق ...ترا مانبي شي بس نبي نسأل عنك....جهزك كله مغلق او ماترد جراح يبتسم: ادري ادري...مقصر....بس مشيري...حدي تعبااااااااااان.....زايد على الالم الي صوب بطني.... مشاري معصب: صارلي اشكثر احن عليك روح الطبيب ...وانت اذن من طين واذن من عجين..... جراح: اسكت وخرعني مشيعل اخوي...يقول ...هذا صوب الجبد.... مشاري: انا اشقتلك...قتلك هاذي الجبد..... جراااح:لا ان شاء الله ...انا رايح هاليومين.... مشاري: انزين وينك الحين...؟ جراح : توني طالع من بيت اهلي....انت وين؟ مشاري: انا توني قاط جنوي ... يقاطعه جراح: عند شيخة؟؟؟ مشاري: ايييه..... جراح: اشلون شيخة؟؟ مشاري : زينه....ماكلمتها من ذاك اليوم...؟ جراح: nup مشاري: الله يهديكم....عااد جنى اتقول ان شيخة كله ضايق خلقها وصايرة عصبية...ومالها خلق شي.... جراح: خلترد وخلاص..... مشاري: اتقول انها مو مصدقتك...!!! جراح: بعد شسويلها يعني....سويت اللي علي...وطقيت عالمصحف ...يعني شسوي,,,, مشاري: عطها فرصة ...خل تنسى..... جراح: ان شاء الله تنسى وتريحني.....انا تعبان ...ابيها..... مشاري: انزين تعالي الخالدية ..... جراح : كاني بالطريج...... وهو بالطريج يسمع مرينا اف ام ...ويلا حاطين اغنية ...اغنية يت عالجرح....اغنية طالعة من قلب جراااح.... يوم سمعها جراح ....عوره قلبه وحس كأن الاغنية مكتوبه حقه....على طوول مر عند بيت شيخة وقاعد يطالع دريشتها...كانو ليتات الغرفة مفتوحين..يعني شيخة بغرفتها....... جان ايدز لها مسج ... (( 88.8)) شيخة قعدة مع حصة وجنى......ويلا يوصل حق شيخة مسج....تمسك تلفونها واتقول ومندهشة : هذا جراح....دازلي 88.8.....شنو يعني؟؟؟ حصة تركض ابسرعة اتييب المسجلة: يالغبية ...يعني حطي مرينا اف ام..... جنى: يالله بسرعة بسرعة..... يوم حطو على مرينا اف ام ..ويلا تطلع هالاغنية..... فقدتك يا اعز الناس .. فقدت الحب والطيبه وانا من لي في هالدنيا .. سواك ان طالت الغيبه رحلت ومن بقى وياي .. يحس بضحكتي وبكاي وحتى الجرح في بعدك .. يغزيني واهلي به وانا من لي في هالدنيا .. سواك ان طالت الغيبه *** تصدق قد ما حنيت .. اشوفك في زوايا البيت واسولف معك عن حزني .. واحس ان انت تدري به انا من لي في هالدنيا .. سواك ان طالت الغيبه *** شسوي بالالم والآه .. ولكن البقا لله يصبرني على بعدك .. وذا حظي وراضي به انا من لي في هالدنيا .. سواك ان طالت الغيبه اغنية الجسمي.....اهداها جراح حق شيخة...لان اهو عايش واقع الاغنية....وحيل فاقدها..... شيخة اسمعت الاغنية...جان تقعد تبجي حييييل..... شيخة: حتى انا فاقدته ...حتى انا ...احبه... جنى: خاص شيوخ....والله جراح ايحبج....تكفين رديله..... حصة: ايه خلاص ....رديله...حتى لو انتي مو مصدقته ...سامحيه هالمرة...واذا عادها مرة ثانية...انا بقولج هديله البيت.....لان ادري ان ماراح اعيدها....بس حرااام ...اهو ايحبج.... شيخة: خلاص لاتضغطون على.....انا بين نارين ...مادري شسوي...... حصة: سوي الي قلنالج عنه....وخلاص..... ************************************** مشاري يمسك الزقارة من ايد جراااح: بس ...بس ...ترا انت وااايد زايد ....يرحم امك ..جم باكيت تشرب باليوم؟؟؟ جرااح يضحك : ويه صكينا العشر..... مشاري حط ايده على راسه: الله الله الله....يالظالم 10 باكيتات باليوم....انت صاحي ...لا والله قاضي ....مينون..... جرااح: المهم...ها اشلون تجهيزاتك.....مابقى شي عالعرس ...يومين..... مشاري: ايه خلصت ..وزعت البطايق وكلشي تمام....واشصا عالبطاقات الي عطيتك اياها.... جرااح: ايه عطيتهم اخواني ....وعطيت ربعنا بالدواام..... مشاري:..تمام...... جرااح : وبنفس اليوم ايطيرون المالديف..؟ مشاري: لا...من باجر ان شاء الله..... جرااح: يالله موفق ان شاء الله.....ان شاء الله تستانس ...وتترس البيت اعيال..... مشاري ...مشكور جرااح.....وان شاء الله انت وشيخة ترجعون حق بعض..... جراح: امين ....الله يسمع منك.... يسكت جرااح ويكمل: ودي اروح لها مرة ثانية ابيتهم ...بس ماقدر ...ماقدر انزل عمري اكثر..... مشاري: لاتروحلها ولا شي ....صدقني راح ترجعون حق بعض....لاتشيل هم...شيخة اتحبك ليلحين...وكل يوم تبجي عليك....والي ايحب مرده يسامح.....وصدقني ...اهي ماسوت جذي الا عشان اتمووووت عليك.....وماهن عليها الي سويته...... جرااح: آآآآآآخ ...الله يلعنج ياشيوخ الفقر...كله منج..... ************************************* يوم عرس مشاري وجنى ........ كانو امسوين العرس بالشيراتون ....قاعة الكريستال....وكان العرس حده زحمة....خوات شيخة وامها كانوا رايحين العرس ...اما شيخة كانت مع جنى بالصالون..... كان شكل شيخة وايد حلو.....كانت بدلتها قصيرة ابيض واسود....وفيها على جنب ..صوب جتفها وردة كبيرة بيضه.....كانت رافعة شعرها كله لي ورا...ومسويته عنقوص ....وصوب القذلة بف خفيف.....ولابسة جوتي شانيل اسود.....وجنطة كلاتش كلها ستراس سلفر......وكانت حاطة ميكآب خفيف ...بس وايد امحليها.... وحتى جنى كان شكلها حلو...بدلتها اوف وايت ..تصميم باسيل سودا....وسامته شعرها لي ورا ومسوية كبه دائرية....وحاطة طرحه اقصيرة.....ومكياجها كان ترابي على ذهبي...وحمرتها وردية....يلوق مع لون بشرتها السمره.....ومسكتها هم كانت وردية.... شيخة وجنى قبل لا يدخلون القاعة..... جنى مرتبكة شيووخ....اشلون شكلي حلوووو؟ شيخة: اتهبليييييييييين.....والله اتهبلين..... جنى: شيوخ ...خايفة مادري ليش.....؟ شيخة: عادي ....هذا شعور طبيعي .....راح تدخلين على اكثر من 500مره..اكيد راح اتخافين....بس هاا...خليج ريلاكس....عشان تطلعين بالتصوير حلوة..... جنى: خليج يمي ...الله يخليج....ترا ماشفتج راح ارتبك.... شيخة: لا تخافين ماراح اتحرك..... ادخلت جنى .....على اغني هب السعد....شكلها وااايد حلو.....كانت ضعفانه والبدلة طالعة عليها روعة.....وطول ماهي تمشي وشيخة اتعدلها نفنوفها....وتمشي معاها...وطبعا ام جنى ميته من البجي ....لانها وحيدتها......والكل كان يسأل عن شيخة...وفي ناس عبالهم اختها...من كثر ماكنت قايمة فيها ومجابلتها...... وطبعا يوم اقعدت جنى...قامت شيخة وخواتها وارقصو حق جنى ؟...لان ماعندها خواات...واهي اتعدهم حسبت خواتها.....واستانسوا وارقصوا... تقريبا عقب ساعة ونص ....ويلا ايقولون ان المعرس بيدخل ...واطلبوا من الحريم يتغطون.....جنى مو متحجبة...بس حطت شال صوب صدرها وغطته....شيخة البست نفس بالطوو طويييل...والبست لفتها...... ودخل مشاري على اغنية يامعيريس ......وكان شكله حده رزة ...لابست البشت الاسود...واهو طول وعرض....وحاطله قفل ....وشكله بالقترة والعقال وااايد وسيم وجنتل.....دش مع مجموعة من الرياييل...عيال خواله وعمامة وربعه...... قبل لايوصل مشاري الكوشة: شيخة اتساسر جنى الي منزله راسها : امبيه مشوور صاير حلوو...يابختج.... جنى: حلفي ...امبيه خايفة.... يوم ارفعت شيخة راسها...ويلا يقرب مشاري عند الكوشة.....ويلا اتطيح عين شيخة بعين جراح.....كان شكله احلى من المعرس....لابس دشداشة وقترة واعقال ...وبعد اهو حاط قفل <<<<الظاهر متفق مع مشاري..... قاام قلبها يرقع يرقع يرقع.....حست بقشعريره يوم شافته....نست ان جرااح راح ايكون بالعرس.....طوّل جراح واهو يطالعها....جان يبتسم لها ابتسامه خفيفة....شافت اعيونه....حست انهم تعبانين...حست انهم يقولون لها ابيج رجعيلي....وحتى اعيون شيخة اتقول حق جراح احبك واموت فيك..... سلم جراح على مشاري ....وصور معاه وطلع.....وشيخة اطالعه واهو يطلع من القاعة...حست ان قلبها قاعد يطلع من مكانه......وقاعدة اتدمع اعيونها حيييل حيييل....لين ساح مكاياجها..... جان اتروح عند جنى واتلمها واتقولها.... شيخة: جنى الله يوفقج...مع مشاري...الله يسعدج.... تسكت اشوي: سامحيني انا برووح الحين.... جنى: ليش قاعدة تبجين عشان جرااح.؟؟؟ شيخة: ماعليج منى ...اليوم يومج...لاتفكرين فيني..... جان اتبوسها وتطلع من القاعة....... ************************** جراح رجع شقته بكيفان......دخل غرفته.....قاعد ايطالع شكله بالمنظرة ويتذكر ويه شيخة ....بطل ازرار الدشداشة عشان بيفصخها.....ويلا يطق جرس بيتهم..... بطل جرااح الباب .....ويلا ..... (((((((((((((((((((((((( شيخة ))))))))))))))))))))))))))))))))) شيخة....واعيونها متروسة ادموع....... اول ماشفته شيخة....جان اتلمه حيييييييييييييييييل....وكانت قاعد تبجي حييييييييييييييييل......دشداشة جرااح انترست كحل مع ادموع.... شيخة: انا اسفة جرااااح.....انا اسفة ....بس والله موبيدي ...غصبن على...ماتدري بالغيرة الي حسيت فيها يوم شفتك معاها.....ماتدري عن النار الي كانت بقلبي..... شيخة تبجي واتحاول انها تسكت واتكمل: ماتدري شلون عشت الايام الي طافت ...لاتحسبني اني كنت مستانسة ويلا مرتاحة.....كنت اطبخ داخل قلبي....ودي ارجعلك.آآآآآآآآآآآآآآآآآآآآآآآآه....بس ماقدر ...ماقدر اكثر ....ماقدر اعيش من غيرك جراح..... جراح تنزل اموعه: بس خلاص شيخة....لاتبجين...انا اصلا ماستاهل دمعه من اعيونج..... شيخة: لا تقول جذي...انت تستاهل كل شي....انا افديك بعمري وحياتي ....مو بدموعي...... يطالعها جراح ...ويمسح ادموعها بايده.....واهي بعد تمسح ادموعه بايدها..... جراح: انتي مصدقتني ان مابيني وبين هذيج شي...؟ شيخة: غصبن على اصدق....انا غبية اني ماصدقتك من زمان.....بس الشيطااان الله يلعنه....عمى عيني..... تسكت اشوي وتبلع ريجها واتكمل : مادري اشصار فيني يوم شفتك اليوم....وشفت اعيونك...حسيت انها قالتلي كلام وايد....حسيت ان ماقدر اعيش من غيرك ....مابي اهدك ولا يوم ...ولاساعة ولادقيقة..... جرااح يلمها حيل: انا بعد ....مابي اهدج....انتي عندي بالدنيا كلها....انتي حياتي وروحي....والله ماحبيت احد كثرج شيخة....لا تخليني مرة ثانية الله يخليج.....الله يخليج....انا الي ماقدر اعيش من غيرج.... يحط عينه بعين شيخة وبهمس: احبج ...والله احبج..... شيخة: انا امووت فيك جراااح.... لمو بعض حييل ...جان يشيلها ويصك باب الصالة............. | |
| عندما تتشابه الأرقامـ |
|
13-03-10, 04:37 AM
| #50 (permalink) | |
|
مشرف عـآم
| في الصباح........ جراح يقعد شيخة اشوي اشوي.... جراح: شيوختي ...شيوخه....حبيبتي...... شيخة اتبطل عينها شوي شوي واطالعة وتبتسم..... جراح : صباح الخير ياعروسة..... شيخة: صباح الخير حبيبي ...... قام بطل البردة ......وطلع بره الغرفة اشوي .....ورجع شايل صينية.....وياب الطاولة الصغيرة الي تنحط بالفراش ...وحط الصينية جداام شيخة....وشيخة اتطالعه منصدمة..... شيخة : شنو هذا ؟ جراح يبتسم: يعني شنو ...!! ريوق..... شيخة تضحك تضحك : لايكون انت الي امسويه..... جراح: ليش طايح من عينج.... شيخة: لا حبيبي ...بس اتخيل شكلك....انت متى قاعد...؟ جراح : من ساعة.... شيخة اطالع الريوق .....امسوي اومليت ...ومقصص خيار وطماط وجبن ....ومسوي حليب وشاي..... طالعته وشيخة وامسكت ايده وابتسمت: تسلم ايد الي اسوااه.... جان اتبوس راحت ايده واتحطها على صدرها صوب ارقبتها..... جراح : تستاهلين اكثر ... شيخة: ماني ماكلة بروحي ...انت معاي.... جراح قعد اجبالها....وتربع ....وقال : يالله ....اصلا انا ميت يوووع بس ناطر تعزميني ..... اضحكت شيخة.... كانوا مستانسين حييييييل....كانوا يضحكون .....لو اتشوفون اعيونهم ....كانت تلمع ....مثل اعيون اليهال الصغار...اشلون اليهال اذا استانسوا واطلعت الفرحة من اعيونهم ....كانت اعيون وشيخة وجراح جذي بالضبط....وشيخة وجراح يقولون بقلبهم...يااارب اتدووم هالسعادة على طوول ...يااارب ...يااارب اتدوم هالسعادة عليناا...ياارب لا تحرمنا من بعض..... بعد اشوي ...شيخة اتسبحت ...وكانت قاعدة اتنشف شعرها بالستشوار..... جراح توا داخل الغرفة ...... جراح حق شيخة : نعيماا حبيبيتي..... شيخة: الله ينعم ابحالك.... جرااح مشتط : يالله يالله شيوخ....خنروح انييب ديوم من بيت اهلي...مادري شنو بتسوي لا شافتني معاج.....راح اتطير من الفرحة...... شيخة: حبيبتي ديوم....يالله ...دقيقة وخلص... شيخة: ايه وتعال...نسيت بروك .... جراح يضحك: من لقا احبابووه نسى حتى اعياالووو... شيخة تضحك: وااااااي الثقة..... جراح:تعالي ...قلتي حق اهلج....؟؟!! شيخة تبتسم: لا ماقتلهم...بس دزيت حق امي مسج بليل وقتلها اني رديت حق جراااح...وصكيت جهازي على طوول...استحييت..... جراح ايحك حاجبة بظفرة ومنحرج: انتـ...انتي قلتيلهم سبب الزعل الي بيني وبينج؟؟ شيخة: طبعا لأ.....<<ماقالتله انها قايلة حق خواتها...... جراح: ايه اشواا..... بدل جراح ولبس دشداشته....وفجأة غمض عييييييينه حييييل ....ومسك بطنه ....شيخة شافته من منظرة .... شيخة مخترعة : اشفيييييييييييييييييييييك!!!!!!!!!!!! جراح: مادري ...بطني.... شيخة: الله.... ليلحيييييييييين مارحت الطبيب.....!!!! جراح: انزين انزين...بعدين..... شيخة اتروح صوبه وتلمة من ظهره : جرااح ..الله يخليك....اذا اتحبني ...روح الطبيب....الله يخيك.... جرااح: ان شاء الله ...ان شاء الله...اوعدج ...هاليومين رايح.... يسكت ويكمل : شيووووخ ....يالله بدلي بسرعة....انا انطرج بالسيارة.... شيخة: اوكي حبيبي..... جراح يصعد السيارة ...كانت الساعة عال11 الصبح.....فتح موبايلة ...جان يدق على مشاري... جراح: هااااااالااااااا بمعرسنااا.... مشاري: هاااالاااا .... جراح: هاااا....اشلونك...اشلوون الوضع..... مشاري: تمااااااام....كل شي اوكي..... جرااح: هاااا متى طيارتكم ان شاء الله..... مشاري: ماااكو ....ان شاء الله ساعتين وامسافرين..تدري الكويتية بعد...عليها تأخير.... جراااح: يالله....ان شاء الله تستانسون.... سكت اشوي : اقووول...تــ..أنــ..أنـــا و...شــيــ... مشاري : اشفيك...منت قادر اتقط كلمتين على بعض.... جراح : مادري اشقولك....يبا انا وشيخة ردينا حق بعض.... مشاري شاق الحلج: اتـــــــــــــــحـــــــــــلـــــــــــف !!!!! اشلوووون ومتى ؟؟؟ جراااح: مادري ...مادري اشلون صارت....آآآآآخ مشيري...مستاااانس ...مستاااانس....احس روووحي رديتلي.... مشاري: جريح انا متشقق الله يعين انت.....اكيد جنوي ماتدري....ماقالتلي..... جراح: لا ماتدري....امس بليل يت شيخة.....وماقالت حق اح...لان كل شي صار بسرعة ومن غير مقدمااات...... مشاري: يالله الحمد الله ....الحمد الله جراااحو....الحين اقدر اسافر وماحاتيك...ياخي كنت شايل همّك..... جرااح: ايه والله الحمد الله....هم وانزاح..... يكمل جراح: يالله معرسنا ....ماوصيك ....استانس بالطول والعرض.... مشاري: اكيييد من غير ماتوصي.....تامر على شي..... جراح: سلامتك مشيري....ديربالك على نفسك.... مشاري : الله يسلمك....ماراح اقولك دير بالك على نفسك لان ام براك معاك....وراح ادير بالها عليك عدل..... جراح يبتسم: اوكي...دزلي مسج لا وصلت...سلـــّم مشااري: اووكي....يوصل.... تدخل شيخة وتصك باب السيارة: ادري ادري ...بتزفني ...وايد تأخرت.... جراح: عااادي...انا كنت اكلم مشاري...وماحسيت بالوقت.... شيخة منفعلة: وانا كنت اكلم جنوّي..... اتكمل: ماتشوفها يوم قتلها اني رديتلك...قامت تبجي بجي..... جراح: يالله مشينا.... شيخة: توكل..... اوصلوا العديلية....طلع جراح موبايلة من مخباته...وقاعد يدق على بيتهم.... جراح: الووو دلال: الوووو... جراح: منو...دلووول..؟ دلال: أووووهوووو...اشتبي.... جراح: استحي على ويهج دلوووّل....وين ديمة؟ دلال: قاعدة تلعب.... جراح: انزين ...خل تتزهب....انا وشيخة ياايين الحين بالطريج عشان ناخذها.... دلال مندهشة: رديت حق شيـــــــــــــــــــــــخة!!!!! جراح: ايه..... دلال: ونــــــــــــــــــاسة....تكفا تكفا نزلوا اشوي...... جراح يكلم شيخة اشوي اشوي: تبينا ننزل اشوي...دلول تبي اتشوفج..... شيخة: اوكي...... جراح: اوكي بننزل اشوي.... ادخلوا بيت اهل جراح....واول مادخلوا البيت ....ويلا ام محمد مستقبله شيخة.... ام محمد: هلا والله ...هلا بشيوخة ....هلا بالغالية..هلا بام برااك... شيخة مستحية: هلا خالتي.... حبت راسها شيخة واقعدواا.... ام محمد حق جراااح: هااا جراح...يااااويلك ان زعلت شيخة مرة ثانية.... جراح: اممممممم...ان شاء الله شيخة: والله خالتي...الله يلعن الشيطان ....اهو السبب...ويلا جراااح ماكو مثله.... ام محمد: الله يهديه ان شاء الله...... جراااح: ليش قالولج مينون؟؟ ام محمد: لا مومينون...بس عصبي....ومتسرع.... شيخة اتقاطع ام محمد: بس قلبه طيب خالتي..... دلال وام محمد يطالعون بعض...... ام محمد: اممممم ...الله يخليكم حق بعض...... ديووومة تدخل الصااااله..... ديومة: مااااااااااماااااااااا شيخة..... اتقوم شيخة من القنفة واتلم ديما حيييييييييييييييل..... شيخة: ديومي...حبيبتي ...ولهت عليج.... ديمة: خلاص راح اتعيشين معانا....ماراح اتخليني... شيخة: مااراح اخليج مرة ثانية ابد.... جرااح: ديوم ...تعالي بوسيني....ماولهتي علي.... اتروحله واتبوسة.... ديمة: وين بروووك....؟ شيخة: يالله ...الحين بنروح انييبه كلنا...... ديمه : هِــــيـــــّا...... ام محمد: لا عاااد ...تغدوا عندنا اليوم....!! جراح: لا احنا قايليين اليوم بنطلع اليهال.... شيخة: ان شاء الله مرة ثانية خالتي...... اطلعوا من بيت اهل جراح....وخذوا براك من بيت اهل شيخة....وراحو سوق شرق ...احجزوا فلم حق ديمة....وراحوا تغدوا بالمطااعم الي فوق على مايبدي الفلم .....كانوا مستانسين حيييييييييييل ...ديما طول الوقت اتسوووولف وتضحك.....واتطالع جراح وشيخة.....جنها مومصدقة..... ديمة: يبا انتا اتحب امي شيخة؟؟؟ جرااح: يطالع شيخة : ايه احبها.... ديما : يبا لا اتخليها اتروووح مرة ثانية..... جراح يطالع شيخة ويقولها: اخاااف اخليها اتروووح مرة ثانية....اذبحها ... شيخة تتغشمر: ماتقدر تذبحني ... اصلا ماتقدر اتعيش من غيري... جراح: أخ...ماقدر ايه والله ماقدر...... دخلوا الفلم ...كان براك نايم بحضن شيخة....وديمة اقعدت بالنص بين جراح وشيخة.... جراح: شنو تبون اييبلكم من بره..؟؟ شيخة: انا مابي شي....ويلا اقولك ...ييبلي كوكيز حدة.... ديما: انا ابي اورانج جو وابي بوب كورن..... جراح: شيوخ ماتبين تشربين شي؟ شيخة:لا مابي.. بس ييبلي ماي.... جراح : اوكي....... راح جراح يطلب لهم....وخذا حق ديمة عصير البرتقال ...حق شيخة الكوكيز والماي ...واهو شراله بوب كورن حقة وحق ديمة.....واهو رايح لهم ... وقبل لايدخل القاعة....فجأة حس بألم قوي ماقدر يتحملة....اختل توازنه وطاحوا منه الاغراض ...وتطش البوب كورن بالارض...واهونزل بالارض... متسند على اركبة ويرفع نفسه بايد وحدة والايد الثانية على بطنه...ويغمض عييينه حييييييييل من الالم....ويركضون صوبه بعض الرياييل والي يشتغلون بالسينما..... واحد من الموظفين يحط ايده على جتف جراح: عسى ماشر ....عسى ماشر..... جراح:ماكو شي ...ماكو شي.... ......: اخوي شكللك تعبان حييل.... يكلم الريال احد يمه : دق على الاسعاااف بسرعة...... جراااح: لا ..لا تدقونــ...... طاح غشيان قبل لايكمل كلامه..... بعد تقريبا ثلث ساعة.....شيخة داخل السينما....قاعدة اتطالع الساعة....واتقول بقلبها....((وين جراح؟؟...طوّل وايد!!!....يمكن زحمة!! ....او يمكن راح الحمام!!! ....ايه ماكو شي .. الحين ايي)) بعد ساعة الا ربع....اهني شيخة خلااااااااااااااص ...حسنت ان السالفة فيها شي....مو معقوله ليلحين جراح يشتري..... شيخة: ديما...يالله امشي خنطلع.... ديمه: لا مابي...ماخلص الفلم.... شيخة:انروح اشوي برة ونرجع...اوكي.... ديما: اوكي... اطلعت شيخة من السينما....قعدت اطالع وتدور ...وراحت صوب الحماام....ورايحة رادة....وتدق على جهاااز جراااح وكله مغلق.....جان اييلها واحد من الي يشتغلون.... ......: اختي قاعدة اتدورين اح؟؟؟ شيخة متوترة: ايه ...ريلي...!!! .....: اهو طويل ولابس دشداشة وحاط قفل..... شيخة مخترعة: ايييييه....وينه؟؟؟؟؟ .....: من اشوي كان يشتري من اهني ...فجأة طااح ...ويت الاسعاااف خذته.... شيخة اتصرخ: شنووووو؟....اشلونــ...؟ وينه الحين؟؟ .....: هدي هدي...ان شاء الله ماكو الا العافية..... شيخة: اهو بأي مستشفى؟؟؟ ......: اكيد بالاميري.... شيخة تطلع من السينما واهي تركض...وشايلة براك وماسكة ديما بايدها.....وادموعها تنزل ....قاعدة تركض ومو مهتمة بالناس الي قاعدين يطالعونها او ايشرون عليها....كان تفكيرها بس بجراااح....وشنو صايرله..... اطلعت بره المجمع...ويلا اتشوف تاكسي ....جان تركب اهي وديمة وبراك.... شيخة: ابسررررررررعة....الاميري....مستشفى الاميري..... طول ماهي بالطريج تبجي ....وتدعي الله ان جرااح ايكون بخير.....وديمة تبجي ولا تدري شالسالفة ...بس خافت يوم شافت شيخة تبجي.... ومع ان المسااافة اقصيرة بين سوق شرق والاميري ...بس حست انهم ساااعااات.... انزلت ابسرعة من السيارة.....وراحت اسألت عن جراح.....وقالولها ان اهو بالطوارئ....ادخلت وقعدت اتدورة...واتبطل كل ستااارة واتطل داخلها....شافت وحده وثنتين وثلاث ...الرابعة طلت فيها....ولقت جراح ....ناااايم وحاطين بايده ادرب......قربت يمه وطالعته ....عور قلبها.....امجفسين جم دشداشته وحاطين ابره الدرب بايده.....ديمة يوم شافت ابوووها ...قامت اتصرخ ....لانها ماتدري شالسالفة وعبالها ابوها فيه شي....اطلعت شيخة بره واتحاول اتسكتها..... يالها الممرض الكويتي.... الممرض: اختي ممنوع دخول الاطفال ....اهني وايد نااس تعابى والاطفال مافيهم مناعة.... شيخة قاعدة تبجي : ان شاء الله ...ان شاء الله....بس ممكن اتيي معاي بره دقيقة...بس بسألك عن حالته.... الممرض: ان شاء الله ..ولايهمج.... اطلعت شيخة بره وراها الممرض... شيخة: اخووي اشفيه المريض الي اسمه جراااح.؟؟؟؟ الممرض: الظاهر ان كااان معااه هبووط... شيخة: بس اهو ماكان فيه شي...؟!!! انزين اهو من اول ماياكم ماقعد؟؟؟ الممرض:لا اهو كان ياي مغمى عليه...ويوم قعد قال ان يشكي من الام صوب البطن....وحطيناله مسكن بالدرب ...ونام بعدها.... شيخة: ايه دكتور اهو صارله فتره يشكي من الام بهالصوب.....تتوقع شنو فيه؟؟؟ الممرض : ايه احنا مانقدر نجزم بشي الا بعد التحاليل والفحوصات.... شيخة: ومتى تطلع ؟؟؟ الممرض : في تحاليل بعد اشوي وفي تحاليل تطلع بعد اسبوع او اكثر اشوي..... شيخة: اممم....مشكور ويعطيك العافية.... شيخة اتدق على ناصر اخوووها.... شيخة: الووو ناصر....وينك؟؟ ناصر: ول ول ول...اشوي اشوي....اشفيج.؟؟؟ شيخة: وينك ..ناصر ابسرعة؟؟؟ ناصر: انا ابيت عمي بالشامية.....ليش؟ شيخة: ابسرعة ...تعالي الاميري الحين..... ناصر: مخترع ليش؟؟؟ اشصاااير؟؟ شيخة: ولا شي....بس جراااح تعبان اشوي ...وابيك تاخذ اليهال وتوديهم بيتنا...لان قاعدين يبجون ومتعسرين.... ناصر : اشفيه؟؟؟؟؟ شيخة: مادري ليلحين مادري...... ناصر : يالله كاني ياااي .... وبسرعة وصل ناصر.....ودخل المستشفى وشااف شيخة قاعده...... ناصر : ها شيووخ...اشلونج؟؟؟ شيخة اتطالعه وويها منخطف: زينه.... ناصر: وين جراااح ؟؟؟ وشلونه؟؟؟ شيخة: ليلحين نايم....معطينه منوم مادري مسكن....انا خااايفة ان فيه شي خطييير..... ناصر :لا لاتحاتين ...ماكو شي...انزين اوديهم عند امي ؟؟؟ شيخة: ايه ....بس قبل ابيك اتوديني مصافط سوق شرق ....خذيت مفاتيح جراح وبييب السيارة من اهناك.... ناصر: يالله.... راحت شيخة يابت السيااارة ...وخذا ناصر اليهال....وخلاهم ورا....وخلا ديما تمسك براااك..... شيخة: كل ساع طل عليهم من الجامة....ولاتدوس عشان مايفتلت من ايد ديمه... ناصر : ان شاء الله ...لاتوصين حريص ...واذا وصلت بطمنج..... حب شيخة على راسها ...... ناصر : لاتحاتين ...ماكو شي...ان شاء الله مافيه الا العافية..... شيخة: ان شاء الله....بس لاتقول حق امي ...متابيها اتحاتي.... ناصر: صااار..... اول ماوصلت شيخة المستشفى....راحت الجناح الي فيه جرااح....وافتحت الستاارة...ولقت جراااح قاعد.... شيخة ولمته اشوي اشوي: حبيبي .....خرعتني عليك ....اشفيك وشنو صار؟ جراح: ديري بالج الدرب.... يكمل: مادري فجأة يالي الالم ماغيره....وطحت وتيمعوا علي النااس ...وبعدين مادري شنو صااار ...لقيت نفسي اهني..... شيخة معصبه : انا قتلك من زمااان ....روح الطبيب ...شوف شنو فيك...بس مااكوو...عمك اصمخ..... جرااح ساااكت وماله خلق..... شيخة: انزين ماقالولك شي....؟ جراح: امبلا ...سوولي تحليل دم......بس ماطلعت النتيجة..... يدخل الدكتور الهندي ....وماسك ورقة التحليل...... الدكتور: همدلله تهليل ...اوكي.....بس لازم شوف تهليل ثاني دقيق....وتهليل بول واشعة وسونار....لان هزا تحليل ماكو بين كل شي..... جرااح: دكتور انت يقول التحليل اوكي ...ليش اسوي تحليل ثاني .....؟ الدكتور : انت يأشر على مكان الم....وهزا يبي تهليل يودونه بره ..مو هني ...ياخز توو وييكس.... جرااح: اقدر اطلع اليوم....؟ الدكتور : ايه يقدر ...بس انا يكتب وصفه...انتا لازم ياخذ مسكن ....ولازم يسوي تهليل بول وسونا واشعة.... جراح: انا يسوي مستشفى عسكري... الدكتور : مو مشكله أي مكان سوي....بس لازم سرعة...... جرااح: خوووش دكتور ....مشكور.... شالواا الدرب من ايد جررراح....وقاموا بيطلعون....وشيخة اتحاول اتسند جراح على جتفها..... جراح يتغشمر: وين اتسنديني على جتفج ...انتي قزمة ماتطوليني .... شيخة: اتصدق مو كفوو.... جرااح يفقصها بايده على جنب: يالله عااد ...اتغشمر ..... يسكت اشوي : تعالي وين اليهال.....؟ شيخة: دقيت على ناصر اخوي وخذاهم بيتنا..... جرااح: اوووه.....الحين انرد ....سيارتي بشرق.... شيخة: لا اتخاااف ...ماطافت علي ....خذيت مفتاحك ورخت يبتها مع ناصر اخوي.... جراح: والله عفية...ويلوموني لا حبيتج....سنعة سنعة.... شيخة:انزين انا بسوق.... جراااح: قمي زين....انا بسوق... شيخة: جراااح ....اولا انت تعبان...وصارلك ساعة قاعد من النوم وماخذ مسكنات...يعني مو زين اتسوق.... جرااح: لا يبا مافيني شي.... شيخة معصبه: خلاص يعني ....لاتسويها سالفة...انا الي بسوق..... جرااح: خلاص خلاص ....لاتعصبين ...انتي اتسوقين..فكينا بس..... ادخلوا السيارة....وطقت شيخة السيارة سلف .... جرااح: مو متعود اقعد يمج وانتي اتسوقين ...احس شكلي غلط.... شيخة: اشدعوااا غلط....عااادي ....بس اهني عندنا ...لان الناس اهني عـُــقد ...حمدالله والشكر... جرااح: شنسوي بعد ....جذي تفكيرهم بعد..... شيخة بصوت هادي : جرااح...الاسبوع الياي ....انروح المستشفى العسكري واتسوي كل الي قاله الدكتوور...تحاليل وسونار واشعة ومادري شنو.... جرااح: روحي زين...ماني رايح ....ومافيني ...ماسمعتيه يقول مافيني شي..... شيخة:ماسمعته ايقول هذي مو تحاليل دقيقة ...يعني في اشياء ماتبين بهالتحليل.... جرااح: يبا صار فيني هبوووط ...مافيني شي..... شيخة منفعله: لا ...لتقص على نفسك...انت صارلك مدة ايعورك صوب بطنك....لازم اتروح....ان شاء الله يكون شي بسيط....مثلا انا يوم كنت بالجامعة يتلي فترة قامت معدتي اتعورني حيييييييييييل ...وكانت اتهد حيلي ....اتصدق يوم رحت الطبيب وسوولي منظار ...طلع فيني بكتيرية ...وخذيت الدواء والحمد الله ...مافيني شي....وانت بعد يمكن نفسي ...يطلع التهاب او شغله بسيطة ...مايصير تسكت عن عمرك لين يزيد الشي..... جرااح يضحك: اشفيج واايد منفعله ....كل هذا خااايفة علي لا اموووت .....اللــــــــــــــــه ....يابختي احد ايخاف علي هالكثر.....بشوف لامت شنو بتسوين..... وتطلع بالمرينا اف ام اغنية...... جرااح مشتط ويعلي صووت الاغنية حييل: هالاغنية يااايه بوقتها .....اهداء منج لي قبل لاموووت.....<<<<<ايقولها و ميت يضحك..... تصور لو خلت هالديره من عينك ولا تعــــــــود ينبت عليها الحزن واصير انا كالعـــــــــــــــــود شوف الالم ما برح في مهجتي والعيــــــــــــــن طيرني مره بفرح خلني الاقي عيــــــــــــــــــــن تروي عطش دمعتي يكفيني طول البيـــــــــــــن لا عدم صوتك ولا خلا منك مكــــــــــــــــــــــان يا احلى ايام العمر يا اغلى كلمه في الصــــــــدر شوفت عيونك منيتي لكنه مو بيــــــــــــــــــدي لا ما ابي عمري يمر من غير صوتك يالبـــــــدر شوفت عيونك منيتي لكنه مو بيــــــــــــــــــدي يا فلان ياللي مطر صوتك على بابــــــــــــــــــي انت السما ودنيتك اكبر من عتابـــــــــــــــــــــي تصور لو خلت هالديره من عينك وش اشـــوف ينبت عليها الحزن واصير انا في غيبتك كالعـود لا عدم صوتك ولا خلا منك مكــــــــــــــــــــــان يا احلى ايام العمر يا اغلى كلمه في الصــــــــدر شوفت عيونك منيتي لكنه مو بيـــــــــــــــــــدي لا ما ابي عمري يمر من غير صوتك يالبـــــــدر شوفت عيونك منيتي لكنه مو بيـــــــــــــــــــدي يا فلان ياللي ضحتـك غنوة على عينـــــــــــــــي تسألني كل البشر عن دمعتي بعينـــــــــــــــــــي تصور لو خلت هالديرة من عينك وش اشـــوف ينبت عليها الحزن واصير انا في غيبتك كالعــود لا عدم صوتك ولا خلا منك مكــــــــــــــــــــــان يا احلى ايام العمر يا اغلى كلمه في الصـــــــــدر شوفت عيونك منيتي لكنه مو بيـــــــــــــــــــدي لا ما ابي عمري يمر من غير صوتك يالبــــــــدر شوفت عيونك منيتي لكنه مو بيـــــــــــــــــدي شيخة قاعد اتطاالع جدام واهي اتسوق وتسمع كلمات الاغنية...وجرااح يغني الاغنية ويطالعها ويطفرها.....واهي مو قاعدة تضحك..... يوم خلصت الاغنية..... جان تنفجر من البجي .....اتشاهق من البجي ..... جرااح: شيووخة...شيووخة...اشفيج....قاعد اتقشمر معاااج...... يكمل : انزين صفطي صفطي على جنب ...لاتسوقين وانتي جذي..... جراح: حبيبتي ...خلاص ...قاعد اتغشمر ... شيخة ميته بجي :اهـ اهـ اهـ.... حــــ ....حـــرام اتقول جذي .....لــ ...لـيــش تلعب باعصابي ....ليش اتفا..ول .....على عمرك.....ليش اتخرعني واتخليني افكر بهاليوم ...... جراح يمسك راسها ويحطه على صدره صوب ارقبته ويبتسم: ياااحماارة ...قاعد اتغشمر ...ابييه شيخوو...من صجج ...اشفيج.... شيخة تبجي : تـــ...تدري انا ...مـــ ....ماحب هالغشمرة البايخة...... جراااح: يبا خلاص سحبناها ....ماراح اتغشمر معاج....يالدلوعة.... شيخة : انـــ ....انا مو دلوعة ....ماحب هالكلام.... جرااح : الله ....ليهالدرجة اتحبيني .....يامن حظي ..... شيخة سكتت وماردت عليه....عطااها اكلينكس ويحاول ايضحكها.... جرااح : يالله عاااد...انا مافيني شي...وقاعد على قلبج...انزين يكمل: وهاج كلينكس ....مشي سناسينج.... شيخة ابتسمت : احترم نفسك.... جرااح يضحك: عسل على قلبي هالسنــاسـ.... اتقاطعه واهي تضحك: بس عااد..لوعت جبدي .... جراااح : مابي اشوف هالدمووع مرة ثانية ..... شيخة: وانت لا تتغشمر معاي هالغشمرة ...فاااااهم..... جرااح يبتسم ويطالعها: فاهم عمتي.....ولاتزعلين..... هدت شيخة اشوي وكملت طريجها.....وخذوا اليهال من السرة وارجعوا البيت...... | |
| عندما تتشابه الأرقامـ |
|
13-03-10, 04:39 AM
| #51 (permalink) | |
|
مشرف عـآم
| شيخة وجرااح نوّموا اليهال....وراحوا غرفتهم.....وغيروا اهدومهم.....وانسدحواا بالفراش ....وقاعدين ايطالعون بعض.... جراح: اتصدقين ولهت على مشيري ... شيخة: بسم الله ...اليوم طايرين....؟!!! انا ليلحين ماولهت على جنوووي ...وطااع اشكثر رفيجتي.....!!!! جراح: مو متعود اني اوخر عنه.....انتي عالاقل عندج امج وخواتج ...يردونلج الصووت ...انا ماعندي غير مشيري... شيخة: اخوانك..... جرااح: غير ....غيرعن مشاري ...مشاري اكثر من اخووو..... شيخة: يالله ....كلها 3 اسابيع ورادين...... جراح: على قولتلج.... واقعدوا يسولفون ويضحكون مع بعض...على ليت الابجورة....فجأة جان يتبطل الباب ....قاموا ارفعوا راسهم ....ويلا ديمة ياية ركض لهم.....جان تصعد الفراش....واتطب بين جراح وشيخة.... جراح: بابا ليش قايمة من افراشج ويايه اهني .....؟؟ يالله قومي روحي غرفتج.... ديما : مابي ...اخاااف اقوم الصبح والقا امي مو موجودة بالبيت ...مابيها اتخليني .... شيخة اطالع جراح: ميخالف خلها بس اليوم..... جراح يطالع ديما : بس اليوم ...اوكي .... ديما اتهز راسها : اوكي .... ونامت ديمة بين جراح وشيخة ..... جراح بصوت : شيوخ ماتدرين اشكثر ديما اتحبج....اتمووت عليج ...يوم رحتي ...امرضت وماتاكل ولاتشرب.... شيخة تمسح على شعر ديما واهي نايمة: خلاص جراح ...لاتعور قلبي.... جراح: تكسر خاطري ديما ...شيخة دايما حطيها بعيونج...ترا ماعندها احد غيرج... شيخة: الله يخليك ويخليني لها ان شاء الله.... سكت جرااح...وانسدح على ظهره ...وراح بتفكيره بعييييييييييييييد...... بعد اسبوعين .....جراح طالع من الدواام ....طبعا اهو يشتغل بالجيوان...وكانت الساعة 1 ونص تقريبا الظهر....صعد السيارة ....مشى اشوي...جان ايدق تلفونه..... شيخة: السلام عليكم حبيبي.... جراح: هلا والله شيخة..... شيخة: هااا ...طلعت من الدواام....؟؟؟ جراح: ايه توني طااالع....بس بمر الاميري ...بييب تحاليلي ..... شيخة: عاااد انا دااقة بذكرك.... جراح: انا بروح عشان افتك من حنتج ....كل يوم اتحنين على راسي... شيخة: هيهيهيهيهي....عيل حنتي اتييب نتيجة...!!! جراح: اتصدعين الراس ..... شيخة: شسوي خايفة عليك... جراح: مافيني شي ...متأكد.... شيخة: قول ان شاء الله ..... جراح : ان شاء الله....يالله ...اذا خلصت ادق عليج..... شيخة: اول ما تطلع من الطبيب ...دق .... جراح: اوكي ..حني ...حني اكثر... جراح ينزل من السيارة ويصك باب السيارة.... شيخة: وصلت!!!! جراح: ايه ...بس نازل البقاله الي يم الاميري....مشتهي كاكاو كندر ...وميت عطش ابي كولا..... شيخة: وراك غدا ... جراح: يعني كاكاو...ماراح يشبعني .... يكمل : خلاص اذا طلعت ادق ....اوكي شيخة: ناطرتك....باي خذا جرااح الي يبيه من البقاله.....وبعدين دخل المستشفى ....سألهم عن تحاليله ...عطوه التحليل ...وقالوله راجع الطبيب .....عشان يقرا لك التحليل... دخل جراح عند الدكتور .....وطوّل عنده....تقريبا نص ساعة..... طلع جراح من الدكتور.....وراح عند ماكينه الماي...وشراله بطلين ماي .....وقعد عالكرسي...كان يحس بحرارة...ومنصفق ويها ....شرب المااي .....وشيخة اتدق ولا شاله...يطالع رقم شيخة...ويحطه سايلنت ....قام وراح الصيدليه وصرف الدواء ..... دخل السيارة....وتدق شيخة مرة ثانية.... جراح: ها.. ها ....موجذي الواحد ايحن.... شيخة: وينك ...كسرت التلفون وانا ادق ...ليش ماتشيله.....؟ جراح امعصب: كنت عند الدكتور ....انا مو قتلج اني راح ادق !!!! ليش اتشكلين ورا بعض!!! ...يعني تبين اصك الخط ابويهج وسكر الجهاز بكبره....!!!! شيخة: وااي ليش امعصب...بس كنت ابي اعرف الدكتور اشقالك..... جراح: ماقالي شي ....فيني التهاب بسيط بالجبد.... شيخة: شنو يعني ؟؟؟ جرااح امعصب : يعني شنو...التهاااب ...عادي ...آخذ مضاد ...واطيب..... شيخة: انزين اشفيك متنرفز....ماقلت شي.... اتكمل : انـ ...انزين الطبيب اشقال ...يعني مو خطير .... جراح بنفسية : لأ.... يكمل : يالله خلاص ...انا الحين ياي ..... شيخة: يالله ...ناطرتك..... جراح يوصل البيت...ويدخل الشقة..ورايح صوب غرفته.....وشيخة قاعدة بالصالة ...قاعدة مع اليهال..... شيخة: الناس اتسلم اول ماتدخل ..... جراح حاقرها ودخل الغرفة....بدل اهدومه ....ودخل ياخذله شور .....وطلع من الحمام ...ولاف الفوطه على خصره ....وقعد على طرف الفراش ...ومنزّل راسه اشوي..حاط راحت ايده على يبهته....ادخلت شيخة الغرفة.... شيخة: نعيما حبيبي ... جراح يرفع راسه ويطالعها: الله ينعم بحالج..... شيخة: يالله ...الغدا جاهز..... جراح قاعد يلبس اهدومه : اكلوا ...مابي غدا .... شيخة: هاو اشفيك....ليش معتفس..... جرااح: مافيني شي .....متضايق .... شيخة: عشان الالتهاب ...!!! جراح: لا شكوو .....اصلا الطبيب قالي عادي ...شغله بسيطة.... شيخة: ايه خلااص ...الحمد الله...عيل شلي امضايقكك؟؟ جرااح: اووووه ....خلاص شيخة....لاتحنين على راسي .....بس راسي ايعورني ..وتعبان وابي انام.....مابي اسمع صيحة اليهال .... شيخة امعصبه : انزين ...هد هد اشوي اشفيك جذي اتصرخ.... وكانت ديمة بالصاله قاعدة اتصرخ وتبجي ...تبي شغله والخدامة مهي معطتها ...جان يطلع جراح من الغرفة امفوّر ....ويروح عند ديمه ...ويمسكها من بجامتها من جدام.... جرااح ايصرخ على ديمه: بس سكتي ...سكتي ...بطيتي راسي ... شيخة : جرااح...اشفيك اتصرخ عليها ...اشوي اشوي جراح يلتفت على شيخة: انتي مالج شغل ...فاهمة....هذي بنتي مو بنتج!!!!! ديما انفجرت من البجي ...اول مرة جرااح يصرخ عليها جذي ..... جراح: اقولج سكتي ...صكي حلجج.... جان يمسكها من زندها حييل ويرها صوب غرفتها ...ويدزها داخل ..... واهي ميته بجي....ويصك الباب ....ويطالع شيخة.... جراح: انا بنام الحين ...ومابي اسمع صووت ....فاهمة.... شيخة: اشفيك انزين ...ليـشـ..... جرااح ايقاطعها وبصراخ : فااااااااااااااااااهمة!!!!! شيخة: خلاص ..انزين ..انزين.... دخل غرفته ورقع الباب......ادخلت شيخة على ديمة....جان اتلمها حييل واتحطها على صدرها.....واتقولها .... شيخة : ميخالف حبيبتي ....ميخالف..... اتلمها ومو مستوعبة الي صار كله....واتقول بقلبها (( اشفيه جراااح....ليش امعصب .....لايكون صاير شي ....لايكون فيه شي ....لا ..لا ..ماظن ..جان قالي...الله يستر بستره ...الله يستر )) عقب 3 ساعات ....ادخلت شيخة الغرفة اشوي اشوي..كانت الغرفة ظلمة بس باب الحمام امطرف اشوي....وشافت جراح ناايم....وفاصخ بلوزته ....ولام المخده ونااايم......اقعدت على طرف الفرااش ....واتطالع جراح واهو ناايم...وتتحلى عليه بقلبها ....لحفته شوي شوي ....جان اتشوف جيس الدوا يمه ...خذته واطلعت بره .....بطلت الجيس تبي اتشوف الادوية ....لقت باندول ...ودواء ثاني .... شيخة بقلبها: واااي هالحكومة ...ماعندهم غير الباندول.....بس هالدواء شنو ...ايه يمكن هذا المضاد.... يتبطل باب الغرفة ,,ويطلع جرااح...مغمض عين وامبطل عين ...لانه توه قاعد من النوم....بس لابس بنطلرون تريننق من غير ابلوزه ...وحاط ايده وحده ورا ارقبته.....يطالع شيخة.... جراح: وين ديمه .... شيخة: نااايمة....بجت بجت ...ونامت.... جراح يطالع شيخة مااسكة ادويته .... جراح: ليش ماخذه ادويتي....؟؟ شيخة متوهقة: هاا ...لا بس كنت بشوف شنو عطاك الدكتور .... جرااح: بطلي لقااافة ...يعني بجذب عليج ...قتلج شنو فيني..!!! شيخة اندقرت ......وحطتهم دااااخل الجيس..... راح جراح المطبخ ....وشرب ماااي ....ورد الصاله .....وقعد عالقنفة ...وتسند لي وره ....وحاط ايده الثنتين على راسه على الجنبين ..... جرااح: ااااااااخ ....راسي بينفجر ..... شيخة : تبي غدااا ؟؟؟ جرااح: شنو الغداا ؟؟؟ شيخة: صينية ديااي وسلطة ناتشوز.... جرااح قام من مكانه ورايح الغرفة : لا مابي شي ..... دخل الغرفة ....وبدل ولبس دشداشة ....وخذا بوكه واسويجه ....وحطهم ابمخباته ...ورشله عطر ....وطلع بره الغرفة ...... شيخة : وين رايح ......؟؟؟ جراح: المسيد..!!! يطلع ويصك الباب .....يروح المسيد ويصلي ...ويقعد اشوي اهناك.... عقب ماطلع من المسيد.....راح بيت اهله ..... دخل الصاله ....سلم على الموجودين ...وقعد..... ام محمد: ها جرااح...اشلونك واشلون شيخة واعيالك....؟ جراح سؤال ورد غطاه : زينين .... نورة : اشفي ويهك منصفق واصفر .... ام محمد: لايكون متهاوش مع شيخة بعد..... جلراح متنرفز : اووووهووو ....وبعدين وياج يماه ...كل ماشفتيني ظلمتيني بشي ....!!!! ام محمد: وانا اشقتلك ...سألتك بس ..... جراح: لا ...مافينا شي .... كانوا حاطين بطاولة اصغيرة صينية فيها معجناتمن قيصر ...ومطارة شاي .... راح جراح صبله شاي بالاستكانه وحطله شكر.....وحطله بصحن اشوية معجنات ...وقعد بالقنفة ....قعد ياكل قطعة بيتزا ..... عبدالعزيز : وااايد ضاعف جراح .... وويهك صاير اصفر ......فيك شي؟؟ جراح يطالع تلفزيون وياكل وماله خلق: اممممممم .....لا مافيني... مشعل :رحت فحصت ...انت قايلي من جم اسبوع انك ابتفحص!!!!!..... جرااح:اووووووووووهووووووووو.....خلاص اشفيكم ...انا موياهل .... ام محمد: يعني اذا ماسألنا عنك...قلت ماتدرون عني ولاتحسون فيني ...واذا سألنا عنك ...عصبت وطنقرت ....يعني شنسوي ..... جرااح : لاتسوون شي ...خلاص ..... مشعل : انزين رحت ويلا لأ....؟؟؟ جراح امعصب : اييييه ..... مشعل : اشقالولك؟؟؟ جراح قاعد يحوس استانة الشاي: التهاب بالجبد..... مشعل مخترع : كبد وبائي ؟؟؟؟!!!!! جراح يطالع مشعل : اشفيك انت .....التهاب عادي ....بس عطاني مضاد ويروح ان شاء الله ...... ام محمد: ايه الحمد الله .....من السم الي تشربه .....هذا الي بيذبحك....هذا الي بموتك.... جرااح يسكت ويسرح ....قام جراح بيطلع ..... ام محمد: تعال ...ماكليت ..اشربت الشاي ....!!! جراح: مابي....سديتوا نفسي ..... طلع وسكر الباب ..... لطيفة اطالع امها : ايه والله ....استلمتوا الريال من اول مايه ..... الناس تبتسم ...اتهلي واترحب ....مو سيدة ...استجواااب ... ام محمد: هااااااو ...اشقلناله ....سألنا عنه .....بس مشعل : يما سألي شيخة ....يمكن اتقولج شي ؟؟ يمكن اهو مايبي ايقولنا الصج ....!!! ام محمد: لا ان شاء الله مافيه الا العافية ....وان شاء الله ادق عليها بعد اشوي واسألها ....... دلال : ويه ....ياعله بهالحال وارده ..... عبالعزيز ينزرها: استحي على ويهج ....لا ربي يبليج بااجر ..... مشعل يطالعها : ايه عيب ...هذا اخوج....ومهما صاار ...عمر الظفر مايطلع من اللحم.... دلال قامت : واااي كليتوني ....عشتوا ....شالمحبة الي انزلت فجأة.... جان تركض اتروح دارهااا .... نورة: ايه والله ... قام يكسر خااطري جرااح...احس قام يتعدل .... ....صلح غلطته الاولية.... ام محمد سرحانه واتفكر ..... لطيفة : يما اشفيج ....وين رحتي .....سرحاااانه بعييييييييييييد؟!!!! ام محمد: والله شاغبتوني على هالولد....قمت احاتيه...... اتكمل : خل اقوم ادق على شيخة .... عقب ساعتين ....جراح يدق على موبايل شيخة..... شيخة: الووو .... جراح: هلا حبيبتي.... شيخة مستانسة ان جرااح يكلمها عدل : هلا والله ....هلا حياتي..... جرااح: تعشيتي؟ شيخة: لا ....تبيني اسيلك عشا؟؟؟ جرااح: لا ...لا ....مشتهي ماكدانلدز....تبين ييبلج شي..؟ شيخة: يالله ...اوكي....اممممم ...ابي دبل تشيز بيرجر..... جراح: اوكي....ديمة تعشت ؟؟؟<<<<مسكين متحسف ..... شيخة: لا ...قاعدين انسويلها عشا .... جرااح: لا لاتسوون ...بييبلها هابي ميل ..... شيخة: اوكي.... جاح: ماسألت عني .... شيخة: اممم ..لأ..... جراح : يالله كاني ياي..... شرا جراح الي يبيه ...ورجع شقته .....واول مادخل ...كانت ديمة قاعدة اطالع تلفزيون .....يوم شافته خافت...قعد عالقنفة ...جان ايناديها..... جراح :ديومه....حبيبتي....تعالي حبيبتي ...تعالي بوسيني.... جان تركض واتلمه..... جراح لمها حيل واهو قاعد بالقنفة ومغمض عينه . ..وظلمده طويله جذيه ..... بعدين حطها ابحظنه....وطلع شي من الجيس الي يمه..... جراح: ديمة ...شوفي شنو يبتلج.....يبتلج لعبه حلوة..... ديمة: الله ....حلوة ....مشكور يبا.... يطالع شيخة : يالله ....الطاااولة....خل ناكل حدي يوعان .... يلف على ديمة: يالله ديوووم ....شريتلج هابي ميل ....ناكل بعدين نلعب .... عقب ماخلصوا من الاكل .....قاعد جراح مع ديمة عالارض ...ويلعب معاها باللعبه ....جان اتييهم شيخة..... شيخة تستعبط وتقعد بالنص: ميخالف العب معاكم...... جراح ايحط ايده ابويها و ايدزها على ضحك : لاترزين ويهج ...محد ناداج... شيخة اتعضه على ايده..... جراااح يضحك: آآآيبنت الذين... شيخة اتمدله السانها: تستاهل ..... يلعبون وبراك يحبي يمهم....ويخرب عليهم....كانوا قاعدين يضحكون.....ومستانسين...... يحط جراح ايده على جبده ...اتشوفه شيخة.... شيخة : اييب دواك ؟؟؟؟ جراح : اهز راسه : ايييييييه ... اتييب شيخة الدواء مع الماي ..... يشربه جرااح.....وعقب مارتاح اشوي ..... شيخة: ههها ...اشلونك الحين.... جرااح: زين ...ترا مافيني شي ...لاتخترعين جذي ..... شيخة: ايه ...ادري ....بس ماحب اشوفك تتألم ..... اتكمل : ايه تعال ...امساع دقت علي خالتي ....تسألني عنك....واتقول اشفيه جرااح.... جرااح اهز راسه : لا حول ولا قوة الا بالله ....انا توني طالع من عندهم وقتلها انا فيني التهاب ....لازم مايصدقوني ..... شيخة: حرااام ....قاعدة اتحاتيك.... جرااح: الله يخليج....اي اتحاتيني .... شيخة: اكيد اتحاتيك ....هذي امك.... جراح : انزين مو موضوعنا ......يايب برزن بريك سيزون توو ....خل ابدل عشان انشوفه...... شيخة: الله ونااااااااااااااااسة....يالله بسرعة بدل ....ناطرتك... اتكمل : تبي اسوي بووووب كوووورن.... جرااح: لا ...حدي مطفح ..... ******************************************* بعد 10 ايام ...الصبح...على الساعة11 ....جراح بالدواااام.....يرن موبايل جراااح.... جراااح: هاااااااااااالااااااااااااااااااااا ..... مشاري: هلا والله.... جراح: اشلونك....متى وصلت.؟؟؟ مشاري: امس بليل ...الساعة 12..... جراح: يالهيس ....الحين اترووح كل هالمدة وماتدق ....ايه اشعليك...ناااايم بالعسل ..... مشاااري:كاااااااااااااااااااااك..لا والله... انا ماخذ عهد على نفسي ...ومراهن مع جنوووي ....اني مااراح ادق على ولا احد ....وقتلها حتى جراااح ....وماصدقني الا يوم سويتها.....تدري بعد شهر عسل.... جراح:يالله ...الله لنا ...الله لنا ...انزين ماعلينا ...اشلونك ...اشلون الزواج ....؟ مشاري يبتسم : ليحد الحين ...امنييييييييييييح..... جراااح: هااا ...اغلبتك ويلا غلبتها.... مشاري : اتخسي مره تغلبني ..... جرااح: قلناها قبلك ..... مشارييضحك ويكمل:جريح....تكفى وينك.... جرااح: انا بالدوااام.... مشاري:طول اليوم انا حاجزك ...كيفك عاااد جرااح: وين المره..... مشاري: المره نامت ابيت اهلها امس...والحين يمكن عند مرتك....اذبحتني ....زين مايتلكم امس بليل ..... جراح: حريم....مافهم صبر .... مشاري : اخلص اخلص ...وينك..... جراح: بالدوااام اشفيك.... مشاري : امرك ويلا اتمرني ....عشان نتغدا بره.... جرااح:اشفيك انا بلبسي العسكري.... يكمل: شوف ارجع البيت ...اخذ شاور ....واغير اهدومي..واييك ....اوكي... مشاري : خلاص انا نص ساعة وامرك كيفان.... راح جرااح البيت ....دخل الشقة ....ويلا جنى وشيخة قاعدين ....سلم جراح... جراح: السلام ....اشلونج جنى....؟ جنى: هلا والله ...اشلونك ...شخبارك.... جراح يضحك معاها: عيل قايلة حق مشاري مايدق علي ...هااا .....مردوده مردوده... جنى تضحك: لا والله ...ماقتله ...بس راهنته ...وسواها ...الصراحة...ماتوقعت ايسويها.....اتوقع مايكلمي انا بس يكلمك انت..... جراح: لا ماعرفتي مشاري ....عنيد ..ومايكسر كلمته....اذا راهنتي على شي ...يكسب الرهان ....راسه يابس..... يطالع شيخة: انا ببدل وبروح مع مشاري ..... جنى حق جراح: اليوم اخذه ...مابيه ...وانت خل شيوووخ ...ولهانه عليها..... جراح يبتسم ....ويدخل الغرفة ....يبدل اهدومة ويلبس دشداشة ويطلع ...... جنى: امبيييييييييييييييه ...جراااح ضاعف.... شيخة: سكتي ...مضيق خلقي .... جنى: اشفيه ؟؟؟؟ شيخة: فيه التها بجبده .... جنى مخترعة : شنو يعني !!!! شيخة: لا...ان شاء الله موشي خطير .....بس ايعوره ...ويمكن هذا الي مخليه ماياكل عدل ...... جنى: ويييه ...مايشوف شر ....انزين شنو علاجه....؟ شيخة: ميضاد حيوي ....لا لا بس ماكو شي <<<< اتهون على عمرها.... جنى: ايه ان شاء الله ...ماكة شي ...يالله اشواا عرف شنو فيه من البداية ...قبل لايزيد..... شيخة: ايه الحمد الله.... ****************** مشاري يوصل كيفان ...ويطق هرن ....يطلعله جراح ...ويركب السياره ..... مشاري يطق كف بكف مع جراح.....ويبوسه على خده.... مشاري : هااااااا.... جراااح: هااااااااااااا انت .... مشاري : ولهت عليك يالخايس ... جراح يبتسم ..... مشاري : جنك ضعفان ....من ورانا رجيم ..... جراح يلف ويه جداام ..ومايعلق .... مشاري : اشفيك انقلب ويهك...!!!!!!! جراح : ماكو شي...وين تبينا انروح..... مشاري : لا فيك شي....صج صج اشفيك ...قولي ..... جراح : انزين حرك ...ليش واقف ..... مشاري يحرك : يرحم امك اتقولي اشفيك؟؟؟ جراح:مشاري توك ياي من السفر ...وتوك بشهر عسل ...مابي انكد عليك..... مشاري مخترع : اشفيييييييييييييك جراااحو...!!!!!!! جراح يلف ويها صوب الجامه الي يمه: مادري شقولك.... مشاري : جريح ...ترا رفعت ضغطي ...لعبت بعصابي ...اشفيك..... جرااح:تدري ان صارلي مدة جبدي اتعورني ...صح... مشااري :ايه انزين....وبعدين... جرااح: ايه سويت التحاليل ..... مشاري منفعل : اييييييييييه ...وبعدين .... جراح : طلع ان فيني ...اشتبااه سـ.....سـ...سرطان بالجبد...... مشاري طق بريييييييييييييك ....جان يصفط بحارة الامان..... مشاري لف على جرااح منصفق ويهاا : شنوووووو....؟؟؟ جراح : مثل ماسمعت.... مشاري : ايه قالو اشتباه ...يعني مو اكيد... جرااح: شبه متأكدين ..... مشاري : واشلون يتأكدون ؟؟؟؟ جراح: لازم اسوي اشعة وسوناار ... مشاري : في احد يدري ....شيخة تدري؟؟؟؟ جرااح: لا....محد يدري الا انت .... مشاري ايحرك سيارته ....ويدوس .... جرااح: هي هي ....اشفيك داايس وين رااايح..... مشاري مو قاعد ايطالعه : انا رايح المستشفى العسكري ....انت واحد خبل ...وساكت على نفسك ...يعني مادري اشناطر .... جرااح: يبا مابي ارووح المستشفى..... مشاري : مو بكيفك ...غصبن عليك بتروووح.....مو طيب منك.... انت خايف ايكون فيك هالمرض ...الله لا يقوله ...بالله كان فيك صج...عالاقل نتلاحق عليك امبجر..... جرااح : يبا ماني راايح خلاص ... مشاري : والله ...وقسمن بالله راح اتروح....لا اعلم شيخة..... جراح: تدري ..انا الحماار الي قتلك.... انزلوا المستشفى ....مشاري قاعد يدق على واحد يعرفه بالمستشفى...مركزة كبيييييير عشان ايضبطهم..... سواا جرااح الاشعة والسونااار والتحاليل اللازمة وعقب ساعتين ادخلو على الدكتور.....الدكتور قاعد يطالع النتايج وصور الاشعة والسونااار..... جراح ومشاري قاعدين جداام الطبيب .....كان الدكتور ملتزم وعنده لحيه خفيفة.....جراح ساكت ولا كلمة.... مشاري : ها دكتور بشر ...!!!!!! الدكتور : انت جرااح....؟ جراح منصفق ويها : انا جرااح.....شنو فيني دكتور ؟؟؟ الدكتور يطالعه : انت مؤمن ...والمؤمن داايما يرضى بقضاء الله وقدره... مشاري بنبرة عالية : شنو دكتوور .....؟؟؟ وجراح يطالع الدكتور وساكت.... الدكتور ايطالع جرااح: عندك حالة متقدمة من سرطان الكبد..... جراح طالع مشاري وبعدين نزل راسه ....ولا تكلم بكلمة.... مشاري منفعل : انزين شنو العلاج ....؟؟؟ الدكتور : بكون صريح معااك.....من اصعب انواع السرطانات اهو سرطان الكبد....صج ان الورم في الكبد منتشر بس الحمد الله مو منتشر بالجسم ليلحين....في حالته...ماعنده غير حليّن ...يا إن ياخذ كيماوي ....او يسوي زراعة كبد...وهذي الافضل ....بس نسبة نجاحها مو مضمونه.....ولازم ابسرعة ايلحق قبل لاينتشر بالجسم .... جراح ولاكلمة.... مشاري : انزين من وين انييب الجبد....مين وين انييب متبرع؟؟ الدكتور : هذي العملية نسويها بالكويت ....وبالنسبة للمتبرع ...ناخذ الكبد من شخص يكون توه متوفي بحادث سيارة او سكته قلبيه ...او أي سبب ثاني ...المهم مايكون مريض....واتكون فصيله دمه نفس فصيله دم المتبرع له.....عشان جذي لازم اتكون موجود بالمستشفى لان في حال وصول الميت انسوي العملية..... مشاري : ماااراح يسوي العملية اهني .... مشاري يطالع جراح: امش ...خل انسوي اوراقك....رااح اتسافر بره ...هالاسبوع ان شاء الله.... اطلعوا من المستشفى ...ومشاري يدقدق على نااس ايعرفهم...عشان ايمشون شغل جراااح....ويسااافر بره باسرع وقت ....اركبوااا السيارة.....جرااح ولا كلمة..... مشاري يطالع جراح ويهز جتفه وادموع مشاري تنزل : لا تخاااف ...ماراح يصير فيك شي....تفهم....هالاسبوع امسافر بعوون الله....توني صاااكه من واااحد ثقه ...قالي اعتبر الموضوع منتهي ..... مشاري ايلم جراح ...... جرااح ايهز رااسه ويطالع مشاري : لاتقول حق احد..... مشاري : منت قايل حق شيخة ..... جراح: لأ..... مشاري : اشلون ..... جراح : ان قتلها زار عاقلهاا...اخاف ايصير فيها شي ...مو ناقص انا .... مشاري: انزين ...حتى اذا سافرت منت قايلها ...؟ جراح: يصير خير بعدين ..... جرااح ايغير السالفة ويطالع مشاري ويبتسم : مو تقول ماراح ايصير فيني شي ...عيل ليش ضااايق خلقك.....يالله يالله ...خنروح نتغدا ....طاع الساعة جم الحين .... مشاري ماله خلق يبتسم : وين تبو اترووح .... جراح : انت توك ياي من السفر ...اكيد ودك تااكل اعيووش .....امش امش فريج اصويلح..... صار بليل ...مشاري نزّل جراح عند شقته ...وجنى راحت مع مشاري ....دخل جراح الشقة .....وبعدين دخل غرفته.... شيخة اطالعه وتبتسم : هلا والله ...هلا بالغالي ....هلا بحبيبي وعمري .... جراح يطالعها ...جان ايروحلها ويلمها حيل ....فقصها واهو يلمهاا.... شيخة اتلمه: اشفيك ..... جراااح: احبج ...اموت عليج... شيخة: وانا بعد امووت عليك ..وابوس التراب الي تمشي عليه ..... جراح: وين اليهال....؟؟ شيخة : بدارهم يلعبون... ليش ؟؟ جراح: روحي ييبيهم ....اليوم ابيهم ايناموون عندنا بفراشنا... شيخة: هاو ؟...اشطاري عليك..... جرااح: بس ودي انام احنا الاربعة مع بعض ...... شيخة تبتسم ...واتروح اتييبهم ....لمهم جراح وقعد ايبوسهم...ولعب معاهم اشوي ...بعدين انسدحوا شيخة وجراح بالفراش وبينهم ديما وبراك....وامبطلين الابجورة....شيخة وبراك وديما حاطين راسهم على المخدة وجراح رافع نفسه بايده وقاعد يطالعهم....ديمة وبراك نامووا على ووول .... شيخة تبتسم:...ليش قاعد اتطالعنا جذي ..... اشفيك اليوم...!!!! جراح: احبكم ....احبكم وااايد...انتو اهم شي عندي بالدنيااا .... شيخة: جراح ليش قاعد اتقول جذي ..... جراح: بس مشتهي اقول هالكلام ...مايصير .... شيخة باستغراب : امبله ايصير .... ابتسم جراح حق شيخة وباس ديمة وبراك .... جراح صك ليت الابجورة ....جان اينادي شيخة... جراح: شيخو ...تعالي صوبي ...ابي المج لين انام .... شيخة قامت ونامت يم جرااح...ولمها حيييييل ...لين ناموا كلهم...... ****************************** بعد 5 ايااام .......جراح توه ياي من بره ......وينادي شيخة..... جرااح: شيخة...........شيخة.......... شيخة كانت توها يايه من الدوام ..وقاعدة اتبدل اهدومها.....تطلع من الغرفة .... شيخة: هلا جراااح....اشفيك اتناديني .... جرااح: قعدي بكلمج..... شيخة اقعدت وقعد يمها جراح.... شيخة: شنو؟؟؟ اشصاير ؟؟؟ جراح: سلامتج....بس بقولج شي ..... شيخة مخترعة: خير ... جراح: خير ...خير ان شاء الله..... يكمل : انا ياييتلي دورة بره....بالمانيا ....الدوام بيدزوني ... شيخة: صج متى؟؟؟ جراح: باجر ان شاء الله مسافر..... شيخة منصدمه: وجم مدتها .....؟ جراح: الله اعلم ...ليحد الحين مفتوحه المده ....وماحددولي الفترة..... شيخة: انزين واحنا ....اشلون علينا .... جراح: ان شاء الله ماطول اكثر من شهر شهرين ....واني احتياطا بسويلج الفيزا ...اذا قتلج تعالي...اتيين ....اتفقنا.... شيخة: لا ...انا ابي ايي معاك ....خلاص راح اخذ اجازة من غير راتب ...واروح معاك مرافق زوج..... يقاطعها جراح: لا ..مايصيراتيين الحين معاي ....انا بكون بقاعدة عسكرية .....اشوف اذا طولت اهناك ...اضبط امووري واتييلي ... شيخة: جراح اشلون اتخليني و اتروح.....!!!!! جراح: شسوي ...مرغم اخاك لابطل .....غصبن على ...لازم اروح..... شيخة :انزين ارفض الدورة...!!! انت الوحيد الي دازينك...؟؟؟ جراح: ماااقدر ارفضها ....ولا مو انا الوحيد ....مشيري بيي معاي .... شيخة: مشااريَ!!!!!! شكو ...اهو طياار وانت استخبارات ...شالعلاقة.....؟؟!! جراح يضحك: طاع ويهج ...اشعرفج انتي ....ايه هذي الدورة مشتركة ...عادي أي احد ملازم يقدر ياخذها ..مولازم تخصص معين..... طبعا جرااح بروح عشان ايسوي العملية...ماقال حق احد ولا حتى حق شيخة ...يدري ان راح اتصير مينونه.....او ايصير فيها شي.....بس مشاري الي يدري....وراح ايروح معاه .... غدا ابيت ابو محمد......مشاري ايدق على جرااح.... مشاري : يالله جريح انا بره..... جرااح: يالله ...اسلم عليهم واطلع..... طبعا شيخة ميته بجي ....واهي عبالها ان بيروح دورة ...لو تدري ان رايح علاج وان فيه ذاك المرض ...جان اشصار فيها..... جرااح حق شيخة: انزين خلاص ....لاتضيقين خلقي ...خليني اروح وانا مستانس.... ام محمد: خلاص شيوخة...اهو رايح شغل ...الحمد الله مافي شي .... شيخة: ادري ...بس ضايق خلقي ....مابي يخليني .... راح جراح حب راس امه وابوه ....وسلم على اخوانه وخواته واعيالهم واعياله.... .كان سلام حاار...جنه يودعهم.... مسك قضبة البا عشان بيطلع لف ويها على شيخة ...ابتسملها .....فتح الباب ...جان شيخة اتصرخ .... شيخة: جراااااااااااااااااااااااااااااااااااااااح..... جان اتلمه حيييل ..... شيخة: الله يخليك ...لاتروح ...لاتخليني ....مابيك اترووح.... جرااح: حبيبتي ...ماراح اطول ....ادعيلي ان الدورة ماتطول ...ادعيلي ارجع بسرعة....ادعيلي ..... شيخة: الله يخليك ...لاتطول ....الله يخليك.... جرااح: ان شاء الله ....ادعيلي .... طالعهم كلهم: ادعولي ..... نورة ولطيفة وام محمد اخنقتهم العبرة عالموقف ...وادخلو الصاله ..... مشعل يلطف الجو : يالله عاااد ام براااك ...اهو رايح دراسة مو علاج الله يهداج.... جراح حبها على راسها .... جراح: ديري بال على نفسج واليهال.... شيخة: انت دير بالك على نفسك ..ولاتشغل بالك فيهم.... طلع جرااح ...وشيخة تبجي ...والكل اهديها ...كانت حاااسة بغصة بقلبها ....وشعوور ماتدري شنو اهووو... كان جراح كل يوم تقريبا يكلم شيخة....وساعات اكثر من مرة باليوم .....وهذا الي كان امريحها.... تقريبا بعد 3 اسابيع .....شيخة اتكلم جراح.... جراح: هلا حبيبتي ...اشلونج.... شيخة: هلا عمري ...انت اشلونك...وااي جرااح ولهت عليك....وااي ليش ماعندك ام اس اس ...ابي اشوفك.... جراح: شسوي بعد ...الخدمة ماتدز حق الكويت ..... يسكت اشوي ....ويكمل : انزين سمعي ماعندي وقت ....انا داش امتحااان ...امتحااان مفاجئ ....وابيج تدعيلي اني انجح ...لانه مصيري .... شيخة: اشدعواا مصيري ...انزين خلاص ...الحين بصلي وادعيلك... جرااح: احبج شيخو...احبج.... شيخة: انا بعد احبك..... جرااح: عطيني بوووسه .... شيخة: اموواااااا..... جراح: يالله ماقدر اطول ....ادعيلي ..... شيخة : ان شاء الله ..... جراح: ايه سمعي ....يمكن اليوم مااح اقدر اكلمج....يمكن باجر ..اوكي شيخة: خلاص ...بس اكيد باجر هاااا.. جرااح: قولي ان شاء الله..... شيخة تبتسم : مادري شكو...بس ان شاء الله...... صكت شيخة الخط....واقعدت اتحاتي جرااح واتحاتي الامتحااان ...لانها حست من صوته ان الامتحان مهم بالنسبة له...... طبعا جرااح اليوم بيسوي عملية زراعة الكبد.....لانه لقوا متبرع توه متوفي بحادث سيارة.....دخل جراااح غرفة العمليات ...ولا احد يدري ...غير مشاري... بعد يومين ...شيخة ابيت اهلها.... ام ناصر:خلاص لاتاكلين ابعمرج جذي ...ماكو الا العافية....يعني بس يومين ماكلمتيه ...مو اسبوعين ....الله يهداج بس .... شيخة: يما انا متوعدة اكلمه كل يوم...وباليوم اكثر من مره ...هذي اول مرة يسويها ....اهو كان عنده امتحاان ...وقال راح ايدق باجر يعني امس ...لا امس ولا اليوم دق ...وجهازه...و مشاري ايرد على جنى....مادري خااايفة صار فيهم شي ..... جنى يمها ساكته.... شيخة اتطالعها : جنى دقي ...شكلي...انا قلبي ناقزني ...حااسة ان فيه شي .... حصة : شيخة يعني شنو فيه ...الريال رايح يدرس وعسكري ...تلقين اهناك مايخلونهم على كيفهم يتكلمون...لا والمان بعد..... فجأة يرن موبايل شيخة....شيخة : هذا خط مشاري ..... شيخة اترد عليه : الوووو....جرااااح.... مشاري صووته متغير: هلا شيخة...لأ ...انا مشاري .... شيخة: اشفيييك... وعلى طووول كملت جملتها واهي مخترعة : مشاري وين جراااح ..فيه شي؟؟؟؟؟ مشاري من غير وعي قاااام يبجي : شيخة ...جــ....جرااااح.... شيخة اتصرخ : اشفيييييييييييييييييييييييييييييييييه!!!!!!!!!!!!! !!!!!!! مشاري وقاعد يبجي : شيخة ...جــ...جراااح ياي اهني المانيا عشان يسوي عملية زراعة جبد....لانه مريض ...مريض حيل......بس شــ...شكلها العملية افشلت ..الجسم رفض الزاعة...لازم اتييين اهني بسرع وقت ....باسرع وقت ...جراح يبي اشوفج...... شيخة لفت فيها الدنيا : انتــ ...انت اشقاعد اتقول....اشقاعد اتخربط....لأ....جراح رايح يدرس ...جرااح رايح دورة....انت جذاب ....انت جذاب ... جنى اتلم شيخة وتبي اتهديها .... شيخة ميته بجي و ليلحين اتكلم مشاري : لأ ...اكيد ...اكيد هذي جذبه ابريل ...امبله ...احنا الحين بابريل..... تصب ادموعها : مشاااري ...الله يخليك...الله يخليك ...قولي انها جذبه ..قولي انك تتغشمر ...قولي ان موصج....والي ايسلمك.... مشاري : شيخة....قولي لا الاه الا الله....قولي لا الاه الا الله..... شيخة اتشاهق: ابي جرااااااااااااااااااااااح...ابي جرااااااااااااااااااااح..... طاحت شيخة غشيانه .... افتحت عينها ...ويلا اهي بالمستشفى ...حاطينلها ادرب ....لان صار فيها انهيار عصبي...كانت امها وخواتها حواليها......وناصر اخوها..... شيخة: انا وين ....كنت احلم..... ام ناصر : يمه انتي بالمستشفى....هدي نفسج... شيخة: الي صار حلم ويلا صج.. ..طيبة وحصة وجنى يبجون..... شيخة: يعني صج...يعني صج... اتطالع جنى : جنى صج الكلام الي قاله مشاري.... جنى اتهز راسها واهي تبجي..... شيخة: كنتي تدرين .....كنتي تدرين صح.؟؟ كنتي تدرين ان جراح رايح علاج.... جنى ساكته..... شيخة اتصرخ: ليش مااااااااقلتيلي....ليش؟؟؟؟ انا المفروض الي اكووون معاه بهالوقت ...انا المفروض الي ارووح .... جنى تبجي واتحاول اتهدي شيخة: شيخة ...هذي رغبة جراح....اهو مايبيج تدرين....مايبيج اتحاتين.... شيخة اتطالع ناصر: احجزلي ....احجزلي اقرب طيارة بتروح المانيا....اليوم او الفير....احجزلي....انا عندي فيزا.... ناصر: شيخة ..حبيبتي ..هدي ...انتي تعبانه ... اتحاول اتقوم من الفراش ...وتبي اتشيل الدرب....كلهم امسكوها.... طيبه : شيخة لاتسوين جذي ...ترا مايطلعونج من المستشفى ....وراح تتأخرين ولا راح تقدرين اتسافرين .... يوم اسمعت شيخة طيبه ...هدت اشوي .... شيخة : خلاص بنطر لين ايخلص الدرب....وبطلع مسؤوليتي...ومابي احد يدخل....هذي حياتي....ويلا ماراح اسامحكم بعدين...... طااارت شيخة باجر الصبح...عالكويتية.....راحت بروحها لان محد معاه الفيزا....راحت وادموعها تسبقها....وطول الطريج واهي تبجي وتقرا قرآن وتدعي حق جراااح....طوول الطريج...تتذكر جراااح وضحكته وكلامه وحنانه...والايام الحلوة الي عاشتها معاه....يمكن اتكون سنه ونص...بس كانت اجمل اياام حياتها....كانت الرحلة بالنسبة لها كأنها دهر.....اوصلت المطار....وبدلت الطيارة ...وراحت على طيران داخلي...حق مدينه هامبرج...والي فيها مستشفى هامبرج..... انزلت المطار مرة ثانية.....وخذت تاكسي....وكانت خاااايفة ...خااايفة حيييييل مني الي ناطرها...... اوصلت المستشفى...كانت قاعدة تركض....اسألت عن المكان...اصعدت الجناااح....شاافت مشاري قاعد بره ...قاعد يبجي..... شيخة يوم شافته : مشاري.... مشاري:يرفع راسه ....بسرعة ماكو وقت ..دخلي..... شيخة اتطالع باب الغرفة...وقلبها يرقع...لبسوها لبس ....وادخلت ....ادخلت ...آآآه....شافت جراح...شافته على الفراش.....قربت منه ...كان امغمض اعيونه...وتحت اعيونه لون ازرق....وجسمه كله اجهزه.....بطل عينه.....مايقدر ابطلها اكثر من النص..... اقعدت يمه شيخة : جراح حبيبي...انا شيخة...انا يمك.... جراح يطالعها: شيخة...شيخة حبيبتي.... شيخة: ايه حبيبي ...انا كاني ...انا يمك...ماراااح اخليك ابد.... جرااح: شيخة ...انا اسف...انا اسف اذا ضايقتج يوم ...انا اسف اذا زعلتج يوم ...سامحيني.... شيخة: مسامحتك....وان شاء الله ترجع لنا انا وديمة وبرووك...والي ابطني....انا حااامل جراااح..... جراح يالله يبتسم تنزل ادموعه على طرف عينه: كان ودي....كان ودي....بس موبيدي..... شيخة: لاتقولـــ... جراح: خليني اكمل....شيخة....ماوصيج على ديمة....حطيها بعينج...صيريلها الام والابو...ماراح اوصيج اعيالج ..لانهم اعيالج..... شيخة مساكة ايده واتبوسه وتبجي: وديمة بنتي...بعيوني.... جراح: شيخة ...عمري محد حبني كثرج......ولاحبيت احد بالدنيا كثرج... شيخة...اموت عليج....انا كنت اطالع الله ثم اطالعج... جراح يطالع اعيون شيخة : شيخة احبج اكثر من كل الناس اكثر من نفسي..((شيخة...والي رفع سابع سما احبج اكثر من امي)) وغمضت عين جراااح  **************النهاية***************** | |
| عندما تتشابه الأرقامـ
التعديل الأخير تم بواسطة Miss_To0ota ; 21-03-10 الساعة 04:49 PM |
|
21-03-10, 11:13 AM
| #56 (permalink) | |
|
مشرف عـآم
| حنطاويه عسل حبيبتي انتي  آنا ما قلت القصه آنا كاتبتها ولوتلاحظين آنا كاتبه بأول القصه للأمانه صاحبة القصه (( كراميل )) أتمنى ما تتسرعون لما تقروون الموضوع واقرووه بأمانه عشان مايصير سوء تفاهم وأدري انه القصه من زماان بس في اعضاء هني ما يعرفونها عشان جذي حبيت انقلها حبيبتي لا تتسرعين مره ثانيه | |
| عندما تتشابه الأرقامـ
التعديل الأخير تم بواسطة Miss_To0ota ; 21-03-10 الساعة 11:16 AM |
|
| أدوات الموضوع | |
| انواع عرض الموضوع | |
|
|
| ||||||||||
العرض العادي
